خل نستفيد بنات و كل وحده تحط استفسارها بخصوص الاستقبال

[So MuCh PaIn]

السلام عليكم ورحمة الله وبركاته
شلوونكم حوامل الله يهون عليكم يارب
انا 27_6 ادش شهري إن شاءالله
بغيت اسأل عن الشكر اللي ينحط بطرف الاستكانه وين احصله او على اشكال رحت معرض افكاري 6 حبات بدينار و نص جنه وايد
وابي نفنوف المستشفى من وين
إن شاءالله ولادتي بدار الشفا شرايكم بعصاير عالم مانغو إللي بحولي
وشكرا

 

[حبيبة اهلهاا]

و عليكم السلام

الشكر لقيته بالانستغرام بس والله ناسيه عند منو

و قميص الاستقبال روحي الترجه حلو وراقي

و العصاير امممم مادري والله لان مو ذاك الزود مع العصاير

 

[So MuCh PaIn]

تسلمين حبيبة اهلها

 

[جذابه بنت ذيابه]

حبوبه السكر بالانستغرام عند وحده ٥٠ حبه ب٧ دنانير

اذكر


و نفنوف الاستقبال روحي النقرره او مري الطاهر

و عالم المانجو حليو علئ قولة بنت خالتي

 

[Um_yoyo2010]

السكر عند addoy's

ايفوري اروابه حلوه وذربه للنفاس


اما العصير مادري ماقدر افيدج

 

[candy-87]

الشكر عندج ادوي عندها صور شغلها بالانستغرام
حق نفنوف الاستقبال عندج ايفوري و في محلات يمه بالنقره
عندج بطول الماي من وحده اسمها ام عفاف
اي استفسار انا حاظر سأليني يمكن ما ارد على الموضوع كلميني جاص
توني والده و ماراح اقصر معاج بشي

 

[Aloe Vera]

عندج سكر مغلف بمجمع بياع الورد كذا محل
و القميص من النقرة او ممكن تفصلين واحد على. ذوقج
و في بعد قمصان حلوة بمجمع زهرة بس اسعارهم غالية
و عصاير المنعش حلو
عالم المانجو عندة خلطات و كوكتيلات؟
عموماً اهو شغله حلو

 

[So MuCh PaIn]

يسلمووو بنات ما قصرتوا
ايفوري وين صاير

 

[M!SS.LOBY]

بخصوص السكر ضروري

ولا تنسين المدخل وصواني الاستقبال

وانتى شوفي لج قميص للولادة

والكفر لا تنسين ولبس البيبي

 

[M!SS.LOBY]

بالنسبة للعصائر عالراحتج

واهم شئ المشروبات الساخنة الشاي والقهوة و الاعشاب أهم من العصائر

بالتوفيق والله يقوومج بالسلامة

 

[FuSheYa]

الله يسهل عليج
انا نفسج 24/ 6 ادش شهري بأذن الله

الشكر مثل ماقالوا البنات addoys
تلقينها بانستقرام ما عندها محل.. تبيع بالبيت بس ماشاءالله شغلها اينن
انا ناويه اخذ منها اذا الله اسهل


بالنسبه للعصير......... اتوقع انتي نفسي احتمال نولد برمضان باذن الله
فاذا ولادتج برمضان ما اتوقع له داعي العصير
لان الناس بيون عقب الفطور وشبعانين وشاربين جايهم ههه

فجاي وقهوه كافي اتوقع
طبعا هذا رايي وانتي براحتج حبيبتي



الله يسهل علينا وعلى الجميع يااارب

 

[^ دانة الزين^]

الشكر من addoys شغلها يهبل

نفنوف الاستقبال شوفي الطاهر و وانور

أنا خذيت من الطاهر أوفوايت بذهبي مع دانتيل شكله يهبل وذرب

 

[^ دانة الزين^]

بنات أبي افكاركم بخصوص التوزيعات ووين راح تسوونها

 

[أوراق التوت]

هذا رقم واحده اتبيع معمول بالتمر وكعك بجوز الهند روعة كنت اخذ منها بنفاسي55022747
وهذا حسابها بالانستقرام retaj80

 

[So MuCh PaIn]

تسلمون بنات
و عال توزيعات حماتي بتسويلي إذا ولدت بالسلامة راح انزل شغلي

 

[So MuCh PaIn]

فوشيا
وناسه بينا جم يوم
والله قالولي الجاي و القهوه و حلوو القهوه يكفي مثل ما قلتي بس الجوو حار
انتي خلصتي شغلج عاد