دار الشفاء أو رويال حياة؟ شنو بتختارين

[Lady-_-fushia]

شلوووووووووووونكم كروشات
ههههههه مادري منو طلعت هاللقب بس لاحظته بجم موضوع واتسلفته لول :eh_s(15):

بس حابه اسوي استفتاء بس يكون مختصر يعني ابي كل وحده لها خلفيه بالموضوع
تجاوب على جم سؤال, يالله نبدأ باسم الله: :eh_s(7):

1- لو خيرتج دكتورتج بين مستشفين حياة رويال او دار الشفا ايهو تختارون؟
2- جم اسعارهم بالولادات؟
3- المستشفى اللي تختارينها وضحي السبب ليش ؟
4- صارلج او احد موقف من قبل مع المستشفى اللي ماتفكرين تروحيله؟

بس هذي اسألتي واتمنى الكل اللي يقدرون يفيدوني يردون وان شاء الله ما تقصرون

ملاحظه: بليييييييييييييييز اللي بترد مو تيبلي مستشفى غير هالاثنين:bbbiu: ابي الموضوع بس عن هالمستشفين فقط :eh_s(4):لان دكتورتي خيرتني بينهم بس لاغير فمابي تدخل وحده تقولي مستشفى ثالث لان ماراح استفيد من مشاركتها بالمره

وبس ناطرة ردودكم :ggdw:

 

[سموره 87]

طبعا روياااااال حياة والده فيه من قبل وارتحتله والحين اراجع فيه بعد عند دكتورتي نداء اما الشفا جربته مره نمت عندهم عشان نقل دم لوعوا جبدي وايد دفاشه من بعدها مارتحتله كلش

 

[ايطالية]

حبيبتي الله يقومج يالسلامه ان شالله ويسهل عليج

انا بعيالي الاثنين ولدت بدار الشفا واساسا دكتوري هناك بس ماشالله عليهم تعامل حلو وخصوصا بالولادة السسترات ماخلوني كلش ومتفهمين حيييييل وانا واييد ارتحت لهم وما افكر اغير
والاسعار حبيبتي تقدرين تروحين المستشفى ويعطونج الاسعار وايد اضمن من احد يقولج

 

[أم حمودي**MALL**]

دار الشفا طبعا لانهم خبره
وكمامهم روووووعهه

 

[زينانه]

والله الاثنين روعه
ماعليهم كلام
بس رويال شوي اغلي يمكن
انا عاد برايي شوفي الاقرب لبيتج لان الطريق احيانا يغث حزة الطلق

 

[kanoosha]

رويال غالي علي الفاضي اللي يبي يهايط يروح اهناك لوول والله اما الشفاااااااا عجيب كمامهم ماتحسين بالولاده والاسعار معقوله

 

[Lady-_-fushia]

سمورة
ايطاليه
ام حمودي
زينانه
kanoosha
شكراااااااااا وايد على ارائكم ومشاركاتكم حبايبي ومنكم نستفيد مثل مايقول المثل
جنه الغالبيه ترشح دار الشفا بس هم نبي بعد اراء منكم و من تجاربكم
يالله بنات الباجي بليز شاركونا ولا تبخلون علينا بتجاربكم

بس شغله بوضحها انا دكتورتي من عياده خاصه يعني مو من اي من المستشفيين
يعني راح تولدني بس باحد هالمستشفين ان شاء الله اذا طبيعي طبعا اذا مبجر لا سمح الله مالي غير الولاده
ماقدر اتحمل تكاليف 3 شهور بخاص للبيبي لاني ما اشتغل ماعندي معاش على الله و على معاش ريلي
واكيد السعر يهمني يكون الارخص بس هم ابي المكان المجهز افضل والعنايه الافضل يعني هذا بالمرتبه الاولى وعقب الاسعار

اتمنى البنات يعطونا تجاربهم و يعني يقولون لنا تجاربهم الزينه والشينه و مشكورين وايد فديتكم :*

 

[Lady-_-fushia]

شدعوه 53 اللي شايفين الموضوع و بس 5 ردوا علي وينكم بنات عاد

 

[om_saleem]

دار الشفا حبيبتي ممتاز ولا عليه الصراحه عنايه اهتمام قمه
كماامهم يغنيج عن الابره بالظهر والخرابيط
اسعارهم جدا مناسبه ولو انها ارتفعت الحين اشويه
ودكاترتهم خبره ..

انا جربت كل اقسام دار الشفا تقريبا والله انه ممتاز وماكو مثله

 

[om_saleem]

اسعار دار الشفا
​

لأطباء المستشفى :

الجناح الامبراطوري :-
الولاده الطبيعية : 1227 دينار حق الليلتين
المتعسره : 1277 دينار ليلتين
القيصريه لأول مره ( اضافه 75 للتوأم ) : 2450 دينار حق 3 ليالي
الولاده القيصريه لعدة مرات ( اضافه 75 للتوام ) : 2570 دينار حق 3 ليالي

-----------------
الجناح الملكي :-

الولاده الطبيعية : 727 دينار حق الليلتين
المتعسره : 777 دينار ليلتين
القيصريه لأول مره ( اضافه 75 للتوأم ) : 1410 دينار حق 3 ليالي
الولاده القيصريه لعدة مرات ( اضافه 75 للتوام ) : 1530 دينار حق 3 ليالي

-----------------
ميني رويال :-

الولاده الطبيعية : 490 دينار حق الليلتين
المتعسره : 540 دينار ليلتين
القيصريه لأول مره ( اضافه 75 للتوأم ) : 930 دينار حق 3 ليالي
الولاده القيصريه لعدة مرات ( اضافه 75 للتوام ) : 1050 دينار حق 3 ليالي

------------------
غرفة جونيور

الولاده الطبيعية : 490 دينار حق الليلتين
المتعسره : 540 دينار ليلتين
القيصريه لأول مره ( اضافه 75 للتوأم ) : 930 دينار حق 3 ليالي
الولاده القيصريه لعدة مرات ( اضافه 75 للتوام ) : 1050 دينار حق 3 ليالي

------------------
غرفه خاصه :

الولاده الطبيعية : 450 دينار حق الليلتين
المتعسره : 500 دينار ليلتين
القيصريه لأول مره ( اضافه 75 للتوأم ) : 850 دينار حق 3 ليالي
الولاده القيصريه لعدة مرات ( اضافه 75 للتوام ) : 970 دينار حق 3 ليالي


بالنسبة حق الميني الرويال و الجونيور نفس حجم الغرفه اثنيناتهم بس الاثاث غير





للاطباء من خارج المستشفى :




الجناح الامبراطوري :-
الولاده الطبيعية : 1067 دينار حق الليلتين
المتعسره : 1102 دينار ليلتين
القيصريه لأول مره ( اضافه 75 للتوأم ) : 2170 دينار حق 3 ليالي
الولاده القيصريه لعدة مرات ( اضافه 75 للتوام ) : 2245 دينار حق 3 ليالي

--------------------

الجناح الملكي :-

الولاده الطبيعية : 567 دينار حق الليلتين
المتعسره : 602 دينار ليلتين
القيصريه لأول مره ( اضافه 75 للتوأم ) : 1130 دينار حق 3 ليالي
الولاده القيصريه لعدة مرات ( اضافه 75 للتوام ) : 1205 دينار حق 3 ليالي

-----------------
ميني رويال :-

الولاده الطبيعية :330 دينار حق الليلتين
المتعسره : 365 دينار ليلتين
القيصريه لأول مره ( اضافه 75 للتوأم ) : 650 دينار حق 3 ليالي
الولاده القيصريه لعدة مرات ( اضافه 75 للتوام ) : 725 دينار حق 3 ليالي

------------------
غرفة جونيور

الولاده الطبيعية :330 دينار حق الليلتين
المتعسره : 365 دينار ليلتين
القيصريه لأول مره ( اضافه 75 للتوأم ) : 650 دينار حق 3 ليالي
الولاده القيصريه لعدة مرات ( اضافه 75 للتوام ) : 725 دينار حق 3 ليالي

------------------
غرفه خاصه :

الولاده الطبيعية : 290 دينار حق الليلتين
المتعسره : 325 دينار ليلتين
القيصريه لأول مره ( اضافه 75 للتوأم ) : 570 دينار حق 3 ليالي
الولاده القيصريه لعدة مرات ( اضافه 75 للتوام ) : 645 دينار حق 3 ليالي

بالنسبة حق الميني الرويال و الجونيور نفس حجم الغرفه اثنيناتهم بس الاثاث غير​

 

[دآنة آلرشآيده]

الصراحه دار الشفاء عجيب
انا ولدت عندهم بجري وان شاء الله هالمره بولد عندهم
كماهم مو طبيعي وماحسيت بالولاده اصلا عقدت لقيت نفسي والده​

 

[سمبتيكة]

انا ارشح رويال حياة رعايتهم زينه واسعارهم مو وايد غاليه تقدرين تاخذين ليلي او كاميليا اسعارهم معقوله

 

[Om-Bashaar]

انا جربت في ولادتي الثانيه دار الشفا صراحه انصحج فيها الكمام ماكو منه لووووول وتعامل السسترات وايد حلو والله يسهل عليج ان شاالله

 

["*آآآنؤؤؤقهـ*"]

اب

اب

 

[الفنانه79]

- لو خيرتج دكتورتج بين مستشفين حياة رويال او دار الشفا ايهو تختارون؟
طبعااااا رويال حياة وماافكر بولاااااا مستشفي غيره بصراحه

2- جم اسعارهم بالولادات؟
والله مااتذكر بس احس اسعارهم مناسبه
3- المستشفى اللي تختارينها وضحي السبب ليش ؟
معامله عجييييبه هدوووء راااحه مايمديج اتنادين السستر الا واهي جايه طووول ماهما يجون عندج واهما ظحكووون نظااافه لما يدخلون عليج علشان بيخاذون ظغط او اي شي ثاني واتكونين نايمه ماتسمعيلهم صوت اكلهم عجيب غريب الدكاتره اللي يطلون عليد ايهبلون يعني انا غير دكتورتي ياني دكتور علاج طبيعي علشان الحركه بعد الولاده القيصريه ياني دكتور اطفال ياتني دكتورة تغذيه تقولي شنو الاكل المفيد اللي اتبعه علشان ماتصير عندي سمنه
مايملووون لو كل اشوي تطلبين الياهل واتقولين ابيه عاااااادي
على طوول حاطين الكامره على الياهل تشوفينه جدامج بالتلفزيون

4- صارلج او احد موقف من قبل مع المستشفى اللي ماتفكرين تروحيله؟
الحمدلله ماصارلي اي موقف وماادري كانت اول تجربه لي في رويال حياة وبعدها ماافكر اجرب غيرهم

 

[MissChoco]

تولدين بالسلامه ان شاءالله


انا انصحج تاخذين راي الي جرب الاثنين ...
انا جربت رويال وايد وايد روعه سستراتهم يهبلون ورعايه صج ..
خالتي جربت دار الشفا وجربت رويال واتقول انه رويال احلا بوااايد

 

[ShoOog el3YoOoN]

انا جربت الشفااا صرااحه حلووووووو وكمامهم صج يهبل تولدين وانتي نايمه تقومين البيبي يمج وماتحسين بتعب
وبالنسبه للغرف غرفهم حلووووووه .. الواحد شنو يبي غير الكمام والولاده المريحه والتعامل الحلووو

واشووف رويال حق كشخه لا اكثر ولا اقل حق استقبال وكشخه ..واسعارهم نااااار

 

[علياء الحسن]

- لو خيرتج دكتورتج بين مستشفين حياة رويال او دار الشفا ايهو تختارون؟
دار الشفا
2- جم اسعارهم بالولادات؟
تونى والدة من شهرين 570
3- المستشفى اللي تختارينها وضحي السبب ليش ؟
نظافة رعاية هدوء سسترات روعة وخاصة الولادة خبرة دكاترتهم حلوين وخبرة خلونى بغرفتى لين 3 سانتى بعدين على الولادة والحمداللة ربى هونها على فكرة جربت رويال حياة حسيتهم نصابين يعنى محدديلى بس 6 ساعات بغرفة الولادة واذا ما ولدة يزيدون السعر وشغل هايط صراحة
4- صارلج او احد موقف من قبل مع المستشفى اللي ماتفكرين تروحيله؟

لا الحمدالله

 

[باربي لكويت]

قوه حبيبتي انا جربت دار الشفاء باول بيبي احمل فيه وكانت مراجعاتي كلها عندهم وكان حملي خارج الرحم واحس بالام مو طبيعيه واروح لهم بالاسعاف تخيلو ويسوون لي سونار ويقولون البيبي زين ووضعه زين فوق ال10 دكاتره شافوني منهم رياييل ومنهم حريم وكلهم نفس الحجي اخر شيء حولت على استشاري وشافني قال حق زوجي مافيها شيء هذا دلع حريم واكتئاب حمل اول بيبي وخايفه انها تمتن ويتغير جسمها وهذا كله هوس حريم للعلم انه مالمسني ولاحتى فحصني بس شاف السونارات اللي سوها لي الاطبه اللي قبله المهم نمت عندهم 3 ليالي وطلعت ورديت لهم بنفس الوقت بالليل من العوار ولمن سوولي تحليل دم لقو دمي نزل من 9 الى 7 في ضرف جم ساعه بس وشنو كان رده قال حق زوجي مافيها شيء هذا البيبي يبني كريات دمه من دمها !!!!!!

هذا الاستشاري هاه ينزل دمي من 9 الى 7 ويقول البيبي حسبي الله عليه وبطني انتفخ وصار جني بالخامس من كبره وانا توني شهر واسبوعين ولا نزل علي من تحت ولا قطره دم

المهم نمت عندهم 3 ليالي وطلعت وهم يشيلوني على نقاله موديني البيت تخيلو وتعبت بالليل ووداني زوجي حق طيبه كلنك ولمن رحت لهم اكتشفو اني حامل خارج الرحم والانبوب منفجر صار له 3 ايام وهذا سبب نزول دمي من 9 الى 7 في ساعات قليله وسوولي عمليه طارئه ونزلو الحمل واستاصلو الانبوب وقلبي وقف بالعمليه وانعشوني تخيلو بغيت امووت الموت شفته

وربي الحمدلله كتب لي عمر ثاني وكله بسبه دار الشفاء الله لايوفقهم

هذي قصتي انا

اما قصه بنت اخوي فشيء اعظم واكبر حسبي الله عليهم ذبحو ولدها وهو مافيه شيء الله يحرق قلوبهم مثل ماحرقو قلبها
هي كانت والده قيصريه وحملت بعد بنتها بسنه او اقل

ولم يات حزه ولادتها قالو لها عادي نولدج طبيعي انا استغربت قلت لها انتي حملتي على القيصريه علطول شلون يولدونج طبيعي قالت الدكتور قالي جذي عادي

المهم يات حزت ولادتها وراحت تولد وجابو لها الجهاز اللي يشوفون فيه نبض البيبي ووضعه وطلع الجهاز خربان والبنت تولد ولايدرون بوضع الجنين وراحو يدورون لها جهاز ثاني بهاللحظه طلع الراس ومحد عندها وقامت اختها تصارخ جنها مينونه تناديهم وياو ركض ودش راس البيبي مره ثانيه داخل وقام يرفس اختنق وهو يرفس فتح عمليتها القديمه وصار عندها تمزق في اربطه الرحم وفي الجدار البطني تخيلو يشوفون ريوله ترفس من ورى جلده بطنها ماباجي الا تنفتحت الجلده ونقلوها علطول ولاده قيصريه وطلعو البي ازرق مخنق انقطع عنده النفس ومات مع انه مافيه اي شيء تخيلو كسرقو قلبها وحرقوه على ضناها حالتها النفسيه صارت بالتراب ويبون يغطون على عملتهم الشينه قالو لها تكاليف ولادتج بلاش علينا يعني الحين معوضينها حسبي الله عليهم وقامو يرقعون السالفه قالو ولدج فيه خلل بالمخ لو عاش بيعيش معوق وهي طوول فتره الحمل جنينها طبيعي ومافيه الا العافيه وتحاليله سليمه حسبي الله عليهم


وانا صارت عندي عقده من دار الشفاء من تجربتي وتجربت بنت اخوي
والحين اراجع عند رويال حياه مافيه احسن من معاملتهم وخدمتهم ودكتورتي نداء بو خضور قالت لي انصج تولدين هني وانتي براحتج بس المستشفى مجهز بجميع الاجهزه الحديثه وخاصه اجهزه الاطفال المواليد ودكاتره الاطفال شطار وطاقم المستشفى كلهم زينين وخاصه ان اللي بتولدني دكتوره نداء بوخضور انشالله باذن الله

انا قلت لج تجربتي وانتي لج الراي اي مستشفى تختارين

اسفه اني طولت عليج

 

[qswa]

انا عن نفسي ناويه رويال حياة ان شاءالله ماحس اني مستشفى جنه فندق كل المستشفى زل وهدوووووووووء ونظاااافه والسستراات حبوبااااااات