خلطه رااائعه وسهله للتكيس والام الارحام وتأخر الحمل

[حبيبة حمادي]

السلام عليكم ومساكم الله بالخير

حبيباتي المتأخرات بالحمل واللي عندها مشاكل بأرحامها وتكيسات
واللي عندها لخبطه بالهرمونات ولكل وحده تعاني من الآم الدوره او تأخر الدوره وعدم انتظامها

هذي خلطه قالتها لي الوالده الله يحفظها ويرعاها ويطول بعمرها

تقول هالخلطه مجربه وشافتها على وحده من حريم الجيران
كانت هالحرمه تعاني من تكيسات بالرحم وتأخر الحمل واخذت هالخلطه من الشيخ ابراهيم الرويس الله يحفظه وسوتها والحمدلله من ثاني شهر والتكيسات رايحه والحرمه حملت الله يرزقها يارب بالطفل السليم ويفرح قلبها

عاد لما قالت لي امي قلت ببحث عنها بالنت وفعلاً بحثت وشفت تجارب كثيره حلوه
وقررت اني اسويها وابدا فيها من اليوم بما ان الدوره اليوم نزلت علي .. لان هي الافضل ان الوحده تستخدمها وقت الدوره 7 ايام .. ومايمنع انج تستخدمينها كل يوم او يوم ويوم عشان تبان النتيجه اسرع لج ..

امي قالت لي يابنتي استخدميها كل يوم لمدة شهر وشوفي شنو يصير وماراح تخسرين شي كلها اشياء زينه ومقري فيها كلام الله يعني مستحيل تضرج ويكفي ان الشيخ موصي بهالخلطه ..

طبعاً انا اللي فيني الدوره مو منتظمه ولما تنزل تنزل قويه وتتعبني حيل وعندي الام بالرحم

المهم مااطول عليكم ادري قرقت كثير بس بغيت ابين لكم كل شي بوضوح

,,

أولا: تجيبين 250 مل زيت زيتون مقري فيه
أو أنتِ أقرأي فيه آية الكرسي والمعوذات
و الفاتحة وخواتيم سورة البقرة وتجيبين فنجان
قهوة حبة سوداء < بس لازم تكون جديده
و كويسة مو صار لها فترة عند العطار وبرضو
فنجان قهوة حلتيتة ولازم تكون لينة و رطبة
وجديده بعد وتفتتينها وتخلطينهم مع زيت الزيتون
وتنقعينهم قبل الدورة ب 3 ايام او 4 وتبدين تتدهنين
فيها من أول يوم وتدهنين الرحم والبطن والصدر وأسفل الظهر .

ثانيا: تسوين لك يوميا بوقت الدورة كوب
قرفة تطبخينها مثل الشاي وتشربينها يوميااا .

ثالثا: تاكلين ملعقة صغيرة رشاد حب مو مطحون قبل النوم
وتستمرين عليها شهريا لحد ما يصير حمل ..
وذكر بعدها ان هذه الخلطة أخذتها منه مصنع أدوية في المغرب .
عسى الله ينفع بها يارب ويرزقنا .. :yaaaaaarb:
اللي تستفيد من هذالموضوع
ما أبي منها إلا الدعاء في ظهر الغيب :eh_s(7)::eh_s(7):


​

 

[بحرينيه كوول21]

يزاج الله خير

 

[orchidia]

اي حبوبةة هذي خلطة الشيخ الرويس وكثيــر مشو عليها وتم الحمل ماشاء الله

انا كل مرة أقول بأسويها وأتعيجــز الشهر الجاي بأسويها ان نزلت ويارب ماتنزل

 

[أميره قلبه]

حبيتي انا سويتها وكنت بنزل موضوع اسال منو جربها
الصراحه جربتها يمكن ربع ساعه بس ولله ماقدرت انام حااشي عوار بالمعده ومستغربه منه اهوه ولا لا ومارتحت الا لما تسبحت واذا جتني الدوره هالشهر وانشاءالله ماتجييني راح اجربها مره ثانيه

 

[الجوهره1]

الله يجزاج الخير يارب يرزقنا

 

[حبيبة حمادي]

ايه هالخلطه للشيخ وفعلا فادت كثير بجربها وان شالله تفيدني
اميره معليش نتحمل العوار دامها بتفيدنا
ويارب يااوركيديا واميره ماتنزل دورتكم ونفرح بخبر حمالكم

تسلمون على تواجدكم الله يجزاكم كل خير فديتكم

 

[ABEER FLOWER]

ألف شكر لج

وربي يرزقج ويرزق الجميع

 

[دآنة آلرشآيده]

جزاج الله خير
​

 

[غرام القمة]

الله يشفي كل مريض يااااارب

 

[عسل حدي]

رب لا تذرني فردا وانت خير الوارثين

 

[حبيبه فايز22]

جزاج الله خيييير

 

[عسل حدي]

بجربها مع الدوره اليايه

 

[عسل حدي]

اب اب اب

 

[نور التفاؤل]

ان شالله انها تنفعج عسل مع البنات اللي ماحملوا
جربوها

الله كريم

 

[last piece]

بنات انا مره رحت العطار اشتري لامي حلتيته كانوا واصفينها لها حق الكحة
العطار قالي انتي متأكده انج تبينها قلت له اي قال ما انصحج قلت له لامي مو لي
قال ريحتها كريها ما تتحملينها قلت له بتجربها قال اول شميها .. لم شميت ريحتها
ماتحملتها من قوة الريحة مو طبيعية خليتها ما شريتها ... هذا الخلطه فيها فنجان ..

الله يرزقكم الذرية الصالحه

 

[عسل حدي]

اب اب اب

 

[نور التفاؤل]

عساهم يستفيدون

مشكوره ماقصرتي

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[خاله كندا]

الله يجزاتس خير
​

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ