خطيبي يقول لي انتي ما تهتمين فيني ... !!

[lady 33]

مرحبــآآ صبايا انشاء الله كلكون مناح و كويسين :eh_s(7)::eh_s(17)::eh_s(15):

بليز صبايا ابيكم تساعدوني بـ افكار و اشياء اسويها ولا اقولها احسس خطيبي بـ الاهتمام بشكل عام .. مع ان دايما اكلمة عالتلفون بس هو يبيني ادق عليه وازعجة واحسسة بالقبول الكبير بس انا انحرج ودي اسوي اشياء وايد بس استحي وهو مايقدر هالشي مع اني كل دقيقة اقول له انا استحي ( طبعي حياويه ) .. انا اتصل فيه اقعدة للدوام اسال تغدى ولالا شخبار الدوام اسال عن تفاصيلة .. بس مادري شيقصد بـ ان انا ما اهتم فيه ؟؟؟!!!!! يمكن هو يقارن اهتمامة المبالغ فيه اتجاهي ويقارن اهتمامي في اهتمامة فـ يقول لي اهتمي فيني حسسيني اني اهم واحد عندج في الحياه ( شلون احسسه انه اهم واحد ماعرف ) يبي يحس اني ماقدر اعيش بدون ( انا اقدر اعيش بدونة صج حبيبي بس هو يبي اهتمام نفس الافلام شسوي يعني اصيح يعني ) ..... مرات اقول هو فيه نقص اهتمام من اهله فـ انا ابي املى له هالفراغ على قد ما اقدر :eh_s(17):
بليززز صبايا لا تبخلون علي بتجاربكم انا عمري 18 وحدي متوهقة مابيه يفهمني غلط لان انا عندي استعداد اعطية عيوني بس ماعرف شسوي وماعندي حد من خواتي متزوج انا اول وحده :eh_s(16)::eh_s(22):

الله يووووفق الي بيردون على موضوعي وينصحوني يارب :yaaaaaarb:

:eh_s(17):

 

[lady 33]

آآآآآآآآب

 

[توتا حمرا]

اذا انتي ماتدرين مقصرة معاه من اي ناحية سئليه باسلوب حلو

 

[Winter Q8]

شلون تهتمين زيادة .. خلج عادية و ان شاءالله لما تصيرون بيت واحد لكل حادث حديث ..

 

[مصر-الكويت]

وي والله الريايل مو عجبه شي
اذا تستحين دزيله واتسال طول الوقت

 

[Judy . abbot]

حبيبتي اكيد الريال يبي اهتمام
انتي ما تطلعين معااه ؟؟!
عموما دقي الصبح قعديه حق الدواام وسولفي معاه ليما يوصل الدوام
قوليله شنو تريقت ولا ها شبعت نوم ولا جنك لي الحين دايخ اي شي المهم تسولفين ههههه
واذا صار نص الدواام دقي عليه ساليه اشلون الدوام واذا قالج تعب ولا اي رد قوليله يعطيك العافيه الرياييل يحبون الحجي الحلو
وسولفي شوي وصكيه وقوليله لي طلعت من الدوام كلمني او غالبا اهوه من نفسه يدق واذا يوم نسى يدق تشرهيي عليه ليش ما دقيت انا كنت مشا قتلك بس زعلانه شويه
وري الغدا العصاري اذا دق قبل لا ينام قوليله شنو تغديت بالعافيه حبيبي وساليه شنو يحب اكلاات
وعقب ما يقعد من النوم قوليله صح النوم وين بتروح وقوليله الله وياك الله حافظك اول ما توصل طمني
جذي من هالحجي حسسيه انج تحبينه وسولفيله عن نفسج اذا اداومين عن الدوام شنو تحبين شنو تكرهيين تري هالفتره وايد حلووه عشان تعرفون بعض عدل
وتري الحيا شوي شوي يخف اذا طاحت الميانه
قبل لا ينام سولفي ويااه واحلا شي اذا نمتو والخط لي الحين مبطل ما صكيتوه امس ونمتو علي صوت بعض

تري من يقل الحيا شوي شوي السوالف تطلع وجدامج شخص ودج تعرفين عنه كل شي
والله يوفقج ويهنييج يا عرووسه باجر انشالله بتتذكرين هالايام الحلوه وتتمنين ترجع

 

[ღ Mzajiya ღ]

انا مع كلام الاخت اللي قبلي عدل كلامها وصح هالفتره وايد حلوه وكلها بتصير ذكريات حلوه ان شاءالله
الله يوفقج حبيبتي ويهنيج ​

 

[خلطات المذهله]

تلحلحي لايزهق ويشوف وحده تحسسه باللهفه والاهتمام

 

[lady 33]

فدددددددددديت روحكم بنات ما قصرتوا

بس والله كل الي قلتوه انا اسوية = (((((

 

[om.googi]

قوليله لا ملجنا وصرت زوجتك راح أهتم فيك باللي تبيه ,, والسالفة معروفة

بس حاليا اهو خطيبج يعني في فرق كبير بالمعاملة ,,​