- إنضم
- 19 أبريل 2010
- المشاركات
- 12,632
- مستوى التفاعل
- 20
- النقاط
- 0
- الإقامة
- :: الكوويت ::
- الموقع الالكتروني
- www.q8yat.net
شلونكم بناات شخباركم طيبون
وانتي شلونج شخبارج طيبه
لوووووووووووول
وانا افتر بقوقل طحت لكم على هالموضوع الكنز
_03BA:قلت بنقله حق خواتي وان شالله تستفيدون منه :wqedqw:
وأليكم الموضوع كامل :ggdw:
مرحبا بنات
انا كنت اسوي خلطة رموش للبيع وفعلا تطول الرموش وتكثفها وتقويها
انا جربتها على نفسي قبل لا ابيعها
الحين بطلت من الزيوت ومتجهة للحنا بس
المهم
الخلطة هذي تكفيج وايد وتقدرين تعبينها في علب ماسكارا فاضية تنظفينها عدل وتغلين العلبة وتعقمينها بعدين تعبينها من الزيت
اسمها خلطة دلع
لأنها تخلي عيونج دلوعة لما تطول رموشج
وانا للامانه جربتها على نفسي قبل لا ابيعها لأن مابي ابتلش مع بنات خلق الله وبالاخير ما تفيد
طريقتها انج تحطينها مثل اي ماسكارا وتنامين فيها للصبح وتغسلينها علشان ترتاح العين
وتقدرين اي وقت تحطينها
بس احسن شي بالليل لأن تكونين نايمة ومرتاحة وماتفركين عينج او شي
بس لا تغرقين رموشج لأن يمكن يسيح الزيت ويدخل بيعونج بعدين يحرقج
انا مالي شغل ترى
اللهم بلغت اللهم فاشهد
المقادير :
قفشتين وسط زيت الحبة السودا ( حبة البركة )
قفشة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي
قفشة وسط عسل نحل طبييييييييييييييييييييييي عي
قفشة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع
وهذا سر هالخلطة
تعديل
قفشتين وسط (ملعقتين وسط مو الحجم اللي ناكل فيه - لا اصغر شوي ) زيت الحبة السودا ( حبة البركة ) خاص بالشعر ويكون مخفف من انتاج مصنع كريدشان لاتستعملون اللي يكون مركز
قفشة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق -المورد شركة بهبهاني-) عند الحواي
قفشة وسط عسل نحل طبييييييييييييييييييييييي عي واهم شي يكون طبيعي لانه بيكون خالي من السكر المصنع والمواد الحافظة وغيره ولازم الاثمد طبيعي اصلي مو مغشوش ولا مخلوط برصاص لان انا خذيته من كذا حواي وكله حرق عيني مالقيت اصلي للحين
فمستمرة على نواة التمر
مهمة مهمة مهمة
في بنات قالوا انها حرقت عيونهم
انا انا ياللي صاحبة الخلطة حرقت عيوني جم مرة
ليش؟؟
لاني غرقت عيوني بالزيت يعني حطيت وايد من هالماسكارا
طبعا انتي لما بتستخدمينها لازم تكون عندج فرشة ماسكارا نظيفة ومغسولة ماتبينها
او قطنة اذن اللي تكون مبوزة شوي من جدام
يا انج تغطين الفرشة بالزيت وتمسحينها وتتركين بس بقايا الزيت وتستعملينها على رموشج العلوية بس
او انج تغطين قطن الاذون بالزيت وتغمضين عيونج وتمسحين على رموشج العلوية من فوق وانتي مغمضة
يعني كمية بسيطة بسيطة جدا
لاتحطين وايد
ولا يكون ببالج كلما حطيتي امثر كلما حصلتي فايدة اكثر
غلط
كلما كانت الكمية اقل كلما تركزت على رموشج وتوزعت احسن لان لو حطيتي وايد بيسيح الزيت وبيدش عيونج وبالتالي بيحرقج
الحين
تخلطين هالمكونات كلها في طاسة صغيرة وبعدين تعبينها بغرشة الماسكارا
وتستعملينها عادي مثل ماقلتلج بالليل احسن
بس للامااااااااااانة
انا جربته على نفسي وبنات خالاتي وخالتي بعد وبعت منها وايد وايد كمية كبيرة
كل اللي خذوا رجعوا بعد اسبوع مع بنات خالاتهم ورفيجاتهم وخذوا منها
خالتي كان فيها المرض الشين قبل 4 سنين اسمالله عليكم وعالجت بالكيماوي
وطاح شعرها كله وحتى رموشها وحواجبها
يوم طلع الشعر مرة ثانية طلع شعر رموشها قصير ومو مثل اول
يوم عطيتها هالخلطة وجربتها اسبوعين صارت عيونها مسبلة ورموشها طالت واستانست وايد
المهم
هذي الخلطة صارت بين ايدينكم
النتيجة تشوفينها من ثاني اسبوع لما بتحطين ماسكارا سودا العادية بتلاحظين الفرق الواضح
بيصير كأنج مركبة رموش وهذي صارت معاي
امي قالتلي شنو مركبة رموش ؟؟
اللي تفيد معاها بليز لاتنساني من الدعوات بظهر الغيب
ولا تقولي انها دعتلي مابي اعرف
خليها بينج وبين ربج
وانا بعد لا تنسوني بالدعاء
يعطيكم العافية
التعديل الأخير:
