دراستج مقارنة بدراسة ريلج او ريلج المستقبلي

[violet*q8]

السلااام عليكم
بنات ادري انه هالمووضووع قد يكون شبه متكرر بس مالي خلق ادووور :dddds: لووووول
و هو
0
0
0
اذا انتي موو متزووجة
وتقدملج واحد شهادته متوسطه :nocommint:
وانتي جامعيه او قولي بمعهد او دورات خاصة
تاخذينه؟؟؟؟؟
ادري انه الزوااج مو بالشهاادة :eh_s(13):
بس هالموضووع فكرت فيه لمن عرفت انه بنت عمي---دارسة وتعبت وخذت دكتوراه
تزوجت واحد شهادته متوسطة
يعني شي غير منطقي بالعقل
او اختلافات بسيطة
بالشهادة يعني انا عن نفسي اذا دشيت الجامعة--يارب :yaaaaaarb:
عادي اخذ واحد دارس تطبيقي او معهد :eh_s(10):
بس دورات خاصة ماارضى :lololoe:


بس اذا بنت شهادتها ثنوية عادي تاخذ دكتور بالجامعة صح ولا شرايكم؟؟ :080402ask_prv:
بس العكس موحلوو
واذا انتي متزوجة شنو شهادتج وشهادة ريلج ----------ملقووفة واااايد لووول :016:
عادي لا تجاوبون اذااا
ماتبون
وشكراا
:lolo:

 

[dodowa el7elwa]

عاادي ماتفرق عندي:tomato2::eh_s(3)::eh_s(3):

 

[^وجد قلبي^]

اهم شي الاخلااااااااااااااااااااااااااااااااااااااااااااااااااااااق تخيلي تاخذين واحد بالجامعه ويتزوج عليج ولا يطلع معقد ولا مو رجال ولا يعرف يواجه رياجيل ومنطوي على عمره ووحيد !!!!!!!!!!!!!!!!؟؟؟

وتخيلي تاخذين واحد شهادته على قده ورجال ويحفظج ويصونج واللى تبينه يسويه لج ...!

ترى اهم شي المخ ..! مو الشهاده و الشهايد قاموا يزورونها الحين بس الاخلاق ما تزور !!

 

[soseta]

كنت اهتم حق الشهاده قبل بس الحين مو نفس قبل
بس هم ماابي واحد شهاده متوسط ..

واهم شي اذا ماكان دارس يكون عقله كبير

انا مره تقدملي واحد شهادته مش ولا بد وعقله وتفكيره جنه عقل ياهلللللللل , رفضت وخذيت فكره ان الدارس اهوا الفاهم واللي مو دارس لا , لما كبررررت اكتشفت مو شرط ..


اهم شي العقل والاخلاقق

 

[حقوقيه زوغه]

بالنسبه لي الشهاده مهمممممممممه وايد ..مااقبل واحد شهادته اقل من شهادتي لو شنووو يكووون

لازم يكون الرجل مكافئ للمرأة مو العكس !!

 

[الباسمه]

فيه مثل يقووول الثقااااافه قبل الشهاااده
اما اذا كان فاضي اقصد لا شهاده ولا ثقااافه احس انه عايش بوادي بروحه وهمه المظاهر بس والروتين الممل

 

[CUTE ENGINEER]

والله آنا أشوف ان أهم شي الشخصية والنضوج عاد مايكون فرق الشهادة كبير لأن بيأثر في نفسيته أهو أول شي
بس مو شرط نفس المستوى أو أعلى

 

[Miss 7o7o]

مستحيل اخذ واحد اقل مني شهاده لان احس تفكيره حيل اقل من بالتفكير
يسلمو على الطرح
تقبلي مروري

 

[مـعـجـبـة]

والله اول فكرة بتيي براسي إن عقله صغير والله عيل ليش ما كمل دراسته !!

صج الدراسة متعبة ، بس كلنا استحملنا وحطينا على روحنا وشدينا حيلنا عشان نخلص

ونحصل شهادة ووظيفة وراتب زينين، بعدين الشهادة فوق إنها شيء أكاديمي بس تعطي وجاهة اجتماعية..

والحين حتى الـبـكاالووريوووس وكل من عنده والناس هابة بالماجستير وغيره هالدور شهادة متوسطة ولا ثانوية بس..!

:::::::::::::::::

لا ما أتوقع بوافق على واحد عنده متوسطة أو ثانوية بس .. خل يكمل دراسته تالي ينتقل للمرحلة الثانية ألا وهي الزواج !

 

[شوشو الشقيه]

تسلمين يا قمر
اختي
اهم شيء اخلاق الرجل اختي ومدى احترامه لنفسه وليس شهادته
يا ما رجال مناصبهم عاليه ودكاتره في مستشفيات بعضهم محصلين على شهادات بكالوريوس في حاسوب واعلام او الحقوق
ويشتغلون ورواتبهم فوق وعاليه
ولكن الحمد الله والشكر اخلاقهم الله لا يوريج كل يوم مع بنت وشكل وصنف وجنسيه اخري
يشكلون كل يوم شكل عبالهم بدله او ملابس كل يوم يلبسونه

في رجال عندهم شهادات ثانوي ولكن نعم الرجال وخيرتهم من اخلاق وادب وما شاء الله عليهم محترمين
وما عندهم سوالف حريم وخرابيط
صدقيني اذا عند زوج محترم ومخلص يسوي في عيونك الدنيا ما فيها
ايش فائده شهادته وعقله المتحضر وهو ما يدري عنج ولا عن اطفالك في المستقبل
وزوجك يركض وراء النساء
من اختج شوشو الشقيه

 

[كازو ترف]

يعتمد على الشخصيه
في وايد عندهم شهادات اذا تكلموا ودج يسكتون
والعكس صحيح

 

[«ƒαяαωℓуα»]

ممم ... انا اييدكم المهم انه تكون شهادته زينه يعني مو متوسط
وارد واقول مع البنات الاخلاق قبل الشهاداه

 

[(كويتيه عسل)]

الانسان موبشهادته اهم شي الدين والتربية والاخلاق
وفي ناس عندهم دكتوراه ومناصب لا اسلوب ولا اخلاق

 

[وردة الهوى]

لا والله الشهاده بالنسبه للرجال مهمه وانا ماارضى انه يكون اقل مني
اذا جاك واحد معاه متوسطه او ثانويه بيصير اسلوبه مدري كييف ولا هو ناضج
ويسلموو ياقلبي على هالموضوع,,,,

 

[miss_tn7n7]

والله اول شي العقل والاخلاق وطبيعة الشخص وعاداته بعدين اخر اشي افكر بالشهاده
مو انه كلش ماعنده شهاده بس يعني تفكيري بالشهاده يكون اخر شي
اهم شي الاخلاق مثل ماقالو خواتي
ويعطيج العافيه حبوبه عالمووضوع

 

[يمة يادلبي]

واحد جامعي او شهادته معهد وشغلته زينة وراتبة قوي هذا اقبله
بس واحد شهادته متوسطة قوية ترا يعني لو أنا جامعية شلي يحدني اني آخذ واحد شهادته متوسطة

بس همن ماتدرين النصيب وين بيقطني

 

[جلاديلياس]

ماتفرق عندي الشهاده كثر الدين والاخلاق مو معقد لا بس يخاف ربه


واخلاقه زينه في ناس شهاده وماعنده اخلاق او ماعنده وازع ديني

 

[Gears]

صج الانسان بخلاقه

بس بصراحة بالنسبة لي الشهادة وايد مهمه !

كوني جامعية و بكلية تعتبر من الكليات الصعبة بالعالم مو بس الكويت

مستحيل ارضى بأقل من جامعي =)

بس طبعا كلشي قسمه ونصيب بالنهاية ،،

بس بالنسبة لي عشان يكون فيه تفاهم عالاقل المستوى لازم يكون نفسه تقريبا ،،

انا بصراحة احس تفكيري غير عن الي شهاداتهم اقل مني ، مو تقليل من شانهم والله ،،، بس انا اشوف جذي =)

ويسلمو عالموضوع

 

[وهج الحب]

السلام :
انا اشوف الامر عادي وقبل ما كنا نفكر ابد بهالامر لان كان وايد ما يكمل شهادته ...
بس انا ما اكتب شئ الا اذا مر علي بحياتي عشان اكتب عن خبرة يا زعم والا اقرا واطلع لو ما عندي تجربة ومن تجربة ..
ما عليك من كلام التلفزيون والقصص ان جاها واحد غير متعلم وووو ..انا اخواني اثنينهم ما كملوا وتزوجوا جامعيتين الكبير كله تعايرة ورغم انها اخصائية بس متعقدة اكثر منه وهو يجبها ويسويلها يا زبيدة لا تنكتين ...ونكدت علية الى ان طلقها واخذ واحدة ما خلصت والثاني لا في النهاية قالت السبب من اهله رغم اننا كنا في جهتها ضد اخونا وكانت تقولي قسم بالله اني احس اني مريضة نفسيا واني محسودة على زوجي .. كان يعامل زوجته عادي بس يموت عليها واشترته ولا عمرهم حسوا بالفرق ..و وحدة اخذت واحد بالكتوسطة ومخة مقفل طبيعي ودرس واخذ الجامعة وتم مخة مقفل يعني الشهادة لا تقدم ولا تأخر ابدا .. ونسيت اختي جامعية وتزوجت غير جامعي ومعاملته حلو وبالعكس هو يحب يقرأ وهي قرأتها مجلات .. يعني نادر ما يكون التعليم هو السبب في الاختلاف بي الزوجين بس الرك على الشخصية الضعيف او الضعيفة الشخصية اذا تزوجت او تزوج وشاف الثاني احسن منه قال انا احسن منه في الدراسة ويقوم ينقص من قدر الثاني وحتى لو كلهم جامعيين بيدورون شئ ثاني يشفون نفسهم على ازواجهم ...
اما عني فأنا بكالريوس علم اجتماع - خدة اجتماعية وزوجي ادارة اعمال ..بس عادي ما اشوف ان اننا جامعين لها دور كبير بحياتنا احنا نتزوج رجال وليس شهادة واصلا شهاداتنا لانعرف مكانها الان ..
اما عن شراء الشهادات نصف اهلنا شارينها من مصر او الاردن والله يقول لي ولد اخوي نروح الاسكندرية نسهر بالليل وفي النهار على البسيين وفي النهاية ناجح وبامتياز بعد على حسب الهدية او الرشوة اللي دفعوها واحد اهلنا دارس بالاردن قبل ما يقول له المدرس تعال يرسل له بالفاكس الطلبات من كرفتات جفنشي لا واللون بعد...
في النهاية والزبدة من كل هذه الهذرة الشهادة مش مهمة بس التربية الشخص نفسها

 

[$الـــحـــلاوه$]

امممم شوفي الاخلاق والدين اهم
اذا كان خوش رجال بوافق وعقب الزواج اقنعه يكمل دراسته <<<مخططه البنت ههههههههههههه:krkrkr:
بس يفضل انه يكون جامعي وعنده شهاده :dddds: