خلع الاطفال مستشفى هادي

[BABY MASTER]

السلام عليكم خواتي

انا بنتي يقولون فيها خلع والحين عمرها بالضبط 3شهور و19 يوم

ورحت لدار الشفاء وخرعني يقول فيها خلعين والحوض مو طبيعي

انا مت من البجي ويقول ركبيها جهاز 3 شهور واذا مانفع تعالي اركبلها جبس:eh_s(11)::eh_s(11):

و امدحولي الدكتور حسام القسوس بمستشفى هادي اشرايكم ؟؟؟

 

["GloRia"]

حبيبتي خلج من الخااص روحي حق شيخان الفااارسي اهو متخصص بهالسوااالف

اخذي تحويل من المستوصف له لا تودينها حق الخاااص

انا وحده من جماعتنا افصخت حفاظة بنتي قالتلي فيها خلع وبنتي خلقه ريولها مقوسه بس الله يستر بوديها وبشوف

وعمرها 6 شهور وبوديها ع طوول حق شخان الفااارسي واي استفسار انا حاضر دزيلي ع الخاص

وماتشوف شر يااارب وتشفي عيالنا

 

[بنت الحرزي]

الله يشفيها ويعافيها يارب

 

[موله الكويت]

الله يشافيها يارب

 

[انا حبه للابد]

الله يشفيها حتى انا اتصدقين والده بالهادي وبنتي معاها ارتخاء بالحوض والبسها حفاضتين وليما الحين ما راجعت فيها اي مكان الحين عمرها 8شهور

 

[توفى الحلى دوبى]

نصيحة لوجة اللة عن تجربة لا تروحين حق اي احد اللا مستشفى الرازي عند دكتور اسمه حسام لاتروحين حق الدكتور الثاني جنسيتة اروبي مااعرف شسمة المهم وخلية يشوف بنتك انا بنتى كان عندها خلعين ورحت لرازي عنده ولبستها اول شى جهاز ومانفع ماعاها وبعدين قرار العملية والحمدللة لها سنتين مثل الغزال قولوا ماشاء اللة بس كانت فترة العملية جداوالجبس ايام اللة لايعيدها ع المسلمين

 

[BABY MASTER]

جزاكم الله خير خواتي

انا رحت امس الصبح لمستشفى هادي و رحت للدكتور حسام القسوس

ولما شاف اشعه بنتي قال بنتج مافيه خلعين وحوضها سليم.....!

حسبي الله ونعم الوكيل في دار الشفاء الا دار الوباء

جان يقول الدكتور حسام بنتج قابله للخلع فإحتياطا راح اركب لها جهاز مدة 6اسابيع و

لاتخافين بنتج ما فيها الا العافيه’’’’

بصراحه ارتحت معاه وان شاءالله ببلش معاهم,,,

مشكورين بنات و عسى الله يشافي عيالكم

 

[أغلى حلم]

اختي تركي الخاص و بسرعه روحي خل يجيكون عليها بشيخان الفارسي لان اهو الوحدي المتخصص بامراض العظام الخاصة بالاطفال..انا بنتي صار معاها خلع وانا ما كنت ادري بس الدكتور اللي يتابعها بالمراحعات الدورية قال لي سويلها اشعه احتياط لاني ولدتها مبجر...و تبين ان معاها قابلية للخلع باشعه شيخان الفارسي وقال الطبيب ان حوضها ضعيف و حطولها الجهاز شهرين..عاد انا كنت وايد متهسترة و قاعده ادور على طبيب بالخاص اخذ منه استشارة ثانيه وبالصدفة اتصل على مركز الشعب التخصصي فيه عندهم دكتور عظام استشاري و كويتي و كلمته قال لي تاكدي يا اختي ان بالكويت كلها مافي دكتور عظام تخصص اطفال الا بشيخان الفارسي و لا يقصون عليج دكاترة العظام ييبي اشعتها خل نشوف يقول لا هذا مو تخصصهم روحي شيخان الفارسي و خلج متابعه معاهم..فنصيحة مني اختي اخاف هذا الدكتور مو تخصصه وكلامة مو دقيق..طالما الكلام تغير من دكتور لثاني وديها الفارسي احسن عالاقل تكونين متطمنه عليها اكثر..وانشالله يبين باشعتها اهناك انها سليمة يا رب

 

[ام التاريخ]

الله يشافيها يارب