خلونا نحجز شاليهات بسم كويتيات

[ترف 111]

:ada::ada:بنات كويتيات اشرايكم انقوم بحجز شاليهات الخيران او شاليهات الجون بسم كويتيات بفصل الصيف ويكون للنساء فقط ونزاول انشطتنا وفعالياتنا بالشاليهات ونسوي بوفيه لعايلات الاعضاء لا فوق هذا كله انسوي بوفيه بس البوفيه يكون اطباق من صنع ايدينا والله راح نستانس واليهال بعد ونحط ديجيه ونااااااااااااااااااااااااسه يلا همتكم وخصوصا الصيف ياينا ومنها انشجع السياحه الداخليه لديرتنا راح يكون انجاز بسم كويتيات يلااااااااااا بنات همتكم ومنا لادارة المنتدى الحبيب

 

[أمواج البحر]

اهي الفكره حلوة

بس وااايد صعبه يكون للنساء فقط

اغلب الرياييل ما يرضون حريمهم يرحون شاليهات بروحهم

ما ادري احسها صعبه

بس حلوة الفكره

 

[Be colorful]

حلوة وايد الفكره انا معاكم
بس يبيلها دعايه كبيره

 

[rawona]

حلوه ..


بس صعبه ​

 

[الصابرة المحتسبة]

خووووووش فكرة
بس صعبة بالنسبة لبعض البنات وموافقة الأهل والأزواج

 

[خوخه مجكنمه ...]

حلوه الفكره وايد وأنا بعد معاكم ؟

 

[غلاي غير]

حلوه بس شلون على اهلنا وازواجنا

 

[أمانيQ8]

ووناسه جان زين بس ازواجنا اشلووون؟؟؟

 

[أمانيQ8]

يعني انا ماراح يقول لا بس لازم نشوف لهم دبره نيمعهم بمكان بروحهم بس مو بعيد عنا

 

[كويتيه ذربه]

والله خوش فكره بس نتيمع مع عائلاتنا وهناك نتيمع بمكان واحد معين يعني نقعد بزاويه معينه بالشاليه بس احنا الحريم

 

[غاية مرامي]

فكرة وايد حلوة بس لو مع ريااييلنا احسن

يعني كل وحدة وعايلتها ...ولو تطبق صج راح تصير روووووووووعة

 

[نيــلــوفــر]

اللله فكرة حلوة بس شوي صعبة

لو مثلا تخلونها يمعه بمطعم معين
وايد حلوة الفكرة و اسهل من فكرة الشاليه

 

[الفقيره]

حلوووه فكرتج



بس المشكله في الاهل مايرضون نروح بنااات بروحنا للشاليهااات


خل نشوف لنا مكان قررريب يعني مثلا منتجع السليل او نحدد يوم في المدينه الترفيهيه جذي يعني


واذا اتفقتوا على شي قولولي

 

[حلوى البحرين]

خوش والله

 

[HELPFULL]

السلام عليكم
الله خووووش فكره
عشان اشوف البنات اللي بخاطري من زمان اشوفهم
ومنها نتعرف على بعض
انا بالنسبه لي يشرفني اشوووفكم كلكم واتيمع معاكم الساعه المباااركه

 

[nice-girl]

وناسه جان وين والله بس مانكون حريم بس لا يكون حقنا وحق عايلتنا كل واحد ابشاليهه ونحجز مثلا خيمه الحفلات او المارينا تكون محجوزه لنا حق البوفبه

 

[استبرق أم علاوي]

حلوه الفكره بس مثل ما قالو البنات شلون على اهلنا وريايلنا

ولو مكان قريب احسن

 

[nwayeer]

واااااااايد حلوه الفكره طبعا لازم ينزل اعلان بالبدايه من ادارة المنتدى

طبعا مديرة المنتدى تطلب عرض سعر من المنتزه نفسه

وتسوي إعلان وليش بس حريم !!! يكون عائلي كل وحده مع اهلها !!!

ينحجز المنتزه بإسم كويتيااااات وكل عضو مع عايلتها سواء اهلها او اهل زوجها تغيير او وناااسه

اذا تبين يا مديرة المنتدى بمساعدة بخصوص هالمواضيع لا يردج الا كيبوردج اظبطج

 

[Laymo0ona]

خوووش فكرة انا معاكم اذا قدرتوا تسوونها

 

[الشهد كله]

فكرة حلوة بس من يتحمل مسؤلية الحجز والبوفيه اشلون راح يصير يعني لو نكون متواصلين

غير بس احنا ما بينا وبين بعض غير هالمنتدى وكتابة بس !!!!!!!!​