خموووول الغده

[rhooom]

السلام عليكم
انا توني متزوجه لي ثلاث شهور وحللت عشان اتطمن وطلع فيني خمول في الغده وارتفارع هرمون الحليب ماادري كم نسبته وصرفت لي حبوب قوه 25
وسويت بحث والي فهمته انه يزيد الوزن انا من يومي نحيفه وزاد نحفي بعد الزواج قبله كنت 51وبعد 48وشهيتي مسدوده وكسلانه تتوقعون منهاوايش رايكم بالقسط الهندي لها من جربهااا
وصحيح استعمالها طول العمر مين صار معها مثلي
اتمنى تفيدوني

 

[مدام سارا]

الله يشافيج حبيبتى
الحمد الله موضوعج سهل باذن الله وعلاجج بس تنظيم هرمونات
وحبوب الغده مو اكيد تستمر راح يوقفونها اذا صارت تمام
وموفقه ياقلبى ..

 

[خشف بدو]

حبيبتي انا فيني خمول بالغده من تزوجت لي سنتين ونص اهم شي ماتنسين الحبه تاكلينها كل يوم لان اذا انتضمت الغده انتضم عندج التبويض..ولحد يقولج اذا انتضمت الغده تقطين الحبوب لا الحبوب رح تستخدمينها طول عمرج تمشين عليها لانج اذا تركتيها رح يرجع لج الخمول...وعن تجربه..ز
وهرمون الحليب عادي استخدمي الحبوب واشربي مرقدوش ترا حيل زين ينظظم الهرمونات

 

[عروق التوت]

وعليكم السلام
بالنسبه للغده كانت ملخبطه هرموناتي فوق تحت
اكياس وعدم انتظام للدوره وكنت نحييييييييييييييييفه حيييييييييييل

صارلي سنتين من اكلت الحبوب قوتها 25
وطبعآ زاد وزني 15 كيلو خلال هالسنتين
ومن ثلاث او اربع اشهر صرت اكل اقوى منها 50
من بعدها ماحللت

الحمدلله امي تاكل 250
ومرة اخوي 150
يعني انا وانتي شي بسيطه ومن قال طول العمر
على حسب حالة المريض اذا تحسنت شي طبيعي ينزلون في القوه

اتمنى اكون افدتك
والله يشفيك وجميع مرضى المسلميييييييييييين

 

[Rory &g]

انا وزني 50 وبعد الزواج بسنه صار 61
والغده لها علاقه بهرمون الحليب

 

[rhooom]

رد : خموووول الغده

مشكورررات خواتي طمنتوني والي تسأل هل لها علاقه بهرمون الحليب الي فهمته ايه لها علاقه لانها هي الي ترفع الهرمون
وبعض الحريم تعالج الغده ويتعدل هرمون الحليب عندها وهي ماخذت علاج للهرمون والي عندها خبره تقولنا

 

[QueeN_q8]

رد : خموووول الغده

انا فيني خمول في الغده الدرقيه من ثلاث سنوات او اكثر
اول شئ عطوني 25 بعدين 50 بعدين 25 ما ادري ليش غدتي مو منتظمه
بس يا اختي الحبوب تاكلينها طوووووووووول عمرج

وان شاء الله يلقون علاج لها
ونفتك من الحبوب

 

[نكهةالبرتقال]

الله يشفيك


انا فيني بوادر خمول لكن راجعت عند دكاترة أمراض نسا و قالولي خفيف ما يمنع الحمل و محد صرفلي علاج

و الحمد لله دورتي منتظمة

لكن ان شاالله براجع عند دكتور غدد صماء ، و اعرف السالفة بالضبط




هل الخمول الببسيط يمنع الحمل ؟

 

[يا عيون سمي]

حبيبتي نصيحه روحي للدكتور يعطونج علاج سريع انشاءاللله وتشفين وروحي سوي سونار الغده يبين شنو فيها

 

[rhooom]

رد : خموووول الغده

حبيباتي انا نسبة الخمول 7وسألت الدكتوره عن الطبيعي قالت لي 5يعني اكل الحبوب والا لا,,,,,,,,,,,,,انا الي مستغربته اني وزني مازاد وكل الي فيهن خمول يقولن وزنهم يزيد

 

[نكهةالبرتقال]

الله يشفيك يارب

 

[ربي ارزقني بيبي]

رد : خموووول الغده

شوفي ياقلبي خمول الغدة إذا كان وراثة لازم اجيكين علية كل شهر مع استعمال الدواء الي واصفتة حقج الدكتورة
euthyrox و فقط في حالة الوراثة اهني ايزيدولج النسبة
أما إذا كان مو وراثة انا أقولج شسالفة:
انتي صارلج متزوجة ثلاث أشهر يعني شىء أكيد بتخربط عندج الهرمونات بعدين نسبة الخمول الي عندج اهو مو
زين بس مو وايد مرتفع والدكاترة ايخافون منة فمن جذي يوصفولج euthyrox 25mg
وعيدي التحليل ثاني يوم الدورة الشهر الياي وراح اتحسن النسبة بذن الله
وشوفي قيمة الحبة 25mg ترى ولا شىء جنج حاطة نقطة بكوب ماي لايخرعونج ولا شئ ترى عادي حدة
و اغلبيت البنات اتصير فيهم واهما مايدرون
بس اخذي الحبة علي الريج وبعد نص ساعة تريقي
الطبيعي تكون نسبتة 4.6
وبلعكس ماتمتن ولا شئ بلعكس لخذيتي دواج راح ايتعدل جسمج
الي يمتنون هذول و راثة مو خربطة هرمونات
ومايكون نسبتهم 7 او 8 او 9
تكون اكبر من جذي
ابتعدي قد ماتقدرين عن الفلفل والمخللات و الاجبان وأكلي سلطات وكثري من شرب الماي
والدكاترة ايخافون ايوقفون الدوا إذا انتظمت الغدة فمن جذي ايقولولج اخذيها طول عمرج لانها اهيا المسؤلة عن
التبويض و الحمل و الدورة

ياقلبي لاتحاتين ولاشئ ريحي بالج و بذن الله بتنتظم وتحملين انشاءالله

والف مبروك علي الزواج :33_1185028183:

 

[rhooom]

رد : خموووول الغده

مشكوره ياقلبي والله يرزقك الذريه عاجل والله يفرحك في الطفل السليم المعافى طمنتيني الله يطمن قلبكو
ويرزق جميع المحرومات الذريه الصالحه المعافاه
الله يبارك فيك

 

[الريشة]

الله يشفيك


انا فيني بوادر خمول لكن راجعت عند دكاترة أمراض نسا و قالولي خفيف ما يمنع الحمل و محد صرفلي علاج

و الحمد لله دورتي منتظمة

لكن ان شاالله براجع عند دكتور غدد صماء ، و اعرف السالفة بالضبط




هل الخمول الببسيط يمنع الحمل ؟

ترى ممكن الخمول البسيط يمنع الحمل
أحسن لك راجعي دكتور غدد صماء و شوفي راي أكثر من دكتور
مرة دكتور غدد صماء قاللي إن النسبة اللي تساعد على الحمل المفروض من 2,5 ليمن 3
يمكن انتي تحتاجين جرعة دواء ثيروكسين 25

 

[الريشة]

رد: رد : خموووول الغده

حبيباتي انا نسبة الخمول 7وسألت الدكتوره عن الطبيعي قالت لي 5يعني اكل الحبوب والا لا,,,,,,,,,,,,,انا الي مستغربته اني وزني مازاد وكل الي فيهن خمول يقولن وزنهم يزيد

اكلي الدواء أحسن لج
و جرعتج 25 يعني أقل جرعة
و اكلي الدواء كل يوم بنفس التوقيت أحسن
و ترى ممارسة الرياضة لها دور بتنظيم الغدة و الرياضة مفيدة حق كل شيء
و إذا انتظمت الغدة الدرقية راح ينتظم هرمون الحليب

 

[نكهةالبرتقال]

ترى ممكن الخمول البسيط يمنع الحمل
أحسن لك راجعي دكتور غدد صماء و شوفي راي أكثر من دكتور
مرة دكتور غدد صماء قاللي إن النسبة اللي تساعد على الحمل المفروض من 2,5 ليمن 3
يمكن انتي تحتاجين جرعة دواء ثيروكسين 25

رحت دكتور غدد صماء ( العثمان )


علما إن نسبة هرمون tsh 4.33

و عطاني الدكتور حبوب 25

و قالي احلل و اراجع بعد شهر و نص




عفية بنات ، شلون أعرف نسبة الخمول عندي؟

 

[nadoo]

الله يعافيكم ويشافيكم ان شاء الله
انا هرمون lh مرتفع وباخذ جلوفاج من فتره وما في فايده
ان شاء الله خير

 

[مواصله]

رد : خموووول الغده

شوفي حبيبتي علاج الغده الوحده تاخذه الى الابد كل يوم حبه على الريق

هرمون الحليب بس يضبط عندك خلاص تتركين علاجه ولاتحاتين ترى ماله تأثير قوي على الحمل ياما حريم حملو وهم يرضعون

وماعتقد الوزن وزيادته مرتبطه بخمول الغده، هذا انا معاي الغده من 10 سنوات ووزني الحمدلله ماتغير

 

[مواصله]

رد : رد: خموووول الغده

رحت دكتور غدد صماء ( العثمان )


علما إن نسبة هرمون tsh 4.33

و عطاني الدكتور حبوب 25

و قالي احلل و اراجع بعد شهر و نص




عفية بنات ، شلون أعرف نسبة الخمول عندي؟

نسبة هرمون الغده عندك طبيعيه وعطاك 25 لانها اخف شيئ

 

[الريشة]

رحت دكتور غدد صماء ( العثمان )


علما إن نسبة هرمون tsh 4.33

و عطاني الدكتور حبوب 25

و قالي احلل و اراجع بعد شهر و نص




عفية بنات ، شلون أعرف نسبة الخمول عندي؟

تحليل tsh هو نفسه نسبة الخمول عندج
المفروض التحليل ما يتجاوز 4
و إذا وصل التحليل 3 يعتبر بداية خمول بسيط و لازم الوحدة تنتبه