دايت كيررر

[إلبنفسج]

السلام عليكم
ابي اشترك في دايت كير دقيت عليهم تقول
في موعد شهر سبعه حق الدكتورة تشوف
الوزن ونسبة الدهون جذي يعني
وتقول تعالي افتحي ملف و نوصلج الاكل علي طول ما يحتاج انطر الدكتورة
انا احترت انطر الدكتورة او ابتدي بالاكل
منو يحددلي الكالوري
شنو سويتم انتم؟؟؟

 

[الشيخة@]

رفع لعيونش

 

[عنيّد]

شهالخرابيط !!

لازم الدكتوره توزنج وتاخذ قياساتج ، وتحددلج الكالوري ، وتراجعينها كل اسبوع وترجع تاخذ وزنج وقياساتج وتحددين الاكل معاها

انتي دافعه ميتين دينار على اكل بس !!!!!! لازم اخصائيه تتابعج

 

[Maryam]

تبين نصيحة لا تشتركين
لوعه

حدهم شهر شهرين بس
انا اشتركت 3 شهور بسس اخر شهر حدي مليت
و من الصيف بدا الاكل اشوي محمض يجيني
و الاخصائية ما تسوي لج شي اول ششهر او اول زيارة و بس اهم ما عندهم الا هالقائمة و مستانسين عليها

 

[وَرْدَة الْقُلُوْب]

اباب اباب

 

[عنيّد]

مريم ،، معروف ان الواحد لازم ينوّع بالشركات ، انا اسبوعين ثلاث واتملل ، اشوف بعض البنات كل شهر شركه لوول
ومعروف دايت كير على كثر ما اكله حلو الا ان قائمته ثابته ، خبري الشركه الوحيده الي قائمتها كل شهر تتغير هي هيلث كومباني

 

[سمسميه]

بالعكس انا انصحج فيهم
ولازم تراجعين مع الاخصائيه علشان تحدد لج لسعرات الحراريه الي تحتاجينها لا تروحين عمياني

 

[انــــــــــــــــــــــا]

دايت كير خوش شركه من ناحية الاكل والنظافه وحتى النزول انا كنت انزل معاهم الحمدلله بس فيه غيري كانوا يقولون ماينزل وزنهم فيفرق من شخص لشخص

وانصحج تدخلين عالاخصائيه اذا كنتي اول مره تشتركين عشان يكون عندج فكره عن نظام السعرات

وبالنسبه لقائمة اكلهم ماشاءالله متنوعه تحتارين شنو تختارين واذا انتي من النوع اللي يحب ينوع نادر بيتكرر عندج الاكل

 

[سيدة الذوق]

انصحج تنطرين الدكتورة .. وان شالله تلتزمين وتضعفين

 

[مسك81]

مثل ماالبنات قالو نطري الدكتوره احسن