دخلوا وعطوني رايكم محتارة صارلي يومين

[صديقه]

السلام
شلونكم بنات؟
حبيت اقولكم شي صارلي يومين افكر قلت اقولكم وعطوني رايكم
زوجي قبل يومين قالي ان اول ماملجنا الدور الثالث كانو مخلين غرفة منه حق الخدامة فلما شالو الاغراض الي بغرفتها عشان الدور الثالث احنا بنسكن فيه فلما فجوا الكبت لقو رواه ملابس زوجي الداخلية مقصوصة وملفوفة ومعقودة عقد
بس زوجي ماقالي هالسالفة الا قبل يومين يقول هذي سوالف خدامتهم الي قبل هذا لان كانت مو مضبوطة
الي خلاني افكر فيها واقولكم انتو تدرون ان زوجي الحيوانات المنوية صفر مع ان كل شي عنده سليم
تتوقعون هل لهالشي علاقة بالي صاير لزوجي مع ان عمي حرق الملابس الداخلية وقال حق زوجي اقرى على نفسك
واشرب ماي مقري ولاتنسى الرقية
انا ماادري احس ماله علاقة بس مادري ليش السالفة مو راضية تنشال من بالي
انتو اشرايكم؟؟؟؟

 

[ساره777]

اتوقع السحر يسووى اشياء كثيرة ماعليه الا انه يروح حق شيخ يقرأأ عليه واذا فيه سحر رااح يبين

واعتقد انه عدم وجود الحيوانات المنويه أمر من عند الله وطبي أكثر


والله يرزقج بالذرية ياارب

 

[هــلا الكويت]

و عليكم السلام ..

اي أختي كل شي يسوونه الخدم لا حول و لا قوة إلا بالله ..

خلي زوجج يروح حق شيخ ثقة و يقول له كل اللي صار له مثل الشيخ عبدالله الحداد .. الله يشفيه و يرزقكم يارب . .

عليكم بسورة البقرة و الاستغفار و المحافظة على أذكار الصباح و المساء .. الله يحفظكم ..

 

[الأم الصغيره]

الله يعينج ويشفي زوجج لازم تروحون لشيخ وسورة البقره خليه يقراعا كل مره

 

[صديقه]

مشكورين خواتي على الردود
والله يشفي كل مريض يارب
والله انا قلت مااعتقد من السحر لان عمي حرق الملابس
بس والله مايندرى

 

[ردينه]

خلي يرفي نفسه لا شبخ ولا شي -----كل واااحد ابخص بنفسه

 

[bnt_kwt]

لا السحر يسوى البلاوي
الله يعيذنا منه ومن شروره ويكافينا الشر

حبيتي دام فطن على هالسالفه لا تسكتون روحوا حق شيخ خل يقرا عليه
وراح يبين اذا فيه سحر لاقدر الله

ويارب تنحل كل الامور وتنفج العقده اللي موقفه رزقكم بالذريه

 

[أعرف قدر نفسي]

الله يعينك والحمدلله اللي عرفتي عشان يمدي بهالايام المبروكة تدعين ربي و ترى كل شي يبيله صبر والفرج قريب

 

[Amory]

حسبي الله عليها ان شاء الله

خلي زوجج يروح حق شيخ لأن في سحر خاص لمنع الانجاب يمكن هالغبره امسويته لزوجج

الله يشفي زوجج ويرزقكم بالذرية الصالحه قولي آمين

 

[صديقه]

مشكورين يابنات ويزاكم الله خير على ردودكم والله انشاله بقوله يروح حق شيخ وبقوله يقرى على نفسه
والله كريم
والرزق من الله وربي يرزقنا كلنا الذرية الصالحة عاجلا غير اجل انشاله

 

[المهذبه]

اتوقع أختي الخدامه مسويتله شئ والسحر له علاقه كبيره بعدد الحيوانات المنويه خليه يقرأ البقرة شهرين متواصلين يعني 60يوم أذا مسويه له شئ يروح أنشالله وأذا ماردت النسبه طبيعيه بعد شهرين يكون الأمرطبي وماله علاقه بملابسه.