دجاج تكا ماسالا-سهل و سريع

[الدانة-81]

شلونكم حبيباتي

هالطبق شفته بموقع فتافيت و سويته مع تعديل بالمقادير

بصراحة خوش فكرة حق اللي ما عندها وقت تطلع دياي
لأنج راح تستخدمين دياي تكا امريكانا الجاهز

نبدي بالمقادير (تكفي حق شخصين انتي و ريلج مثلا)

علبة دجاج تكا امريكانا خليها برة الفريزر ليما يفج عنها الثلج
بصل شرائح طولية
كزبرة مفرومة

ملعقة او ثنتين روب زبادي

بهارات: كركم و جارام ماسالا

ثوم و زنجبيل مطحون
كوب مرقة دجاج




الطريقة:

تحطين زيت بالمقلة يعني ملعقتين كبار و تشوحين قطع الدياي

لما يتحمرون حطي البصل و قلبي ليما يذبل

بعدين الثوم و الزنجبيل و البهارات و قلبي ليما تطلع ريحة البهارات

بعدين حطي الكزبرة و عقبها الروب و قلبي ليما يبقبق الروب
و آخر شي حطي مرقة الدجاج (انا ذوبت مكعب ماجي بقلاص ماي حار)

و غطي المقلة عشان يستوي الدياي و بين فترة و فترة حوسي عشان لا يتلصق
خليها تطبخ تقريبا عشر دقايق ربع ساعة و اذا تبينها خاثرة خليها تطبخ بدون غطا


و بالعافية

 

[جارة القمر]

رد : دجاج تكا ماسالا-سهل و سريع

الدانة-81


مشكووووووووووووووره


حبيبتي

 

[ترتوره الحلوه]

:icon30:تسلميييييين

 

[LaLi chocolate]

مشكوره حبيبتي ويعطيج العافيه .

 

[caramel]

الله يعطيج العافيه

 

[الدانة-81]

الله يسلمكم حبايبي

 

[كلي حلااا]

الله يعطيج العافيه حبيبيتي بس بغيت اسأل شنو الجارام ماسالا

 

[مساء مونترو]

يعطيج العافية...

 

[الدانة-81]

الله يعطيج العافيه حبيبيتي بس بغيت اسأل شنو الجارام ماسالا

يعافيج حبيبتي

الغارام ماسالا اهي خلطة بهارات هندية تلقينها بعلبة مو كيس بقسم البهارات
بسيتي سنتر عند الاكلات الهندية

 

[" بنت العز "]

جزاك الله خير حبيبتى

 

[moon light styl]

مشكوووووووورة

 

[زهرة الزهور]

تسلم ايدج حبيبتي

 

[<<لمار>>]

تسلم ايدج غلاتى احب الاشياء السريعة

 

[الدانة-81]

الله يسلمكم حبايبي

اي حدها سريعة