خلااااص بنفجررررر ....ابي حل !!

[نواليتا]

السلام عليكم ورحمه الله وبركاااااتهـ


بدخل بالموضوع ع طول اناا مملكه لي سنه 3 شهور ولا تحدد زوااجي المهم ان زوجي موضف والحمد الله بس

ماكمل دراسته وقالي من الاول انه بااقي له سنه وبيرجع يخلصهااا الموهم رجع كمل وتفاااجأت انه مو بااقي له سنه ويخلص لا باااااقي 3 سنواات مادرسهاا واناا حييييييييل تضاايقت لانه كذب علي مو لانه ماكمل


اناا زعلت لانه كذب علي ,,, ولي 3 ايااام واناا اتكلم معاااااه واناا حاسه بضيقه وهو يقولي انه ماكذب وقالي عن هذا الشي ,,, اناا مو طااايقه سوالفه عن الدراسه كللللللللللللللللش بالغصب اتكلم معاااه ,, ودااايم يقولي انتي للك االفضل لاني كملت دراستي


اناا صح شجعته بس وتنااقشت معاااه عن السنوااات وقلت يمديك تكملهااا السنه تطير بسرعه



واللحين وش اسوي اناا مو طاايقه اسولف معاه عن الدراسه بصرااحه الاهم عندي زوااااجنااا مو دراسته الي ع حسااابي انه يكملهااا والله تعبت نفسيتي وقرفاااااااااااااااااااااانه منه قرف مو طبيعي وفوق هذا ماكو مصروف منه سنه ماعطااني مصروف ولما اطلع للسوق يقولي لاتااخذين من ابوك فلوس قولي لي وانااا اعطيك وش هذااا

ساعاات يكون مااعنده فلوس طفراااان بنهااايه الشهررر ويبي يهااايط فووق رااسي ,, وساعاات لما اسولف معاااه عن حاااجه هو يكملهاا بساالف صايره عندهم ومااقول الي ابي اقوله ,, طيب انااا ماكملت سالفتي ,,, احس بشعور بشع



ماني عارفه كيف اوصف لكم شعورري ابيه يهتم بترتيبااات الزواااج ويتحررررك مو يتكلم لي عن الدرااااسه وامه لاعت كبدي وطفشت منه ,,, ​

 

[مزعله الحريم]

رد : خلااااص بنفجررررر ....ابي حل !!

تبين الصج مالومج بس اذا انتي تكلمينه وتمونين عليه اسأليه متى ؟او خلي احد يسأله ؟

 

[جـــواهر]

اذا هو مقتدراو موظف تزوجو وخل يكمل دراسته

امن اذا مو موظف شلون تقبلين فيه وهو مو موظف ؟

 

[ماني من الناس]

حبيبتي سالفه الفلوس عطيه حسابك بالبنك يدز لج كل شهر مصروف ثابت,,,,,,,,,,,,,

شكو كل ما نروح مكان يعني نتصرف مثل الطفله نقول ابي وابي لا يصرف مرره وحده

وبليز لكل الرجال بلادور الشجاعه المزيف اللي يلعبونه اي شي تبين قولي ولا تقولين لابوج يصرف عليج يعني ههههههههه يتطنزون

العلم تطور يدز لج حساب بالبنك وعن الطراره منهم

واذا معاشه زين اهم شي اهو يعرف يصرفه وقوليه بننظم عمليه صرف المعاش عشان يظل عندك فلوس لنهايه الشهر وشي للتجميع احسن من الفقر

انزين وعن دراسته قوليله خل نتزوج اول ونشوف حياتنه الزوجيه وبعدين نقرر ولين تزوجتيه اكيد بتشغلينه وبينسى لان بيحس انه ما كو وقت شغل ودراسه وتعال احفظ امتحانات ومحاضرات ووين حقوقج,,,,,,,مادري

 

[أموت برزة عقاله]

رد : خلااااص بنفجررررر ....ابي حل !!

والله مدري شقول لج


بس برفع لج الموضوع


آب آب آب آب

 

[ام زاكي]

الله يعينج ياقلبي بس لازم تفاتحينه في موضوع الزواج
وعن تجهيز بيتكم خليه يحس انه وراه اشياء اهم من الدراسه

 

[kookiz]

ميخالف حبيبتي يمكن من الاحراج جذب منحرج ويخاف تستصغرينه يمكن طلعت منه هفوة وماقدر يتراجع وقتها او استحى اخذي الامور ببساطة اكثر كافي انه كمل دراسته عشانج لا تخلينه يتحسف انه كمل عشانج
وعالمصرووف نفس ماقالت ماني من الناس فتحي حساب يحولج كل شهر مبلغ
وعالعرس قعدي معااه هاليومين وصارحيه بكل افكارج واللي ببالج خلا يكون على بينة

 

[حجيه هيونه]

رد : خلااااص بنفجررررر ....ابي حل !!

شكلج اكو شغلات وايد منفرتج منه

قعدي مع نفسج قعدة صراحه وشوفي تبين تكملين معاه ولا لا

 

[الفدنه]

الله يهديكم

 

[الأميرة جوري]

رد : خلااااص بنفجررررر ....ابي حل !!

لرفع

 

[نواليتا]

رد : خلااااص بنفجررررر ....ابي حل !!

خيتو جوااهر هو الحمد الله موظف ,,

مزعله الحريم مليت وانااا من كثر مااتكلم معاه لدرجه قلت عرس مابي عرس وخبه ابي عشى عائلي وااسافر كرهت كل شي

وشكلي براجع نفسي

kookiz خيتو بس موفي فتره المللكه يقعد يكمل هو اصلن ماافااتحني بالموضوع الا وهو عاارف ان زواجنااا مراح يكون هذي السنه

ايه هيونه واااجد وتعبت انا ابي رجال يريحني وصريح معاااي دايم افكر انفصل بس استغفر ربي واكبر عقلي


حبيبتي الله يهدي الجميع مشكوررره قلبي ع الرفع كلللللكم ذوووووق وااعذروني اذا ماعللقت ع كلام احد بس ع راسي مرورهاااونصيحتهاااا,, وربي نفسيتي حييييل تعباااانه ​

 

[عاشقة_الجمال]

الله يعيننننننننننننج حبووبه

لازم تتفاهمين معاااااااااااااه

واذا في مجال يتزوج ويكمل دراسته تزوجوو ترا وايد ناس جذي

 

[محرومة من الحب]

رد : خلااااص بنفجررررر ....ابي حل !!

حبيبتي مو عيب الواحد يكمل دراسته ليش محملته انتي فوق طاقته ؟

واذا على الزواج قعدي معاه قعدة مصارحة وشوفي شنو تجهيزاته وظروفه

وصبري عليه لان اذا بيكمل دراسته فهذا من صالحج مستقبلا وصالح عيالج

 

[وضح النقى]

رد : خلااااص بنفجررررر ....ابي حل !!

شيلي من بالج فكرة الانفصال ..:eh_s(4):

شوفي شنو مميزاته.. لا تدققين في سلبياته وانا ما اشوف سلبيات واجد

الرجال مثل ماقالوا البنات إنحرج منج يمكن .. حاولي تكسبينه لا تبينين إنج ميته على تحديد وقت العرس .. وإشغلي نفسج بالتجهيز واهتمي بنفسج عدل .. تفرغي لعمرج.. الله يوفقكم ..

لو مو شاريج ويحبج ما كمل دراسته عشانج..

انا مملكه من 6 شهور وما ابي العرس ابي ارتاح لاحقه على المسؤولية والشقى .. عيشي حياتج حبوبة:ggdw:

 

[واصله]

حبيبتي اهو اكيد حاس انج متضايقة من تصرفه عشان جذي دايما يتكلم معاج عن الدراسه جنة حاس بالذنب ومايبيج تشيلين بخاطرج
وعلي سالفه لفلوس علميه وعوديه من الحين يعطيج مصرف شهري

 

[فيروزي]

الله يسهل امورك
وزي ماقالو البنات ركزي على ايجابياته وماتدرين يمكن في شي عنده انتي ماتعرفينه هو اللي مخيليه مايفكر بتحديد العرس بالوقت الحالي

 

[وهج الخير]

رد : خلااااص بنفجررررر ....ابي حل !!

اوكي
اوكي
يا احلى عروس زعلانه سؤال يسدح نفسه
تطلقتي لا قدر الله خذيتي واحد خطبك اليوم ودخلتك باكر وصرتي ببيته وطلع فاشل ما عنده منطق سخيف ما يقاطعك بالحجي يخليك تهذرين واهوا بس مستمع تحسين تحاجين روحك يعطيك فلوس ومرات لا قدر الله يشرب
هاااااااااااااا
شرايك اعتقد كفة زوجك اللحين ترجح صح طموح طيب يحاجيك يحبك عياله باكر يجوفونه طموح ويخليهم يرتقون مثله والله ما اجوف بزوجك عيب اوكي

ضريبتك تنطرين نطري شتسوين انتي تعانين من فراغ وامل انه العرس يتم باسرع وقت وانصدمتي بانه بيتاخر بسبب دراسته لو كنتي ببيته وعنده والعرس خلص وكمل ما راح تنقهرين هالكثر بس قدر الله وما شاء فعل حبيبتي الريال كمل وخلاص مالك الا تنطرين ابليس يكبرها والفراغ استغليه بانه ادشين دوات تجتمعين مع صديقات فراغ اشغليه بغير العمل
الله يوفقك حبيبتي يارب