خلطة تنحيف ونحت الجسم العجيييبة

[نيبال الايمان]

يعطيكم العافية حبايبي اليوم بكتب لكم خلطة عجيبة لتنحيف ونحت الجسم وفعلا فعلا عجيييبة وطعمها عادي وسعرها خيالي
اولا نشترى من العطار < الحواج > قشر قهوة
ثانيا زنجبيل فرش
ثالثا دارسين < القرفه >

نفوح ماي بابريق القهوة ونحط فوقه قفشة كبيرة مالت الاكل قشر قهوة ونخليه يغلي بالماي لمدة خمس دقايق نفس طريقة القهوة المرة < العربية > وبعدها نطفي عليه ونصبه فى مطارة ونحط فوقه قفشة وسط زنجبيل فرش مبشور وكسرة دارسين ونخليه بالمطارة لمدة عشر دقايق وبعدها طول اليوم وقبل الاكل او بعده نشرب من المطارة لين تخلص يعني ماله وقت محدد لازم تاخذينه فيه باى وقت واى كمية بس بشرط طول اليوم لين تخلص المطارة

والله والله يا بنات فعلا خلطة عجيبة تنحف وتنحت الجسم فى نفس الوقت مجربة ومضمونه وطعمها كانه قهوة عربية وتحسين شوي بطعم الزنجبيل فيها
جربوها وادعوا لى الله:yaaaaaarb: ان يكون همى الاخرة والجنة وكل شى يقربني منها من قول او عمل امين يارب

ملاحظة : قشر القهوة بعد ما نشتريه نطحنه بالمطحنة ونحطه في علبه

 

[العمهوجه]

مشكوورة الله يعطيج العافيه
فعلا كل اللي قلتي. عليهم حلوين

 

[حناينq8]

نجرب ليش لا
تسلمين حبيبتي

 

[بنوتة الدوحه]

يسلموووووو حبيبتي

 

[زهورالمحبة]

القشر ماتحمسينه اول

 

[mo104on]

مشكورة ياقلبي طريقه حلوة وسهله

 

[انثى عاشقة]

نفس السؤال ما تحمسين القشر ؟؟

وكم كيلو نزل وزنك ؟؟​

 

[((!ورد جوري!))]

يعطيج العافيه بس جم تنزل بالشهر

 

[بسمة السلطان]

بالتوفيق حبوبه

 

[لازورد]

الله يعافيج

ومشكووووره عالوصفه ان شاءالله أجربها
​

 

[أبلة فاتن]

انا شريت قشر القهوه وطاح بكبدي ههههه ما عرف اطحنه قالي مال القهوه اطحنه لج من زود الذكاء حسبالي يغلى على

طول بقشره لووول

ياليت تحطون لنا شلون احمسه ولا ارد اوديه حق المطحنه يطحن لي ياه ؟؟

 

[تفاصيل الغرابه]

يعطيج الف عاااافيه

 

[عبق الزهور]

تحمسينه نفس حمسة القهوه وتطحنينه عادي

انا جربته اكثر من شهرين والله عادي مانحفني ولاشي
كله حجي

 

[ركووزه]

اب اب اب

 

[نيبال الايمان]

ياعمرى قشر القهوة فى ناس تحمسه وناس لا عادي اذا بتحمسينه حطيه بمقلى وشبي الجوولة تحته وتمي فوقه وقلبيه لين يصير لونه اغمق هو ما يطول ما ياخذ منج دقيقة او دقيقتين وتحرصي لا يحترق يعني لا تطولين وانتي تحمسينه
وبالنسبه لطحنه بنفس مطحنة الهيل عادى
وبالنسبة للاخت اللى قالت انها جربته وطلع كلام عالفاضي اسمحي لي مو صحيح انا شخصيا جربته وخواتي وبنات خالى وفعلا عجييب وفى وحدة من بنات خالى عجزت جربت كل انواع الرجييم واشتركت بنوادي وببرنامج اكل الرجييم مع شركات وما نفع معاها الا قشر القهوة بعد الله بس قلت لكم يبي انتظام وصبر يعني مو تستخدمينه كم يوم وتطوفين كم يوم استخدميه يوميا وباذن واحد احد بتشوفين النتيجه
وبالنسبة لكم كيلو ينزل مو اقل من سبع كيلو بالشهر وفى بنات نزل وزنهم اكثر والله اعرفهم والكرش شكبرها وبعد ما استخدموه بعد الله صار الكرش لازق بالظهر ولا كانها مخلفه

هذى تجربتي الشخصية وتجربة بنات اعرفهم وحبيت انقلها لكم ومالي اي مصلحه بالجذب ولا اي شى والله يوفق الكل

 

[عبق الزهور]

اختي مو ضروري اللي نفع معاج بينفع مع غيرج

كل بنت يختلف جسمها عن الثانيه
وانا تكلمت عن تجربتي

 

[نيبال الايمان]

اختي مو ضروري اللي نفع معاج بينفع مع غيرج

كل بنت يختلف جسمها عن الثانيه
وانا تكلمت عن تجربتي

ياعمرى انا وياج مو شرط اللى ينفع معاي ينفع مع غيرى وانا هم تجربتي وحبيت انقلها
فديييتج عزيزة وغاليه يا عبق الزهور

 

[جني الحلوة]

والله انا اشرب قشر القهوة من السنين بدال القهوة العادي ولاضعفتني ولا شي

 

[نـور الكويت]

الله يجزاااج خيرر

بس ياقلبي شد الجسم عندج صار جسم مشدود

ويعطيج العافيه ماقصرتي

 

[Om-azooz]

صاااجه يضعف انا جربته
بس انا ما كنت افوره
كنت افور مااي وواحط بالمطاره قشر قهوه من طحن ولا حمس وواحط زنجبيل وواحط نعناع وواحط جاي اخضر ووكمون
صج الكل من شاافني ضعفت قالولي ماكله حبووب تضعف
بس انا طولت وانا استخدمه ضعفت 16كليو ب6شهور يعني وااايد طولت على ما نزلت ووزني ووبعد بااقيلي 7كليوو واصل لوزن المطلووب
بس لا زم تخفيف اكل