دراستي كلها معتمده على القراءه بس موقادر اكثر شي اكرهه في الدنيا القراءة HeeeeeeeeLP

[(كويتيه عسل)]

قوه عشاق القراءة

ودي اقولكم ياحظكم يارب اصير مثلكم احب القراءه :eh_s(2): وتصير هوايتي القراءه :yaaaaaarb:

دراستي كلها تعتمد على البحث والقراءة بشكل اساسي بكميات كبيره

بس اكرهه القراءه :0bee2e8d89:

ومن كثر مااكرهها ماادرس

معنى انا شاطره :bbbiu: بس اللي عافسني ومنزل درجاتي اني اكرهه القراءه وبسرعه ازهق وامل :

في معارض الكتب اروح واشتري كتب بس

ينقطون بالمكتبه ولا اجيسهم ولا ادري عن هوا دراهم

 

[غيدآء]

شنو تخصصج؟؟؟

وبعدين ضروري اذا مجال دراستج ماعليه حبيبتي ضغطي على رووحج....

وبعدين اختاري كتب تكون قريبه لنفسج يعني اذا تحبين مثلا شعر او مثلا تحبين تعرفين شغلات ثانيه اشتري كتب مختصه بهالنوع علشان من خلالها تحبين القراءه نفسهااا...


يعني مو اي كتاب تاخذينه ... الا اذا كان متصل بدراستج ...

 

[بقايا غرامك]

صح اختاري كتاب يعجبج انتي اقري المقدمه مالت الكتاب قبل لا تشترينه وشوفي يعجبج ولالا
لان من المقدمه تعرفين زبدة الكتاب


وموفقه ..

 

[قطرية كوول]

بالعكس فكري فيها بايجابيه شوي

انا هم طريقة دراستي كانت معتمده على القراءه وتطبيق اللي قريناه عملي وفي ابحااث

هالطريقه وايد احلى وممتعه اكثر من انج بس تقرين المقرر وتحفظينه وتروحين تمتحنين فيه

طريقتج صح انج تحاولين تاخذين كتب عشان تتعودين وتحببين نفسج بالقراءه

بس انتي شوفي شنو اكثر الاشياء اللي لما تقرينها تحسين بمتعه شنو المواضيع اللي تجذبج عشان تقرينها واخذيها

وهم شوفي الاسلوب اللي تحبينه لأن في كتب مهما كان المحتوى حلو ويهمج بس الاسلوب مايعجبج مستحيل بتقرينه بمتعه

ولاتستعيلين بشراء الكتب مو لما تشوفين كتااب من عنوانه خلاص تاخذينه لا قعدي واقري المقدمه تصفحي شوي شوفي اسلوب الكاتب اقري صفحه منه اذا حسيتي انه يشدج تكملين باقي الصفحات اخذيه

شوفي المحتوى عناوين الاجزاء بالكتاب تهمج وتجذبج ولا تصفحي كل جزء شوفي شنو رؤوس الاقلام وهل معلوماته واسلوبه اوكي او لا

محد مستفيد من كراسي جرير غيري اقعد افصفص الكتاب قبل ماخذه هههههههه

اذا بديتي بشي تحبينه سواء بالموضوع وبالاسلوب شوي شوي بتحبين القراءه وتصيرين كل ما طاحت بأيدج ورقه ولا قصاصه بتقرينها

 

[(كويتيه عسل)]

مشكورين عالنصايح ماقصرتي انشالله باخذها بعين الاعتبار

ادعولي احب القراءة وتصير هواتي القراءة

 

[pure feminine]

بلعكس حبوووبه القراااءه ممتعه

بس انتي معقدتها على نفسج مو شرط تاخذين كتاب علمي بحت او فلسفي معقد وتحكرني عمرج الا تقرينه اكيد مراح تحملين

مثل ما قالوا البنات شوفي ميوولج كلنا بدينا بالروايات , الروايات تخليج غصب تقرين عشان تشوفين شنو يصير اخر شي

صدقيني ما تهدين الروايه الا مخلصتها بالذات اذا كانت حلوووه ..

بسسسس اذا دراااسه لا هني ما لج خياار لازم تدرسين وحبي الدرااسه وحاولي تستفيدين من كل ماده تاخذينها لان صدقيني هذي كلها ثقافه

حلو انج تكونين عارفه بكل شي وعندج معلومات اصلا تكشخين بنفسج وتصيرين واثقه اكثر

بعكس الي ما يعرفون الا الموضه والوناااسه حالهم حال ثلاث اربااع العالم مو متميزين بشي

على فكره انتي قاعده تعطين عمرج طاقه سلبيه اعكسي كلامج وحبي القراءه بتشوفين نفسج تتغيرين لا شعوري

 

[(كويتيه عسل)]

بلعكس حبوووبه القراااءه ممتعه

بس انتي معقدتها على نفسج مو شرط تاخذين كتاب علمي بحت او فلسفي معقد وتحكرني عمرج الا تقرينه اكيد مراح تحملين

مثل ما قالوا البنات شوفي ميوولج كلنا بدينا بالروايات , الروايات تخليج غصب تقرين عشان تشوفين شنو يصير اخر شي

صدقيني ما تهدين الروايه الا مخلصتها بالذات اذا كانت حلوووه ..

بسسسس اذا دراااسه لا هني ما لج خياار لازم تدرسين وحبي الدرااسه وحاولي تستفيدين من كل ماده تاخذينها لان صدقيني هذي كلها ثقافه

حلو انج تكونين عارفه بكل شي وعندج معلومات اصلا تكشخين بنفسج وتصيرين واثقه اكثر

بعكس الي ما يعرفون الا الموضه والوناااسه حالهم حال ثلاث اربااع العالم مو متميزين بشي

على فكره انتي قاعده تعطين عمرج طاقه سلبيه اعكسي كلامج وحبي القراءه بتشوفين نفسج تتغيرين لا شعوري

بعد جبددددددددددددددي على هالحجي

رفعتي من معنوياتي

مشكوووووووووووووووووووووووووووووووووووووووره وايد

 

[Caffeine Girl]

السلام سوري رفعت الموضوع من جديد

بس صو بس هي في وايد وانا من بينهم

حتى كتبي ما اقراهم مع انهم علميه وتنفهم مو تنحفظ والمفروض اكون اقراها

صارلي سنه ونص على هالحاله واحاول اقرا روايات بس حتى روايات مالي خلق

ابي احاول اقرا انعس واصك الروايه ووو اروح العب

بس من كلامكم شكلي راح احاول اساعد نفسي

 

[Om eL-3a9aGeeL]

ها كويتية عسل ما حبيتي القراءة ؟!

وليش ما تروحين تخصص ثاني

بس بالتوفيييق وانشالله تكونين عاااشقة للكتب :*

 

[miss alreem]

ما اقدر ازيد على كلام البنات شي

 

[صراع اللحظات]

السلام عليكم و رحمة الله و بركاته

انصحج بكتاب ساجد العبدلي القراءة الذكيه

بيكون بدايه جدا موفقه

 

[بطاطا]

انا لما اقرا بعد انام

و بديت بالاشياء اللي احبها
شريت كتاب كفاحي لهتلر كنت حابة اعرف عنه

و شريت لي كتب بعلم النفس كانوا ضعااف و خلصتهم

يعني شوي شوي اشجع روحي


بس مشكلتي اسرح بالقراءة و لازم ارد اعيد اللي سرحت فيه شالحل هني ؟

اسمحي لي حطيت سؤال بموضوعج

 

[نيــلــوفــر]

وااااي اللله يعينج
تخيلي كانت عندي مادة ولازم اقرى رواية بريطانية بالانجليزي لااااااااعت جبدي مع انه انا اموت على الروايات بس سبحان الله اي شي يتصل بالدراسة ما نحبه
انا انصحج روحي اقري رواياات اللي فيها feedback او ردود افعال حلوة و اللي ينصحونج فيها مو اي رواية و يالله لانه اذا طحتي برواية مو شي من اولها تعوفينهم اكثر و اكثر