نور من نور
New member
- إنضم
- 16 فبراير 2007
- المشاركات
- 319
- مستوى التفاعل
- 0
- النقاط
- 0
اول موضوع لي بالمنتدى بعد موضوع الترحيب :eh_s(22):
واشكر الاخت bnt q8 جزاها الله خير مادري شسمج هني هههههه
بس اتمنى افيدكم خل نشوف شعندنا اليوم ..
طبق خفيف وسهل جدا اتمنى يعجبكم
واهو عباره عن دجاج بالقصدير
المقادير :-
دجاج حسب الكميه المطلوبه اني خديت نص دجاجه
¼ كوب كريما
¼ كوب نفطر
¼ كوب بازلاء
وبطاط شرائح رقيقه
5 ملاعق صلصه تايلنديا حاره
وادا مافيه عادي ماينيز حار
او صلصة شيلي
او اي صلصه خاصه بدجاج
½ كوب جبن برمزان
ورق قطع ورق القصدير لكل قطعة دجاج
وبهار ابيض او اسود وملح
الطريقه :-
نخلط البازلا والفطر والبهار والصلصه مع بعض
نخد بطاط شرائح حوالي 10 شرائح في الي القطعه الوحده لان رح تكون رقيقه شوي البطاطه
نصفها في وسط القصدير ونحط عليها شوي ملح وبهار ابيض او اسود
نحط الخليط على الدجاج بعد ما بهرناه بالملح والفلفل
نسكر القصدير عدل من الجوانب ومن فوق اكيد
نحطهم بصينيه فيها حوالي كوب ماء
ادا حبيتي تحطين فيها قطعة زنجبيل بوسط الماء عادي
وندخلها الفرن على حرارة 350 درجه لمدة نص ساعه او حتى ينضج الدجاج
قريب تستوي نفتحها ونحط ملعقه جبن برمزان مبشور على كل قطعه
خليها شوي تتحمر
وقدميها واهي ساخنه مع اي شي تفضلينه
بالف عافيه يارب تعجب:eh_s(22):
