خلاصة تجربة عام كامل مع دابر أملا.. شرايكم؟

[Miss sensitive]

حيااكم حبيباتي

ونجلا
ليش ما تبين الزيت ينعم ويسود مو هذا المطلوب

شكراا لكم

 

[to0taa]

والله دابر املا حده عجيب يغمج الشعر الباهت ,, انا بنت اختي شهرين ما كنت شايفتها اهيا شعرها حييل خفيف و جاف و اطراف جبهتها حيل خفيف يوم شفها انصدمت ما شاء الله شهرها اينن صاير في كثافة و سوااء و الفراغات اللي بجبهتها انترست تقوول احطه مرتين بالاسبووع بدون اضافات عاد خذيتلي و بستمر علييه .. و يعطيج العافية عالموضوع الحلو

 

[NOONOOO]

شكرا حبيبتي دابر غني عن التعريف

 

[Miss sensitive]

حياكم وتجاربكم تشجع

 

[بنت النوخذا]

مسسسس هيييي
اجااااا هييييي
كيسااا هييي
فيديو هييييي
دابر املاا هيييي

:rerrerek::ggdw::ggdw::rerrerek:

نوخذا نخيه هييييي
http://www.youtube.com/watch?v=1WrMdoOymJ4&feature=related


اقعددددد هيييييييي
خوش شعور هييييي

http://www.youtube.com/watch?v=CZ6mXxG7I5o&feature=related

رزان مغربي هيييييي

http://www.youtube.com/watch?v=2wf5RTc01MI&feature=related


:eh_s(7)::eh_s(7):

 

[بنت النوخذا]

مسسس

شوفي الشامبو
ما ادري ترا من صجي شكلهم احسه صحي اكثررر

اشرايج نحول علي شامبوهاتهم و الله مو احسن
http://www.youtube.com/watch?v=U-5v7IVGfR8&feature=related

 

[Miss sensitive]

لوووووووووول اهم شي زياده مزبوط هي والله يقولون باليوتيوب
ابي صراحه عيزت اشوف دعايات شعور بس مثل هالدعايه ماشفت

 

[Miss sensitive]

ماشا الله قلبي على قلبج اليوم كنت بقولكم بالقروب شرايكم نجرب شامبوا الفاتيكا وموحسافه عليه نص دير لي ضرج قطيه
بس ترا انا مجربه حق بنتي اللي ضد القشره طيح شعرها من اول استعمال يمكن واايد قوي حياتي
بجرب يغذي ويحمي

 

[يحبنى الله *]

أنا نفس جوك احلى جو
قبل كان احسن وما اثق باللى الحين
عطونى رابطة حق دابر أملا

 

[الصيدلانيه]

مشكوورة

 

[بنت الدهمشه]

بنات يصير عاااااااادي اسسسسسستخدم زيت عااااااااافيه و زيت دابر املا اخلطهم مع بعضضضضضضضض







بليز ردو ولا يضر شعر

 

[nano555]

مشكوووره حياتي وانا الحين قاعده استخدمه و اتييبه لي وحده هنديه من الهند و اهي تحطلي اياه بالبيت مع مساج لفروة الراس بس عندي سؤال اذا ابي اقظعه شلون شنو الطريقه ؟ انا تقريبا اناديها تحطه لي كل يومين او 3 ايام بس قوليلي يزاج الله خير شلون اذا ابي اقطعه ؟

 

[بنت النوخذا]

لتسمحلي اختي مسسس

بالمشاركه
بنت الدهمشه
من خلال بحثي عن دابر املا وايد ناس قامو يخلطون بسبب ريحته
حييل قويه و في وناس حبو دابر املا الذهبي قالوا اخف ريحه

ممكن تخلطين معاه زيت عافيه لانه عافيه دوار الشمس
بس انصحج لا تخلطين اكثر من زيتين علي بعض
و اذا خلطتي ... خلطي و استخدمي علي طول بنفس الوقت
و انصحج تخلطين مع املا هذا و لانه من نفس الشركه دابر
وتكون الخلطه متساويه المقادير 1:1

 

[Miss sensitive]

كيشوره نوخذه مطلوب الافاده والاستفاده حياج يا قلبي

نونا

اتوقع التدريج احسن شي واعتقد اذا قطعتيه برد شعرج مثل اول لان اي شي تستخدمينه بوقته بفيدج بس اذا تركتيه ماعاد جسمج يستفيد منه واخي مثل من الاكل
طول عمرج محتاجه كالسيوم وانت مضطره تشبعين جسمج فيه طول عمرج واذا نقص بجسمج بتشوفين اعراضه
والله يوفقج

 

[Miss sensitive]

رحت اليوم جيان ومالقيت الا دابر املا العادي اللي بكل الجمعيات

ولقيت عندهم انواع لزيوت الاملا غير شركه دابر بس زيحتهم خفيفه وقلت يمكن فايدتهم اقل
يبيلنا روحه للولو هايبر يمكن موجود

 

[عبقرية]

مشكورة ع النقل ​

 

[q8ia7]

انزين تنصحونه نخلطه مع اي زيت عشان بس يخفف حرارته على فروة الراس ؟

مانبي نعميها مره وحده وتحت شعورنا ..

انا ابي استخدم العادي الزيتي مابي الاصفر (لأن سمعت الزيتي يغمج الشعر وانا ابي اغمجه)

تنصحوني اخلطه مع برشوت العادي ؟ (اللي غرشته شفافه مو اللي غرشته زرقه) ؟

ويعطيكم العافية

 

[منار البربرية]

شكرا ما احب الشعر الاسود والطويل لوول يعطيكم العافية تتهنون بالنتيجه​

 

[Miss sensitive]

انزين تنصحونه نخلطه مع اي زيت عشان بس يخفف حرارته على فروة الراس ؟

مانبي نعميها مره وحده وتحت شعورنا ..

انا ابي استخدم العادي الزيتي مابي الاصفر (لأن سمعت الزيتي يغمج الشعر وانا ابي اغمجه)

تنصحوني اخلطه مع برشوت العادي ؟ (اللي غرشته شفافه مو اللي غرشته زرقه) ؟

ويعطيكم العافية

ماعرف برشوت بوغرشه شفافه بس الزرقه وايد زينه
صاحبه الموضوع مجربته مع اكثر من زيت

صرت أحيانا أخلطه مع زيت جوز الهند و أحيانا أحط كيشور دهني لأنه يكثف الشعر و أحيانا أخلط دابر مع فاتيكا اللي بالحنة و الليمون وهو شي خياااال يا بنات للشعر واااو راااائع هالفاتيكا بالحنا وهو بعد من إنتاج شركة دابر

طبعا جوز الهند انواع واحسن انواعه

براشوت الاصلي الصالح للأكل

الاخضر cbc

البنفسجي bcc

الفاتيكا واهي مجربته

واخر شي بيصير شعرج جذي :eh_s(7):

 

[Miss sensitive]

نقلت لكم هالمعلومات




الطرق الصحيحة لاستخدام الزيت

- ضعي كمية قليلة من زيت جوز الهند أو غيره من الزيوت المفيدة فوق فروة الرأس.
- مشطي الشعر من فروة الرأس إلى أسفل حتى يصل لأطراف الشعر.
- لفي فوق رأسك فوطة مبللة بالماء الساخن حتى تساعد الزيت على اختراق فروة رأسك وتغذية جذوره وفرده.
- اترك الزيت فوق شعرك لمدة لا تقل عن ساعة أو حتى ليلة وضحاها.
- غسل الشعر والتأكد من نظافة فروة الرأس وأن الزيت تمت إزالته تماما منها.
- لا تنسي استخدام الزيت مرتين أسبوعيا على الأقل أو في اليوم الذي يسبق غسله.
- تجنبي استعمال المنظفات القاسية لأنها تسبب تكسر وجفاف الشعر.
- تجنبي تعريض شعرك لعوامل الجو الضارة مثل الشمس الشديدة، الرياح، الأتربة والأمطار لذلك من الأفضل ارتداء الحجاب عند الخروج من البيت.
بعد قيامك بهذه النصائح الهندية ستجلسين أمام المرأة وأنت من أشد المعجبين بجمال وبريق وجاذبية شعرك.

وصفات منزلية هندية للعناية بالشعر:



- تناولي قطع جوز الهند، وإذا كنت تعانين من السعال بسبب جوز الهند، يمكنك تناول الجكر(وهو سكر اسمر يستخلص من النخيل) كبديل.
ويجب وضع جوز الهند كمكون أساسي في طعامك.
- قبل غسل شعرك بنصف ساعة، دلكي فروة رأسك بلبن جوز الهند وهذا سيمنح شعرك اللمعان والتألق.
- عند تدليك شعرك بالزيت، دلكيه باللبن الخام واغسليه بعد ساعة.

- مكسرات الكاجو مغذية جدا لشعرك فهي تقوي نموه وتحسن من مظهر البشرة.
6- نصيحة من أجداد الهند:
في الليل، وقبل الذهاب للنوم، دلكي شعرك بفرشاة مائة مرة لكن بلطف، لأن هذا يزيد من نشاط الدورة الدموية في فروة الرأس ويقوي نمو الشعر.

- اشربي عصير جوز الهند على الأقل مرتين أسبوعيا، فهو مفيد لبشرتك، ولجهازك الهضمي، ويمثل المعجزة لشعرك.

- سخني زيت الزيتون ودلكي شعرك به وبعدها خذي حمام بخار، وبعمل ذلك بانتظام للتخلص من أطراف الشعر المتشققة.

هذا الحليب بودره تضيفين 3 قفاش منه لكوب الماي وتغسلين فيه الشعر

وكلهم متوفرين بالجمعية برفوف الكيك



وهذا السائل منه