خلود الروضان

[هنوده]

السلام عليكم بغيت مساعده يابنات انا رحت حق خلود الروضان وصممت عندها فستان سهره وسوت لي ب500 دينار وعربنتها ب50 ولما رديت البيت حسيت نفسي متردده لاني ماعمري شفت لها تصميم وخفت تطلع بدلتي مو شي لان العرس عرس اخوي شرايكم بنات في احد شاف لها شي الله يعافيكم بنات بروفتي باجر ولازم ادفع لها نص السعر

 

[الغضى]

مو مقتنعة اسحبي رووووحج

 

[أبلة فاتن]

والله كل وحده جت وفتحت لها اتيليه بدون زعل انا عرس اخوي قريب تدرين شنو شريت ؟؟جاهز وقيمته ما تتعدى 80 وناعم وبسيط وراح اكون الملكه غصبن على الكل كيفي ومكياج بحط عن صديقتي ههههههههه شخصيتي قوية وما يهزني كلام احد انا ما حب الشك والشوارفسكي والالوان الفاقعه حرام افصل اصلا عاد بعدين تذكرت محل بحولي لبناني فصلت عنده توب مغربي كوبي من الصوره ضبطه والله قلت لو اني رايحه مفصله عنده فستان سهره بس شعقبه تذكرته بعدييين حسافه لان شفت عنده نفانيف حلوه مسوينها وانا وحده مالها خلق النصابين مثلي ولا حركاتهم يكون ما يبون يخلصونه بسرعه لج ولا للحين ما خلص ولا ما يضبطونه ولا نضبطه لج وينطرونج مده طويله كل الناس تتشكى من هالشيء مع الاسف دام دفعتي خلاص انطري انشاءالله الفستان يعجبج بس وايد غالي انشاءالله يكون سعره فيه​

مع ان برأيي الشخصي كل النفانيف ستن شيفون وتور وترتر يعني على شنو هالسعر ما اعترف بشيء اسمه نفنوف سهره كل وحده ورأييها وعليج بالعافيه وانشاءالله يطلع مثل ما تبين ويتمم عليكم فرحكم يارب ومبروكين مقدما

 

[هنوده]

يالله بنات الله يعافيكم بروفتي باجر.

 

[غـــنـــوجـــه]

امممممممم والله مادري اول مره اسمع فيها ..

انتي اسالي الي مدحتهاا وشوفي شغلهااا ..

500 وآيد غالي ششكل الفستان اوفررر زياده عاللزؤؤم ..

 

[معاالي]

شدعوه ٥٠٠

حتي لو انه ماركه عالميه وهوت كوتور ماوصل هالسعر

بصراحه الحريم نصابات ٥٠٠ علي شنو ؟

اروح اشتري بدله من الاسطوره ولا إس ستايل أبرك لي علي الاقل ماركه عالميه

مو قطعه خام من البلوكات وتقول ب ٥٠٠

الا اذا انتي مقتنعه بالموديل وعاجبج وتحسين انه غريب

والراي راجع لج انتي

 

[احلاهم وكايداهم]

خلود الروضان ذوقها رااقى مو صوب الدفاشة كلش

​

 

[pasion]

انا واهلى من زباينها يعجبنى حيل ذوقها مستحيييل افصل شي عندها الا يسالونى من وين بدلتج
​

 

[(*ام عهــــد *)]

موفقه خير