خطير وينحف بدون جراحه

[ام هلا وغلا]

السلام عليكم شخباركم
حبايبي انا شفت برنامج على قناة الكويت الاولى
يتكلم الدكتور عن بالون المعده ويمدحه حيل
قامت ودقيت على القناة وسالته عن كل الي بخاطري
صراحه الدكتور ماقصر
انا ودي كل وحده سوة بالون او سمعت عنه تسدح قصتها هون
تكفون بنات وزني 90وعندي مناسبات وانا بطه والرجيم مامن اراده :weight_lift:

 

[ام هلا وغلا]

بنات الكويت مايردون شدعوه وانا بس امدح فيكم
واقول يفزعون حق اي وحه لا ماهقيتها والله

 

[بنفســـــج]

هلا حبيبتي
انا من امس شفت الموضوع ومتردده ارد عليه

البالون اثبت فشله , اول شي فترته 6 شهور وتشيلينه وبس تشيلينه يرجع الوزن امفقود

وهو ينفع انه ينزّل 6 لي 9 كيلو خلال ال6 شهور الي تحطينه فيها , وكثييييير حالات ينزلون اول اسبوع وبعدين يعودون نفسهم عليه ويعرفون يتغلبون عليه :eh_s(4):

اعرف 2 حطوه وحده نزلت اول اسبوعين 4 كيلو وبعدين رجعتهم خلال الفترة الي البالون بعده ببطنها , والثانية ولالا كيلو انزلت حتى انا انصدمت ومن اول يومين قدرت تاكل من كنتاكي :tomato2:

اختي على وزنج ماراح ينفعج البالون , انتي لو تلتزمين تساعدينه وبنظام الأكل والرياضة حطّيه لأنه مافيه قص ولزق منظار بيومه تطلعين من المستشفى ولا حسافة لكن هو ما يجبرج على الامتناع عن الاكل مثل الحزام والسليف وتحويل المسار

طبعاً ما اقول لج سويهم :eh_s(4): لأن الوزن مو كبير لدرجة تتعبين نفسج بعمليات السمنة

سوري لو كلامي يزعجج :eh_s(1):

 

[a6oby]

انا ما ااييد البالون لان حتن لو ظعفتي مردج بتشيلينها و اول ما تشيلينها بترد معدتج بكبرها الاصلي و بتحس بفراغ لمن اشيلون البالونه و على طوول بتحسين بيووع و راح تنفجعين على الاكل اسم الله عليج

 

[زهره الجلنار]

وانا بعد كنت بسوي البالون قالي ابوي اني سويتي ماتلومين الا نفسج وعاد خفت لانه سامع انه موزين والحين ودي اسوي الشفط بالليزر بس خايفه اروح عندي اي دكتور انا وزني 80 بس متني ببطني وزنودي حده شكلهم موحلو
ان شاء الله البنات يفدونا بهالموضوع نبي نضعف

 

[sdn chocolate]

رفيجى مسويتها وتعبت لان سوت لها خراج بالمعده وسوا لها عمليه وشالوا شو من معدتها..