خواتي الكويتيات بغيت منكم طلب لا اتردوني ؟

[جورية 2002]

انا بعد يومين مسافرة للكويت ابي أسألكم وين ألاقي افضل محلات للدراريع عندكم وتكون أسعارها حلوة و زينه لأني اول مرة أزورها وما اعرف حق محلاتها وخاصة انو إحنا في الامارات نموت في الدراعات الكويتيه ونحب نكشخ فيها جدام الأهل والمعازيم اللي تعرف بعض المحلات اتخبرني فيها ولاتبخلون علي بالرد ترى انتم بنات فزعة وينشد فيكم الظهر ؟

 

[sara_kw]

حيا الله أهل الإمارات

والله انا ما اعرف بسوالف الدراريع

بس لو كاتبه طلبج بعنوان الموضوع اتوقع كان راح توصلج معلومات اسرع

لكن هم ان شاء الله البنات يفيدونج

وحياكم الله بديرتكم الثانيه



 

[ام فطوووم]

اتروحين مجمع الاوقاف اللي بشرق ايننووووون عندج من الرخيص لي الغالي

 

[شموخ احساسي]

عندج مجمع العربيد بالفروانيه كله دراريع 3 ادوار اكو جاهز وتفصال واسعارهم معقوله

وعندج البلوكات بسوق الديره فيه دراريع

 

[اترجة]

يا هلا ومرحبا الساع تنوووووووون أختي ديرتنا
عندج البلوكات في خياطين وفي معرض أفكاري تلقين في شغلات ودراريع والعربيد بعد بس بالي الحين بس البلوكات بتلقين كل طلبج في بدور الثاني خياطين في الجهاز وفي التفصال

 

[كوويتهـ كوولـ]

هلا وغلا ب اهل الامارات حياج الله بديرتج الثانيه
امممم عندج العربيد و عندج يمه سوق المباركيه وفي داخل كويت ماجيك دراريع بس موحلوين بس يمكن تعجبج و الافنيوز في جم محل و في بلوكات روووعه الصراحه عندج منطقه الفحيحيل فيها دراريع
اقاااامه سعيدههه

 

[نياره]

حياج الله
ماقصروا البنات