خواتي شسوي حالتي حوسة

[معلمة وافتخر]

عندي بقسمي نمامات للمديرة
وحده منهم تقعد للعصر هناك
هذا غير اللي تكلمها
بس القسم يشتغل وساكتين معاي
والمديرة تخووووووف
بس ما احتكيت فيها
الحين افكر انقل ولما قلت للناظرة من باب الضحك رفضت خير شر فكرة النقل

ولو بنقل كرئيسة قسم طبعا شنو مدرسة في الجهرا زينة وفيها شاغر

 

[معلمة وافتخر]

ليششش ماكو رد

 

[دنيا جديدة]

توضي وصلي ركعتين وادعي اللهم اكفينهم بما شئت وكيفما شئت انك على كل شي قدير
واللهم اشغلها في نفسها

 

[دنيا جديدة]

وهذا دعاء
اللهم رب السموت السبع ورب العرش العظيم اللهم كن لي جار من فلانة ابنه فلان واحزابها من الا نس والجن
واللهم اجعل من بين ايديهم سدا ومن خلفهم سدا فغشيناهم فهم لا يبصرون
وكل ماتشوفينها قولي في قلبج اللهم اكفينهم بما شئت


الله يكون بعونج هذا مرض
اللهم صل وسلم وبارك ع نبينا محمد

 

[غلااي الكويت]

الصبر زين

 

[معلمة وافتخر]

خواتي المشكلة انها السنة هذه حيل راضية عني
عادي تقلب اللي وراها وتقول للوحده نقلي
اللهم اكفنيهم بما شئت

 

[معلمة وافتخر]

وعندي فرصة نقل ودي استغلها اخاف السنة الجاية ما اقدر انقل

 

[منال القلب]

نصيحة قعدي مكانج وقضبي ارضج..
انتي ضامنة اذا رحتي المدرسة اليديدة ما تكون حالتها اخس من الي قاعدة فيها الحين؟
المثل يقول مسكي مينونج لا ايييج الاين منه..
تعودي وكيفي نفسج في مكانج وكوني ذكية علشان لا تتحبطين ولا يتم استغلالج
كل مافي الموضوع لازم تقوين قلبج وثقتج بنفسج وتشيلين من بالج النمامات خل يولون..
ترا غيرج انقلوا وحشاج كلوا تبن وتمنوا انهم ما راحوا وتموا في مدرستهم. عالاقل ادراتج وانتي عارفتها شلي جابرج تروحين وتنقلين لمدرسة يديدة عليج منتي عارفة عنها شي علشان جم وحدة نمامة؟ بالطقاق والله خل يولون........ اذا كل وحدة بتنقل علشان في فئة مو مرتاحتلها بالمدرسة جان شفنا كل المعلمات ينقلون..


:eh_s(17):

 

[معلمة وافتخر]

نصيحة قعدي مكانج وقضبي ارضج..
انتي ضامنة اذا رحتي المدرسة اليديدة ما تكون حالتها اخس من الي قاعدة فيها الحين؟
المثل يقول مسكي مينونج لا ايييج الاين منه..
تعودي وكيفي نفسج في مكانج وكوني ذكية علشان لا تتحبطين ولا يتم استغلالج
كل مافي الموضوع لازم تقوين قلبج وثقتج بنفسج وتشيلين من بالج النمامات خل يولون..
ترا غيرج انقلوا وحشاج كلوا تبن وتمنوا انهم ما راحوا وتموا في مدرستهم. عالاقل ادراتج وانتي عارفتها شلي جابرج تروحين وتنقلين لمدرسة يديدة عليج منتي عارفة عنها شي علشان جم وحدة نمامة؟ بالطقاق والله خل يولون........ اذا كل وحدة بتنقل علشان في فئة مو مرتاحتلها بالمدرسة جان شفنا كل المعلمات ينقلون..


:eh_s(17):

مشكورة حبيبتي كلماتج ساعدتني وايد
بس اقول لكم الناظرة قلابية ممكن تقول لي انت نقلي وطلعي من مدرستي

 

[Winter Q8]

و ليش خايفة .. امش صح يحتار عدوك فيك ..

 

[Angel_store]

الله يعينج

 

[برنسيسة2007]

شكو تقول لاتنقلين!!!!
بعدين شلون تقول نقلي طلعي من مدرستي مدرسة ابوها!!!!!
قوليلها يا الغاليه راوينا صك الملكيه!!
رواتبا ناخذها من حكومتنا مو من جيب ابوها!!


نقلي هذي ما ادري شلون تربويه استغفر الله اخلاقهم صفر الله لايبلانا ولايبتلينا

 

[جيتك تعال]

مو من حق اى كان انه يرفض نقلك ...

كتبي النقل في وقته ومالج شغل باحد ...

بس ع فكرة ترى النم والحجي بكل مدرسة

يعني لا تفكرين بتلاقين مدرسة نموذجية النفووس

هذا مجتمع حريم حبيبتي ... يعني كل ما هقيتي فيه ...لقيتي

 

[معلمة وافتخر]

يعني ما انقل اروح مدرسة ثانية
يمي مدرسة وايد زينة شرايكم
محتارة حيل

 

[معلمة وافتخر]

ناطره نصيحكم بنات عفيا

 

[معلمة وافتخر]

خواتي والله عندي فرصة نقل زينه اهج من مدرستي
وليما الحين اموري زينه مع الناظرة ما دري اروح ولا لا

 

[alhnan]

تبين شافر بمدارس الفروانيه بس اي قسم عشان اسالج

 

[بنات حواء2]

حبيبتي هذا مجتمع الحريم وين ماتروحين راح تلقين هلمشكله موجوده فنصيحتي لج قعدي مكانج و قضبي ارضج لانه الي تعانين منه موجود في كل المدارس فلا تنقلين و تتحسفين لان ماراح تنتهي هلمشكله
حريم و ما ادراك ما الحريم سأليني عنهم
مرات ودي اصير ريال لمن اشوف سخافت عقول الحريم
بس حلوه هذي ريال
ههههههههههه

 

[هارودز الكويت]

حبيبتي اذا معلماتج بالقسم زينيين ويحبونج باستثناء النمامات والناظره زينه معاج والتوجيه قعدي بمدرستج وتابعي شغلج اول بأول لايمسكون عليج اي شي وخلي روحتج للادارة للشغل بس وتأكدي كل مكان فيه حريم لازم فيه مشاكل ونميمه واولا واخيرا صلي استخارة

 

[أساطير]

اااااااااب