دبي دار الحي

[usgirl]

السلام عليكم ورحمه الله وبركاته

ان شاء الله راح احط لكم تقرير عن سفرتي لدبي اتمنى افيد اللي بروحون لاني استفد واااييد من تقارير البنات وحددت اماكن للتفرفر والسياحه يمكن ما كنت اعرفها لو ما البنات تكلموا عنها

السفره كانت 6 ايام ولو ندري ان الاثنبن عطله جان كملناها .. خيره ان شاء الله

اشوي واكمل

 

[سيده نفسي]

الحمدالله على السلامه

 

[jesssy]

الحمدالله على السلامه​

 

[auoma]

الحمدلله على سلامتكم
ناطرين التقرير

 

[usgirl]

رد : رد: دبي دار الحي

الله يسلمكم السفره كانت 6 ايام 5 ليالي

على الاماراتيه بصراحه انا جربت الخطوط الكويتيه والاماراتيه والايطاليه والقطريه بس مثل الرعب اللي اشوفه بالكويتيه ماكووو عليه

المهم
اخذت اعيالي معاي وطبعا سووا افلام الله يحفظهم

اليوم الاول رحنا مول دبي رووعه والنافوره الموسيقيه وطبعا الخوات ما قصروا بتقاريرهم اللي طافت فعرفت اهم الاماكن بالمول
بحط لكم صور بس من النت ما عرف انزل صور

http://www.alkhaleej.ae/uploads/gallery/2009/01/08/31146.jpg

النافوره

 

[usgirl]

رد : دبي دار الحي

بنات سامحوني ما اعرف انزل من الايفون وما عرفت احمل انا بحط لكم صور من النت واتمنى افيدكم باهم الاماكن

هالقاعه تهبل فيها مقهى فوشون وارماني كافيه بس ديكورها روعه
وفي سوق الذهب عجييب وفيه اكثر من قاعه مثل قاعه شجره الذهب وقاعه فيها قبه خضرا روعه

]

هالمول عجبني حده

وفي مول اسمه تايمز سكوير قرت بالمنتدى ان فيه مقهى جليدي ورحت له حدهه يونس

بصراحه لو البنات تكلموا عنه كان ما درينا وحده يونس ويلبسونكم جاكيت وجواتي تكرمون لانه فرييزر

وطبعا ما ننسى برج خليفه تجربه فريده تصعدون ليمه بلكونه على ارتفاع ما ادري جم وتجوفون المنظر وتالي تنزلون على حديقته والتذكره وااايد غاليه وقالوا لو تيون بالوويك اند في عرض وبيطلع عليكم ارخص

 

[usgirl]

رد : دبي دار الحي

في حديقه الخور او حق الجي بي اس اسمها creek park في عرض فقمات ودلافين مع استعراض مائي روعه وعلى مستوى وتقدرين تدفعين فلوس زياده للتصوير الخاص او حتى تنطين بقارب مطاطي وييرونج الدلافين العرض يونس واسانسوا اعيالي وكان في اسره مسويه مفاجاه لولدهم ونص العرض طلعوه المذيع وقال اليوم اهلك محضرين لك مفاجاه ويابوا قارب مطاطي ويرووه الدلافين وصفقناله لو ادري جان سويت مثلهم لولدي غرامه الدلافين بس حده يشوق العرض وارخيص حده لان احنا كنا قبلها باتلانتس ودخلنا الاكويريوم وكان عندهم دلافين بس غالي نااار الدخول عليهم وكله بالحوض مو عرض لا مثل تدخلين الحوض وتسبحين مع الدلافين بصراحه اللي ما ديتها تسمح تتخسر جريب 200 دينار وفوق بالعافيه عليها لانها خوش تجربه واليهال شرط يعرفون يسبحون وفي اعمار معينه ما اظن لاي ياهل

واكويريم اتلانتس يونس حاطين ديكور داخل الحوض مثل اثار لمدينه اتنلانتس وديكورات غريبه تدخلج الجو بس يونس صراحه

والمكان بجزيره النخله شي متطور مدينه تونس وفي كورنيش مثل مال شرق حق التمشي

 

[usgirl]

رد : دبي دار الحي

ما ننسى مول دبي كبير وفخم بس ما قدرنا نفرفر بس رحنا صوب السكي والثلج والدخول للاطفال فوق 2 الدرجه -4 وتنزل بعد -3 ساعات ويلبسونكم قبل لا تدخلون

الالعاب فيه تونس

وتالي رحنى لالمارينا مول صوب البحر بس ترا في شغل خنبقه يعني في شغلات بس احنا خربنا عليهم وانا واعيالي الله يصلحهم وقلبنا مودهم جلليلين الحيا

 

[HeSsaa]

عليكم بالعااافيه ودبي ونييييييييسه ماينمل منها :rerrerek:

 

[usgirl]

رد : دبي دار الحي

بالاخير رحنا مول ابن بطوطه المعروف للكل وسلامتكم

دبي زرتها قبل 6 سنوات ايام برجمان والستس سنتر وحمر عين بس ما شاء الله كبرت وتغيرت قالوا بسوون دزني فيها وما شفنا هالشي صار لنا 6 اسنين

الحمدلله الله رزقني ورحت دزني

المهم الاكل حده لذيذ ونظيف ومرتب يعني مو مثلنا مزحر بصراحه فرق
اكلهم روعه والمقاهي تهبل

للي يحبون shopping واخر موضه اتوقع تفيدهم واايد

 

[عثوله دبي]

usgirl

اهم شي استآنستي الله يحفظلج عيالج يارب .. ~

حياج الله فـ دبي ~ ​

 

[بنت ال q8]

الحمد الله السلامه..

 

[usgirl]

رد : دبي دار الحي

الله يسلمكم ومشكورين على مروركم

 

[ليدي دبي]

حياااااااج الله فدبي
والحمدلله على سلامتكم

 

[ليدي دبي]

رد: رد : دبي دار الحي

بالاخير رحنا مول ابن بطوطه المعروف للكل وسلامتكم

دبي زرتها قبل 6 سنوات ايام برجمان والستس سنتر وحمر عين بس ما شاء الله كبرت وتغيرت قالوا بسوون دزني فيها وما شفنا هالشي صار لنا 6 اسنين

الحمدلله الله رزقني ورحت دزني

المهم الاكل حده لذيذ ونظيف ومرتب يعني مو مثلنا مزحر بصراحه فرق
اكلهم روعه والمقاهي تهبل

للي يحبون shopping واخر موضه اتوقع تفيدهم واايد

قصدج دبي لاند مو دزني
حاليا مشروعها واقف :eh_s(4):

 

[ايطاليه]

رد: رد : دبي دار الحي

الحمدالله عالسلامة

عسى الياهال استانسواهم شي؟؟

حبيبتي انا ناوية اروح باذن الله وين تنصحيني اودي ولدي بو4ستين