خياطه ملابس بنات

[فديت أمي]

هلا بكل الموجودين أنا عندي بنتين وحابه اخيط لهم حق عيد الاضحى لان السوق بصراحه مكرر وغالي على الفاضي وبغيت بناتي يكونون مميزات أنا في المنطقه الرابعه وأهلي في العاشرة يعني بهالمنطقتين وعسى اللي بتساعدني التوفيق دنيا وآخره والله يسخر لها خلقه

 

[ذهبيه مرصعه بألماس]

شوفي النمران تحت كله خياطين اطفال

بس نصيحه انتي اشتريله الخام لأن خامهم كله جاكارات تلوع الجبد فوق في محلات خام حلوه تلقين شيفونات و حراير حلوه و غريبه

و غير جذي تحصلين الكلف و التركيبات من زراير غريبه

انا تعبت و انا ادور بهالخياطين حق بنتي ابي لها ملابس روضه حلوه غير السوق و خلاجينه

فصلت بس عند خياط دراريعي

نصيحه اذا ناويه على شغل عيد و قطعتين و جذي روحي النمران تحت و انتي مغمضه ...

و ترا انا رحت للنقره الجنوبي خياطهم حلو بس ما ياخذون خام و موديلات من بره ... و غاليين شوي .

 

[ذهبيه مرصعه بألماس]

بحطلج افكار و انتي عاد صوري الصوره بالموبايل و وريها الخياط عشان يفهم :

هالموديل تقدرين تسوينه على قصير و تخلين الكشكش مره منقط مره مخطط مره ساده حركه يعني و تضيفين لها جاكيت صغير اللي من تحت الايد يعني ما يغطي الشغل و اهم شطار بالجاكيتات الصغيره مع ليغنز عليه كرستال او كلفه عالطرف تحطينها عل الصدر و على جوانب الليجنز يطلع ذوووق

لاحظي الخامه اللي تحت تلقين منها دانتيل او خام يكون مشكوك و مطرز بالنمران الوان مختلفه حطي تحته شانتون اصلي من مينا بازار اوف وايت و ربطه من الشانتون عل حسب التول او الدانتيل المشكووك و الغوله سويها نفس الحركه حلوه ...

... سوي نفس هالالوان حدها راقيه و غريبه بس حطي جاكيت غولته مخططه يطلع رسمي ... :

اتمنى اكون ساعدتج لأن ادري ابمعاناتج ...

 

[كنترول]

نفس المعااااااااااااناة
بس محتاره ماادري بيكون برد ولا حر

وودي اطلب من النت الحين عشان يمديه يوصل

 

[Q8 EL 5ajolah Q8]

رد : خياطه ملابس بنات

اب اب

 

[جلاديلياس]

رد: رد : خياطه ملابس بنات

حبيبتي مجمع نمران - الحمرا مول - الاوقاف - مجمع النقره الجنوبي فوق .

 

[قلوب تنبض]

يزاكم الله خير
بس انا من الامارات اذا تعرفون احد يفصل ملابس البنات ويتواصل عن طريق النت في التوصيل والتفصيل
خدمه ما راح انساها