خواتي الست وأنااا

[انوار الدوسري]

أخبااركم فديتكم ماتتوقعون وش كثر احب هدا المنتدى ينشرح صدري لما افتحه .... بقولكم مشكلتي أنا يتيمه الام خواتي كلهم متزوجات أنا أعيش مع مرت ابوي و ابوي الله يحفظه مرت أبي صحيح ما حبها لكن احترمها وهي كافه خيرها وشرها مني ..... لكن المشكله في خواتي دمرووني من يوم كنت صغيره يروحن يسافرن ويتركن اليهال عندي يرحن للعروس يتركونهم عندي ادا جونا أنا اللي ارتب وأطبخ و خدمهم بكل سرور الأني أحبهن وحاطتهن مكان الوالده الله يرحمها ... لكن تفأجئت أني تخرجت من الكليه وصار عمري 25 ماعمر أحد تقدم لي تبون تعرفون ليش الأني نحيفه ,بشره باهته , شعر خفيف ,تنقصني مهارات التواصل الاجتماعي الأنهم مايتروكني أطلع معه في العزايم ولا الأعراس يقولن البنت اللي ماتزوجت تجلس في البيت كدا تفكيرهن أحيانا افكر أنهم يستحن مني لكن يتحججن بالزواج ,أدا جيت بنقشهن في زواجي يقولن عيب أسكتي دائما يحطمني حتى في الوظيفه أكلي كله شبسات و غازيات ماعمر وحده جاتني قالت أهتمي با أكلك ولا عمر وحده انصحتني أهتمي بنفسك حتى تزوجين لكن للأسف عكس ... المه أنا توني وعيت حق عمري البنات اللي من جماعتنا وصديقاتي متزوجات واللي مش متزوجه مخطوبه ..ماشاء الله ...أما أنا وحيده لا أم ولا خواات حنونات ...أنا حاقده عليهن جدااا أحيانا أدعي عليهن بنكد العيش لكن أتحسف و قول مهما كان هدولي خواتي.... تكفون دلوني كيف أتعامل مع خواتي الست,,أنا مقهوره جدااا,,,:rgewrg:

 

[Tom ♥ Jerry]

,


لي بآك :*

 

[مشاعر مخمليه]

خليها على الله مشكلتك مو بس انتي حتى انا وخواتي نتحمل بنات اخوي واختي
وما على خواتك لا تادعين مهما كان هاذا ولي خواتك يمكن حتى الحين ما عرفتهين زين او هن ماعرفهنج زين
ونصيبج راح يجيتج يوم من الايام لا تزودين التفكير في الشي هذا راح يبين عليج وان كان ودج بشي هذا قيام الليل ودعاء وقت استجابة و مره قرايت في منتدى ثاني انه حفظ سوره البقره والواقعه بنيه الزواج من اسباب الزواج

 

[لمى الهاجري]

الحمد لله على كل حال انتي على الاقل خواتج تقدرين عليهم بس لو عندج اخوان رجاجيل مثلي ما اقدر اتزوج بسبته بس انتي لاتقدرين تزوجين لان ابوج ميت وعمج وهو يملج فيج

 

[انوار الدوسري]

الله يجبر بخاطركم....

 

[الحصبه]

معليه حبيبتي هذيلا خواتج مهما يسون
مردكم لبعض
ولا تنظرين احد يقولج اهتمي بنفسج
لازم انتي من نفسج تعتنين بأكلج وبصحتج وببشرتج
والله يرزقج بالزوج الصالح ان شاء الله

 

[انوار الدوسري]

معليه حبيبتي هذيلا خواتج مهما يسون
مردكم لبعض
ولا تنظرين احد يقولج اهتمي بنفسج
لازم انتي من نفسج تعتنين بأكلج وبصحتج وببشرتج
والله يرزقج بالزوج الصالح ان شاء الله

فديتك الله يحرم وجهك عن النار

 

[انوار الدوسري]

الحمد لله على كل حال انتي على الاقل خواتج تقدرين عليهم بس لو عندج اخوان رجاجيل مثلي ما اقدر اتزوج بسبته بس انتي لاتقدرين تزوجين لان ابوج ميت وعمج وهو يملج فيج

مشكوره حبيبتي

 

[انوار الدوسري]

خليها على الله مشكلتك مو بس انتي حتى انا وخواتي نتحمل بنات اخوي واختي
وما على خواتك لا تادعين مهما كان هاذا ولي خواتك يمكن حتى الحين ما عرفتهين زين او هن ماعرفهنج زين
ونصيبج راح يجيتج يوم من الايام لا تزودين التفكير في الشي هذا راح يبين عليج وان كان ودج بشي هذا قيام الليل ودعاء وقت استجابة و مره قرايت في منتدى ثاني انه حفظ سوره البقره والواقعه بنيه الزواج من اسباب الزواج

أسعدني مرورك الله يحفظك

 

[granted]

اختي اول شي
لمن يحطون اليهال عندج ارفضي قولي بصراحة هذيلا عيالكم انتم المسؤلين عنهم انا يالله اشيل مسؤلية نفسي
خير ان شاء الله اصلاً اهم مو من مصلحتهم تتزوجين لانج تعابلين بيهالهم
بالنسبة للاهتمام فهذي مسؤليتج انتي خلج فيجيتيرين وبطلي المعلبات لان المواد الحافضة تدمر البشرة تماماً
بتشوفين الفرق خلال سبوعين ببشرتج
ولاتسمحين لهم يستغلونج وقفي بيووهم وقولي لا. خلج عوبة
بالنسبة لعمرج انا اشوف انج صغيره ونصيبج مايا ليلحين لو جانصيبج مايوقفه لااهم ولا امية معاهم
الله يوفقج يارب خلج قوية

 

[مهندسة الابيات]

الحمد الله انج وعيتي على عمرج
وعرفتي الحين ان لازم تهتمين بعمرج
عندك المنتدى هني وكلنا خواتك ابشري باللي تبينه ان كانت خلطات ولا اي شي

اهم شي انك تهتمين بعمرك
بس في شغلة مهمة ابيج تركزين عليها انتي ما تهتتمين بعمرك عشان تتزوجين انتي تهتمين بعمرك لج انتي اذا حبيتي نفسج وحبيتي شكلج راح تزيد ثقتج وااايد


وعسى ربي يعوض صبرج بزوج صالح يكون قرة عينج وقلبج وتكونين قرة عينه وقلبه ان شاء الله

 

[حكاية غلاك]

حبيبتي ماحد يقدر يوقف نصيبك واذا كان مكتوب لج تتزوجين راح تتزوجين ابيج تهتمين بصحتج وتعملين جدول للعناية بنفسك وبعدين لازم تبدلين نظام حياتج اطلعي مع صديقاتج حاولي لاتفوتين مناسبه ام عن خواتج في شى اسمه لابس لاتنسن تقولينها بحنية مهما صار انتو بعد اخوات وصح لاتتعبين نفسك بالتفكير فيهن اهتمي بصحتك وببشرتك وشعرك واذا وايد تعبانه بشرتك وشعرك الافضل تشترين فتامينات

 

[غنآآآتي]

الله يرزقج بلي تمنينه اللهم امين ي رب العالمين والنصيب محد يقدر يمنعه ..
اهتمي بنفسج روحي زوري بنات العايله رفيجاتج حتى لو ماقدرتي تروحين تواصلي بالفون وتعذري عيال خواتج عندج مافييها شي وعندج بقسم البشره فيه كل شي روحي شوفيه والله يوفقج رب

 

[قمر بيت أبوها]

يوم شفت عنوانك قلت يابختها عنده 6 خوات



امووووووت انا بلمة البنات وافتح الموضوع وانصدم فيه:eh_s(14):
شوي عزيزتي خواتك يوم يحطون عيالهم عندك من ثقتهم فيك وانتي اختهم مهما صار
ونقطة يقولون عيب لاتفتحين موضوع الزواج والله هم صادقين انا اكبر خواتي و مااحب اسولف بهالسوالف معاهم اقول احترموني ههههههه

والشي الثالث مسالت ماقالوا لك اهتمي بنفسك والله ان تكلمت الكبيره زعلت الصغيره وقالت حاسدتني علي الشبس والببسي وان سكتت وانتبهتوا لاهمالكم لمتوها والله ياهالكبيره مو سالمه ابدآآ:eh_s(4):
انااقول هذول خواتك لاطقوك ولا حسدوك ولا عذبوك و اعيالهم مثل العسسسسل علي قلبك
واذا يضايقونك قولي اعتذر عن استقبالهم بروحهم لاني مااقدر اضبطهم وانتم برا البيت
وان طلعوا لمناسبات البسي واطلعي مو لازم يعزمون عليك يمكن يحسونك صغيره والله من جد اتكلم انا اخواتي الصغار ودي البسهم الملابس بيدي مااحسهم بالثانوي
لان الاخت الكبيره تولد كبيره وتشوف خواتها صغار مهما كبروا
لاتزعلين من ردي والله اني اتكلم من جد لاتظلمينهم وتوسوسين بشي سيئ
والاكل اكلي الزين و واهتمي بنفسك مو صغيره تراك لاني قريبه من عمرك
واهتمام بالبشره كويتيات مايقصرون عسي ربي يرزقهم العافيه
وموضوعك بسيط بس انتي متحسسه شويات عزيزتي:eh_s(8):

 

[طموحه بزياده]

حبيبتي انتي عمرج 25 مو صغيره عشان تبين احد ينصحج ويعدلج


وكا عندج المنتدى شوفي شنو الشي اللي مو عاجبج وعدليه



ضعيفه روحي اقري وابحثي عن الاكل اللي يزيد الوزن ويكون مفيد مو ضار


بشرتج مو حلوه دوري كريمات بالنت او روحي الصيدليه قولي بشرتي جذي وجذي او روحي طبيب جلديه وعدلي في بشرتج الباهته


ماعندج تواصل اجتماعي وماتعرفين دشي كل الاقسام وردي على موضوع موضوع وتعلمي شلون تتكلمين وشلون تتواصلين وبجذي تقدرين تبدين تتعلمين مع الناس على ارض الواقع

ماعليج من خواتج انتي قومي وابدي بالتغير ...روحي عزايم معاهم غصب.. قولي والله ضايق خلقي وحابه اسمع سوالف الحريم

عدلي نفسج بنفسج محد مسؤول عن احد انتي كبيره مو مرااااااهقه


التغيير يبدي منج

وخواتج كل وحده لها حياتها الخاصه

وانتي لج حياتج الخاصه وابدي نحو التغيير



ترا كلش مو صعب تتغيرين خاصه بموضوع تتواصلين اجتماعيا مع الناس


كل شي سهل اذا بدا الانسان بأرادته

 

[Patcholli]

ان الله لا يغير مابقوم حتى يغيروا ما بأنفسهم

شيلي الحقد والغل والدعاوي على خواتج من قلبج توكلي على رب العالمين ووتوجهيله بالدعاء وشوفي التباشير اشلون بتهل عليج اهم شي النيه الصادقه مع ربج محد بيفيدج بالدنيا

 

[pink Barbie]

مع طموحه بزيادة بالضبط قالت اللي بقوله

حبيبتي عيشي عشان نفسج وبسس
اهتمي بنفسج .. حبي نفسج .. ثقي بنفسج
اشتغلي على بشرتج وشعرج
واذا عالزواج هذا نصيب ياما بنات يروحون عزايم وعروس وما يقعدون بالبيت وليلحين ما عروسوا
مو شرط اذا رحتي عزايم
انا اعرف وحده ماااااااااااااا تطلع كلش كلش دوام بيت ومن البيت لي الدوام تخيلي
سبحان الله تزوجت مادري شلون .. ابي ابين لج النصيب ماله شغل بالعزايم والعروس ...الخ
هذا من رب العالمين
عسى ربي يعطيج على قد نيتج ويرزقج بالزوج الصالح

 

[عادت ذكرياتي]

حبيبتي شوفي نفسج واهتمي بروحج التغيير يبدا منج إنتي بس خلي عندج عزيمة وإرادة وتوكلي على الله القادر وحده //

 

[القصيدة]

السلام عليكم و رحمة الله و بركاته

حياتي اهتمي بنفسك و بطريقة حياتك و عدّليها

لا تدعين على أحد ،، ادعي انو الله تعالى يرزقك الزوج الصالح و الأسرة السعيدة

الله يوفقك و يسعدك يا قلبي :eh_s(7):​

 

[divaness Q8]

انتي المفروض ترفضين ما تخلين عيالهم عندج و اهما يقعدون يهيتون حبيبتي لازم تكون شخصيتج عليهم كبيرة يعني مو على اي شي تقولين لهم تم او حاضر حتى لو كنتي اصغر وحدة فيهم او الوسطية صيري شوية شديدة اخذيها نصيحة اخت لأختها حبيبتي