- إنضم
- 5 أكتوبر 2009
- المشاركات
- 32
- مستوى التفاعل
- 0
- النقاط
- 0
السلام عليكم
شلونكم كويتيات
انا عندي مشكله مع زوجي وابيكم تساعدوني
انا الحمدلله زوجي ماعنده خرابيط بس مشكلة * وايد يسافر يعني لازم كل شهر يسافر ومايقعد بالبيت كلش*
لازم بعد صلاة الفجر يروح لفلان وبعد الظهر لفلان وبعد العصر لفلان وهذي حياته وبين فترة وفتره يطلعنا
المهم مره قررنا نسافر بالسياره وفي بعد *جم واحد من اخوانه بيسافرون بيروحون عرس ويردون يعني يومين ورادين
قالي زوجي خلاص نروح كلنا مع بعض هم يروحون العرس ويردون واحنا نكمل
بس قاله واحد من اخوانه لا نروح كلنا ولما نرد تسافر انت وزوجتك وبصراحه هالشي صدمني
لان لو سافرنا بالسياره اخوانه لهم سيارتهم واحنا بسيارتنا يعني ماراح يضرهم وجودي
رد زوجي من السفر وقلت له خلاص نسافر بعد الحج ( لانه بيحج) لاني قلت تعب عليه رايح وراد*
واول امس كنا طالعين وكلمته قلت له يافلان ترى والله سفراتك وايد وتضايقني
قلت له تكفى ابي منك خلاص ماتسافر مني لين نسافر انا وياك*
قال خلاص *وعد ماراح اسافر لين اسافر انا وياج
هالكلام صار يوم الاحد
يوم الاثنين كنت نايمه وقالي فلانه قومي بقوولج خبر حلووو*
قلت له شنو قال هو مو حلو بالنسبه لج بس حلو لي *
قلت شنو*
قال بسافر يوم الاربعا قلت احنا امس متفقين
قال شسوي موبكيفي اخوي يبيني اسافر معاه*
وطلع
والله يابنات انه من طلع لين رد وانا بداخلي غصه وميته قهر
وبعدين على وقت العشا تعشا وانا ساكته وماتكلمت ولا كلمه قالي جنج زعلانه*
قلت انت حاس في شي يزعل؟
قال لا قلت خلاص يعني مافي شي يزعل ليش ازعل
وبعدين قالي لبسي الولد دشداشه نوم بنزله تحت قلت له انا بلبسه بجامه كم طويل *والدشداشه نص كم واخاف يبرد قال لا الدشداشه كم طويل قلت له هي نص كم قال واذا طلعت كم طويل شنو لي*
قلت اذا كم طويل لك اني البسه*
قال بس قلت شنو تبي غير اني البسه يعني امنعك من السفر*
(لا تسألوني شنو دخل موضوع السفر بس والله من الغصه والحسره اللي بداخلي)
قالي اذا موعاجبج السفر طقي راسج بالطوفه*
وقعدت ابجي من القهر يعني احنا اتفقنا امس واليوم تقولي بسافر
نطرته لما رد بليل وقلت له فلان ابي اكلمك ( والله اني كنت محتاجه احد يسمعني وما اقدر اكلم احد واطلع مشاكلي برا)
وقعدت سنة احن عليه اقوله بكلمك لين سكر تليفونه وقالي اشتبين
قلت اللحين امس احنا اتفقنا انك ماتسافر وبعدين تقولي بقولج خبر وانت مستانس وبعدها تقولي موبكيفك*
يعني لو موبكيفك ليش مستانس*
واخرتها بدال لا تقول اراضيها تقولي بالطوفه *
شدعوه وين قدري عندك
قال خلصتي*
قلت اي*
قال عيل انقلعني عني
قلت له انت ليش مو محترمني*
قال مو عاجبج روحي قلت له انا مستعده اطلع بس ان طلعت ماراح ارجع قال ماترجعين قلت له احلف اني ما ارجع وحلف ان طلعت ما ارجع ولميت كل اغراضي كل شي لميته وقال خلصتي قلت اي ونزل الاغراض
وبعدها صعد قالي *ماراح تنزلين
قلت لا ماني نازله
قال اللحين انا منزل اغراضج واخر شي ماراح تنزلين
اشفيك تضايقت قال لا*
قلت والله انا كان بداخلي قهر وطلعته
قال ياحيوانة زين
قلت عشان تحس فيني لما انقهرت
قال انا اعلمج شلون القهر وراح نام وقالي والله لو اسمع كلمه منج راح اسافر حق اوربا*
وبعدها ماكلمته ليين سافر*
بنات تكفون ساعدوني
انا غلط ولا صح
واذا كنت صح شنو اسوي لان زوجي لو تذبحينه مايعترف انه غلط
واذا كنت غلط شنو اسوي عشان اصحح اللي سويته والله اني اكتب لكم وانا ابجي من القهر
شلونكم كويتيات
انا عندي مشكله مع زوجي وابيكم تساعدوني
انا الحمدلله زوجي ماعنده خرابيط بس مشكلة * وايد يسافر يعني لازم كل شهر يسافر ومايقعد بالبيت كلش*
لازم بعد صلاة الفجر يروح لفلان وبعد الظهر لفلان وبعد العصر لفلان وهذي حياته وبين فترة وفتره يطلعنا
المهم مره قررنا نسافر بالسياره وفي بعد *جم واحد من اخوانه بيسافرون بيروحون عرس ويردون يعني يومين ورادين
قالي زوجي خلاص نروح كلنا مع بعض هم يروحون العرس ويردون واحنا نكمل
بس قاله واحد من اخوانه لا نروح كلنا ولما نرد تسافر انت وزوجتك وبصراحه هالشي صدمني
لان لو سافرنا بالسياره اخوانه لهم سيارتهم واحنا بسيارتنا يعني ماراح يضرهم وجودي
رد زوجي من السفر وقلت له خلاص نسافر بعد الحج ( لانه بيحج) لاني قلت تعب عليه رايح وراد*
واول امس كنا طالعين وكلمته قلت له يافلان ترى والله سفراتك وايد وتضايقني
قلت له تكفى ابي منك خلاص ماتسافر مني لين نسافر انا وياك*
قال خلاص *وعد ماراح اسافر لين اسافر انا وياج
هالكلام صار يوم الاحد
يوم الاثنين كنت نايمه وقالي فلانه قومي بقوولج خبر حلووو*
قلت له شنو قال هو مو حلو بالنسبه لج بس حلو لي *
قلت شنو*
قال بسافر يوم الاربعا قلت احنا امس متفقين
قال شسوي موبكيفي اخوي يبيني اسافر معاه*
وطلع
والله يابنات انه من طلع لين رد وانا بداخلي غصه وميته قهر
وبعدين على وقت العشا تعشا وانا ساكته وماتكلمت ولا كلمه قالي جنج زعلانه*
قلت انت حاس في شي يزعل؟
قال لا قلت خلاص يعني مافي شي يزعل ليش ازعل
وبعدين قالي لبسي الولد دشداشه نوم بنزله تحت قلت له انا بلبسه بجامه كم طويل *والدشداشه نص كم واخاف يبرد قال لا الدشداشه كم طويل قلت له هي نص كم قال واذا طلعت كم طويل شنو لي*
قلت اذا كم طويل لك اني البسه*
قال بس قلت شنو تبي غير اني البسه يعني امنعك من السفر*
(لا تسألوني شنو دخل موضوع السفر بس والله من الغصه والحسره اللي بداخلي)
قالي اذا موعاجبج السفر طقي راسج بالطوفه*
وقعدت ابجي من القهر يعني احنا اتفقنا امس واليوم تقولي بسافر
نطرته لما رد بليل وقلت له فلان ابي اكلمك ( والله اني كنت محتاجه احد يسمعني وما اقدر اكلم احد واطلع مشاكلي برا)
وقعدت سنة احن عليه اقوله بكلمك لين سكر تليفونه وقالي اشتبين
قلت اللحين امس احنا اتفقنا انك ماتسافر وبعدين تقولي بقولج خبر وانت مستانس وبعدها تقولي موبكيفك*
يعني لو موبكيفك ليش مستانس*
واخرتها بدال لا تقول اراضيها تقولي بالطوفه *
شدعوه وين قدري عندك
قال خلصتي*
قلت اي*
قال عيل انقلعني عني
قلت له انت ليش مو محترمني*
قال مو عاجبج روحي قلت له انا مستعده اطلع بس ان طلعت ماراح ارجع قال ماترجعين قلت له احلف اني ما ارجع وحلف ان طلعت ما ارجع ولميت كل اغراضي كل شي لميته وقال خلصتي قلت اي ونزل الاغراض
وبعدها صعد قالي *ماراح تنزلين
قلت لا ماني نازله
قال اللحين انا منزل اغراضج واخر شي ماراح تنزلين
اشفيك تضايقت قال لا*
قلت والله انا كان بداخلي قهر وطلعته
قال ياحيوانة زين
قلت عشان تحس فيني لما انقهرت
قال انا اعلمج شلون القهر وراح نام وقالي والله لو اسمع كلمه منج راح اسافر حق اوربا*
وبعدها ماكلمته ليين سافر*
بنات تكفون ساعدوني
انا غلط ولا صح
واذا كنت صح شنو اسوي لان زوجي لو تذبحينه مايعترف انه غلط
واذا كنت غلط شنو اسوي عشان اصحح اللي سويته والله اني اكتب لكم وانا ابجي من القهر
التعديل الأخير بواسطة المشرف:
