خوات المعرس الي بوجيهم العرس تعالو نستفيد من بعض

[ٱستۆطنت خٱفقهْ]

والكوشة حجزنا كوشة الجوري ب٩٠٠

حدهاااا عجيبه


والبوفيه الشاميه ماذقته بس الحمدلله القيت نظره اخر العرس الناس ماكلين وهم راهي

وياحليلهم عشان اخوي يعرف صاحبهم دزوا عشا للبيت اتوقع اخذ نص السعر يعني خصم ٥٠%

العشا اللي بالبيت هم ماكليته > هههههههههه

لاني قزرتها عصاير وفطاير
ماما الله يسلمها اخر العرس وصت خدمنا الحلويات والفطاير يضبطونها وياخذونها البيت وهم معانا مطاطير كبار للعصير

والله حيل نفعتنا لان خبركم البيت متروس ضيوف

قزرناها سوالف وضحك وعصاير

=)


اتذكر بعد شنو اللي ماعجبني واقولكم

 

[ٱستۆطنت خٱفقهْ]

الكوشه من الفيصصصل


بس قبل كم يوم حضرت عرس جايبين مصمم مادري شنو الناصر

عجييييب شغله حتى الحلا والفطاير بصياني مثل ديكور الفندق

شي رااااقي

 

[غـــنـــوجـــه]

اسستوطنت فديييتج يارووحي حيل استفدت منج تيب صالتكم كانت اي لوون التلبيس .. والشاميه جم تكلف ..

 

[MissAppleQ8]

شموعه
كونتننتال فرعين
واحد في بنيدالقار والثاني الفروانيه
مكياجهم ب ٥٠ والشعر ب ٣٥ او ٤٥

تزيين الحمام يعني ينحط ورد وفازات
ومشط وعلوج وحلاو

الفيصل عندهم عروض اقل شي جنه ب ٥٥٠
شامل كوشه وشغلات ثانيه مو متذكرتهم مع التصوير

 

[MissAppleQ8]

صح بنات نفس ماقال استوطنت
الحلو والموالح عقب مايخلص العرس اخذوهم معاكم
الخدمه يحطونها لكم ب كراتين
عشان ثاني يوم

 

[حرم عبدالله]

مراحب انا انصح بام عبدالله العويس اللي اهي جنه الفواكه رووووووووووعه حجزناها 2005والحين بعد بعيد الفطر عندنا عرس اخوي ان شاء الله قممممممممممممه رووووعه وسعرها 650 شامل الحلو والموالح والبخور وتزيين الحمام ومدخل عطور وبخوور وأكياس للعبايه روووووعه رووووعه

 

[منوشة قلبي]

بالامانه منو جرب ام عبدالله العويس ((جنة الفواكه ))

يعني عصايرها فرش ؟؟ وخدمتها حلوه ؟؟

عفيه اللي تعرف لاتأخر

 

[فجر الخجول]

بنات الفيصل وين مكانه زين ولانصاب شلون شغله

 

[QYtiya.com]

غنوجه هذا رقم صاحبة المطاطير سووري لهييت
ورفيجتي دزته متاخر شووي

بيت الضيافه
واتس اب بس٩٩٢٧٨٤٤٧

 

[MissAppleQ8]

منوشة
بنت خالتي امدحوها لها
دقي عليها وشوفيهم بعرس احسن
لان الناس اذواق

فجر
الفيصل مكانهم جنه فالجهراء
بس دقي عليهم ويدزون لج مندوبه توريج الشغل
والله كل الي تعاملوا معاه يمدحونه لان ملتزم
مادري انا ماجربته
بس محد ذمه لي

 

[shmo3h]

مسسس ابل يالبا قليبج الله يتمملكم ع خييير ان شاء الله وتصكين
ع الكل بالعرسسس وعرسكم يصير احلئ عرسسس


حبوباتي شكثر مدحتو طقاقات ونصقكم طيرهم فوق
السحاب بسسس ماجبتو الاهم يعني
سعرهم

داليدا /ايمان المهنا واختها/ ميساء / هيام /ام طلال ...الخ

ع جم اسعارهم وهل لهم طلبات معينه وهم انتو تشرطون
متي تيي وتغني بالعقد انتو تحددون ولا اهي الوقت والحزه

والديجي الي قبل الطقاقه هذا احجزه معاها ولا عادي اذا
انا بحجز مثلا من الفيصل احجز بالمره من عندهم ديجي

وصج يعني بالعقد اشرط عليها انها تكون لابسه وكاشخه ولا اهي
جي استايلها تكشخ اوردي من غير طلب >>> اخاف اقول لوحده فيهم اكشخي
تددوحد فيني اهي وفرقتها واروح ملح بيدينهم خخخ

والي جربت كويت كونتينتال الفروانيه شرايها بشغلهم

اممم وشنو بعد ايه


هالحين اذا المعرسسس موداشش الصاله

الكوشششه اخذها عنوووونه ولا شرايكم


ودومتم سالميييين

 

[shmo3h]

اب

اب
وينكم

 

[غـــنـــوجـــه]

>>>>>> بآآآآآآآكــ من بعد اللاق المنتدى امس كله مابطل معااااااي ..


الي سالت عن الفيصل والله كل عررس اشششوووفهممم ودقي عليها تجي المندوبه وقوليلها بشووف شغلج ترا عادي تجي وتفهمج الوضع لو كنتي عليميه بالسوالف


والس سالت عن الطقاقات ياروحي
انا الي عرفته ان وفاء 1400 وشهد 1500 وايمان المهنا 700 والعنود ام خالد 1000 بس ياقلبي المساله مو عند السعر المساله عند النفسيه يعني كلام المنتدى عدي وخربطي
بس عينج دليلج
دقي عليهااااااا وقولي بشوفج بعرس ..
انا عن نفسي شفت ايمان المهنا ماعجبتني كلش بس موال تغني
ووفاء قبل حلوووة اخر مره نفسيه

وشهد شفتهاا بالبداية حلوة بس تالي مايمدحونها
وميساء كرم تخلي العرس دبكات كازينوووو مو عرس

بس الناس اذواق قولي بحضر عرررس وشوفي

والديجي اساليهم اذا يجي معاها دي جي ولالا

>> جان ابطل فوني واسدح ارقام الطقاقات

الزين 99488595 >> ماششفتها وهالطقاقه غريبه شوي
العنود 99059652 >> ام شافتها بعرس بس انهبلت على كشختها خخخخخ

ام طلال 99613863>> اول كانت حلووة الحين نو
ام محمد 66282375>> امبييه كلمتهاا حدها شايفه نفسها وتقول ماتجين عرس انا اجيبلج شريط تسمعين
ايمان 99887901 >> ششفتها بعرس وماعجبتني
داليدا 99887901 >> ماادري
راوية 99069124>> ماجازتلي
شهد 99495454>>كنا بنحجزها بس للاسف انحجزت
عتاب 66263637>>ماعرفهاا
عذاري الدوسري 99080462>>تمدحها رفيجتي
ميساء كرم 99886825>>ام الكازينو خخخخخ
هيام ام فيصل 66565152 >> يمدحونهاااااااا
ود ونجد 66626089 >> ماذكرررهااا

 

[MissAppleQ8]

شموعه
الكوشه مالها علاقة بالمعرس
حتى احنا معرسنا مراح يدش ومع هذا حاطين في بالنا كوشه فخمه لانها واجهة العرس

وبالنسبه لكشخه الطقاقة مادري والله سألي المندوبه احسن
والاسعار مادري والله دقي شوفي اسعارهم وشوفي لهم عرس احسن
والديجي حجزيه مع الطقاقه احسن
والوقت حسب الطقاقه اقصد الفنانه متى ماتبي
اهو عادة ينكتب فالعقد ٨ او ٨ونص

صالون كونتننتال الناس اذواق روحي شوفي بعينج
اهو مكياجه ب ٥٠ والشعر ب ٤٥ تقريباً
انا مااحب هالصالون

 

[MissAppleQ8]

غنوجه ماشاءالله ماقصرتي
هذوله اغلب الطقاقات

 

[سنفوورره]

صواني الحلو والموالح و ورق العنب عجبتني حيل صح واااااااو معاها ورد طبيعي اول مره أشوف نوعه

ورفيجتي تقول انها من ميس كولكشن

 

[قمورة الكويت]

شلووونكم



صج بنات هم احنا يمكن ما يدخل المعرس
بس انا ودي يدش مو حلوه العروس تدش وتطلع بروحها شرايكم

 

[ملاك عتيبه]

اللي سالت عن صالون كونتيننتال - الفرو آنية
كنت رايحتلة لعرس اختي السنة قبل اللي طافت <<ترى حسبتي ع الدراسة
المهم مكياجهم روعـــهـ اختي الكبيرة كانت ع طول واقفة ع رأسنا
خلي إيرانية فاطمة تسوي لج شيء شيء

 

[قمورة الكويت]

بصراحه كونتينينتل مكياجهم صج قناااع وكريمهم طحين

احب المكياج اللي يبرز الجمال مو يطمسه

 

[ضي الدنيا]

السلاااااام عليكم ..


اشتقت لكم حبيبااااتي ..




عقب انقطاعي جيتكم اليوم مشتاااقه ..


اجيتكم اشيل الشوووووق دااااخل رسااااله ..







لكم وحشششششششششششه يالغواااااااالي ..