خواتي تكفون ابي تفاعلكم

[مسيره يشتاق]

السلام عليكم خواتي كويتيات اشلونكم ان شاء الله تماااام



بنات بالمختصر المفيد أنا حابه أروح لشيخ يرقي علي لاني بالصراحه حاسه ان في شي موطبيعي
بتقولون اشلون الله يسلمكم انا توني توضفت وماني صغيره وما امدح نفسي حلوه ودايم انخطب بس سبحان الله مايصير نصيب
واللي خلاني اصح علي نفسي ان ناس واجد تمدحني وتبي تخطبني ومره خلال شهر عايلتنين كانو بتقدمون اللي بس فجأة جذي ماسير شي
وانا بصراحه عندي حريم ابوي وموكويتيات
وفي مشاكل معاهم فخاف حاطين لي شي لاسمح الله
بنات تكفوووووون انا قريت عن الشيخ فهد العنزي اللي بالفردوس
اللي راحت له وتزوجت والا تشافت او سامعه عنه لاتبخلون علي بتجاربكم او تجارب سامعين عنها فديتكم
خواتي تكفون ابي تفاعلكم ولو بدعوه والله ماراح انساكم في الدعاء
وفي الختاام السلااااااام

 

[اميره1980]

حبيبتي انصحج ترقين نفسج احسن من الروحه للشيوخ لان اغلبهم مو صاجين بالعلاج
الرقية الشرعية معروفة و اقري سورة البقرة و كثري من الاستغفار 1000 مره باليوم استغفري و ان شاء الله كل الخير يجيج
عندي وايد رفيجاتي معاي بالدوام راحو حق اكثر من شيخ و كلهم نصابين و يتلزقون بالحريم

 

[((المزيونه))]

والله مدري شقولش ما أعرف بالهسوالف كلش


بس أقريء على عمرش وروحي المطوع الي تقولين عنه وجربي بنفسش

والله يفك أزمتش ان شاء الله

 

[حوري2004]

رد : خواتي تكفون ابي تفاعلكم

حبيبتي عسى الله بفك ازمتج ويوفقج امين يارب العالمين
انتبهي
انتبهي
انتبهي
تغوصين بحر ومعمعة المطاوعه
شفيها لاقريتي على عمرج والله انا احس ولدي صار احسن من قعدت اقرى عليه بنفسي من غير روحه للمطاوعه ولا شي كلام الله اللي بيقراه المطوع غير عن الللي بتقرينه
حبيبتي كله كلام الله عسى الله يوفقج ويرزقج وصفي النيه والله بوسع لج وانتي ارقي نفسج ولا تحطين في بالج هالسوالف
مع تحياتي

 

[إبشر بعزك]

انا اقول انتي اقري على نفسج ودعي ربج الله قريب يسمع عبيده ما يحتاج تحطين احد يتوسط لج عند ربج

واذا الله كاتب لج زواج راح تاخذينه لانه مكتوب لج بس انتي احسني الظن بالله مو بالشيخ الي اذا قرى عليج بتتزوجين

 

[يوآش يوآش]

الله يشفيج

وانا مااعرف بهالامور ..

 

[ام غازي الصواغ]

الله بوفقج ويرزقج

 

[*الشيـــهـانـة*]

حبيبتي ماله داعي تروحين لشيوخ انتي اقري على نفسج وكثري من الاستغفار والصدقه
وربج ان شاء الله مايخليج​

 

[lulwa-q8]

اي حبيبتي انتي اقري على روحج افضل

الحمدالله احنا نعرف نقرا قرآن ونفهم في الدين ماله داااعي ترووحين

والله يشافيج ووفقج

 

[أمـــــل]

الله يوفقج ويرزقج بن الحلال انشالله

 

[ام حموديNEW]

روحي حق الحداد بالفردوس انتي ومعاج مره امج او اختج
ودااومي على قرأت البقره او سماعها بالهاند الفري احسن كل يوم واذكار الصباح والمساء

 

[A7la KatkoOota]

الله يعينج حبيبتي ويشافيج اذا فيج شي الله لايقوله لاتوسوسين كله نصيب نصيبج اييج انشالله صراحه عقب حلقة عبدالجليل يمااا تخرع مامنهم امان انتي اقري على نفسج احسن كل يوم اقري صورة البقره سبحانه الله عجيبه ذاك اليوم وحده حاطه قصتها والتزمت فيها كل يوم وسبحانه الله احلمت وشافت الشي بعيونها انتي ارقي نفسج احسن ولاتعرضين نفسج حق هالمواقف هذي عقب حلقة عبدالجليل يمااا كل مااتذكر مااقدر انام فليش والله يكتبلج اللي فيه الخير حبيبتي