دايت كير للأهميه

[تتوفه]

السلام عليكم

الله يعافيكم بنات اللي تعرف عن دايت كير تفيدني ضروري
الحين لو ابي اضعف جم كيلو معين ببالي خلال شهر
راح يوفرون لي الاكل اللي يخليني اضعف مثلا 7 كيلوات بالشهر ؟!
ولا اهم يحددون لي
انتظر ردكم للاهميه

 

[تتوفه]

اشدعوا ماكو رد واحد

 

[Q8stylle]

upp

 

[انا لحبيبي .]

ان شاء الله البنات يفيدوكي حبيبتي ،

بس رجيم بدون رياضيه مافي فايده

 

[Maryam]

حدهم 4 كيلو بالشهر

 

[فجر_الكويت]

ان شاء الله البنات يفيدونج اكثر

 

[غرقانة في دموعي]

السلام عليكم
حبيبتي تتوفة

انا و اختي اشتركت بدايت كير لمدة شهرين ....
اشتركت بنظام اسمه اكشن اللي هو عبارة عن ريوق و عشا و غدا و وجبتين خفيفة عشا و غدا

انا ما اقولج اكلهم روعة بس كمية بسيطة
بس خل اقولج شي

قالنا الاخصائي انا و اختي
اننا
لازم نشرب 3 لتر ماي + ما يتعدى القهوة و الجاي عن 2-3 كوب لأنهم يحبسون ماي بالجسم + لازم نمشي نص ساعة 3 مرات باليوم + منع عننا زيت الزيتون كلللللش + تحاولون تشربون جاي اخضر باليوم

ة لأن اختي تحب البيبسي سمحلها بيبسي دايت صغير باليوم


أنا ما التزمت رياضة مرة وحدة و مرات و لا شي+ ما كنت اشرب ماي مرات نص بطل او بطل ماي بالدوام و بس + كنت اخربط اكل سلطات و كلها زيت زيتون
نزلت كل اسبوع كيلو و مية جرام

اختي التزمت بشرب الماي و تكثر + قامت تمشي اربع مرات بالاسبوع و مرات يوميا بس ما تتعدى النص ساعة + تخربط بس حلويات + و تشرب مطارة باليوم او اكثر جاي اخضر

نزلت بالشهر 9 كيلو

بس بقولج شي
الحين انا وياها مو مشتركين وقفنا بس سوينا النصايح نشرب ماي و جاي اخضر
و شوي مشي بس لازم 3 مرات جربنا بدونهم
نزلنا 5 كيلو بالشهر

الحين فكري و قرري
بس ترى صج مو سهلة بالشهر ميتين دينار
مرات تجيج ضروف ما تقدرين تقطين هالمبلغ
عندج اولوياااات

 

[hanadi-77]

انا شفت بنات سوو انواع من الرجيم وعند كذا دكتور وما نفعهم شي وقطون اللوم على الدكاتره او مراكز التغذيه بس بقو لج شغله مفيده وفهميها عدل لازم يكون عندج اصرار وعزيمه وقرار نابع من داخلج وتقولين بداخلج ( انا لازم اتغير ) صدقيني اذا كان عندج هالاصرار بتضعفين حتى لو ما اشتركتي واكتفيتي بالمشي ونا اقدر اقولج انه الضعف على الغذاء السليم والمتكامل مو الحرمان مع الرياضه كافي وممتاز واحنا يا اختي مانتحرك ولا نمشي لو نلعب رياضه ونخفف اكل بس شوفي تناسق الجسم الي بكون والصحه والعافيه بس غيري نظامج الغذائي ولعبي رياضه مو محتاجه اشتراكات المهم التنظيم الغذائي مع الرياضه بس وعلى العموم الجسم الطبيعي ماينزل بالشهر غير 4 كيلو تقريبا ومع بداية الرجيم الوزن السريع الي ينزل يكون دايما سوائل بعد السوائل اتم حرق ادهون فا عطي نفسج فرصه كبيره من الوقت لاتقولين ابي اضعف بشهر قولي انا ابي اضعف خلال هالسنه 15 اى 20 كيلو يعني وزن لا باس فيه يعني تقريبا كيلوين كل شهر وهذا الهدف الصح وبعد الرجيم حاولي تحافظين على الوزن مالج لحد ما احفظ الجسم الوزن الجديد وحافظ عليه وان شاء الله اكون فدتج ويارب الله اوفقج بكل امورج