خياط ،، موديل .. دخليكم

[أم علاوي 14]

السلام عليكم


انقذوووووني

ام ريلي عطتني وخام وعلى قولتها الخام عزيز عليها وايد من ولدها العود
وقالت لي فصليه لي حق العيد ، وهي حرمة عودة لكنها زقرتيه وتحب اتكشخ بالدراعات
وياويلنا لو غلط الخياط في القياس او طلع الموديل مب حلو
وكل ساعة تقول لي ها متى بتودينه ، تراه من الغالي لا يخربه الخياط

الله يعافيكم عطوني موديلات أو خياط عدل يخلص لي



​

 

[أم علاوي 14]

ها ياجماعة على الأقل دلوني على خياط عدل

 

[Dr.Nouf]

معرووف خيايطة البلوكات احسن شي !


بس مسافة الطريج تخلين تتعيزين !! بس فنانين كل ما تسمح لي الفرصة اخيط عندهم

 

[أم علاوي 14]

مشكورة أختي ، بس على قولتج الطريج ونحن بالشهر الفضيل الزحمة تلوع الجبد

بشوف خيايط السالمية

ما تقصرين على الرد

 

[داناو]

صاجه البلوكات درب وزحمه