خواتي بسألكم عن الماي الزايد في الجسم

[إنسانة أكثر]

السلام عليكم ورحمة الله وبركاته

تحية طيبة وبعد ...

.
.
.


عزيزاتي رحت سويت تحاليل طلع فيني نسبة ماي زايد بجسمي

الدكتورة قالت لي فيج 10 كيلو ماي لازم ينزلون ومسببين لج نفخة بإيدينج ورجلينج

طبعاً عطتني نظام معين ... بس أنا أبي عشبه أو دوا ينزل الماي الزايد بالجسم

مافيه وحدة منكم تفيدني الله يجزاها خير ويسعدها ؟! :eh_s(7):​

 

[بنت النوخذا]

هلا عزيزتي الغاليه

انا هذي معاناتي الدائمه

جسمي بسرعه يخزن ماي

حتي اني عالجت في المانيا و لانه سبب لي ارتفاع بضط الدم

مااااا تتصورين شنو هو العلاج

شربي ماي وايد لانه الماي يحرك الماي الراكد

و امشي و كثري حركتج باستمرار حتي بداخل البيت

و اذا ريحتي بالبيت رفعي ريولج علي مخده

و حالولي تشربين ( مــدرات للبول )

و افضل شي استعمله هو مـــاي مرقـــدوش و مــاي المراميه

تلا قينهم بالجمعيات مع رف ماي الورد و اللقاح




اهم شي هو ادرار البول باستمرار ( كـــرم القارئيين )

 

[amoOoNA Al_mazyoNa]

والله ماعندي فكره جان فدتج .. بس وين سويتي التحليل؟؟ وشسم التحليل؟؟

والله يشافيج

 

[زهره الجلنار]

اب اب

 

[اميره بكلمتي]

شربي مااااي واجد وتحركي واجد

 

[مروج الصحاري]

شوفي وقفي الملح بحياتك هو يخزن الماي


والله يشافيكم

 

[إنسانة أكثر]

بعد عمري بنت النوخذا ماقصرتي كفيتي ووفيتي ... الله يوفقج وين ماتروحين :eh_s(7):

باقي الخوات ماقصرتوا عزيزاتي الله يجزاكم خير ويسعدكم يارب :eh_s(7):

أختي امونه المزيونة سويتهم بــ رجيم سنتر

وصح كلام أختي بنت النوخذا :rerrerek:

أشوف الدكتورة تقولي اشربي قلاصين ماي قبل الفطور والغداء والعشاء :eh_s(10):

ووصتني أقطع الملح نهائي وأبعدتني عن الكوسا والجزر والحليب ومشتقاته :eh_s(2):

شلون أعيش من غير ملح يكفي مرارة هالدنيا :eh_s(2):

شكراً لجميع خواتي اللي أفادوني

بآرك الله فيكم جميعآ​