دربآلكم تسون هالحركه وانتو بتروحون الكوشه

[الآ انا]

السلآم عليكم
انا اتابع هالقسم من زمآن معني مو عروس
بس حبيت اقولكم سآلفه
امس رحنا عرس اخو رفيجتي ودخلت العروس وماشاء الله كانت حلوه وكلاسك ونعوم شكلها
عاد كان المصممه موصيتها اذا بغيتي تمشين وما قدرتي ارفسي النفوف وطبعا طول ما هي تمشي واهي ترفس حرآم عبالها مو باين انها ترفس وطلع شكلها غللط واهي ترفس حتى الناس الي يمي علقو قالو هاذي شفيها وخرب على نعومتها :eh_s(16):بترفس بعدين جت حماتها وقالت لها لا ترفسين اهم يشلون النفوف
فآ دربالكم تسون هالحركه لانه تخرب المنظر وحلات العروس وبنعومتها :eh_s(17):

وبس :eh_s(22):

 

[الآ انا]

واتمنى اكون فدتكم

 

[كويتيهة]

يعطيج العافيه

 

[عسى الله يهديني]

اي صحح اشكثر اشوف بنات يسوون جذي مو مره ولا مرتين هههههههههههههه

افضل شي تجيبين معاش فلبينيه تساعدج

 

[dandooosh]

اي صح أنا شفت هالحركة
وهذه نصيحة الخياطة والامهات ،، ما يدرون ان يبين والناس بتلاحظ
انا قالوا لي بس ما سويتها

 

[^لغموضي معاني^]

ههههههههههههه اي والله


شفت لي وحده ومعصبه هي ترفس


احسن شي وحده تجي وياج وتساعدج

 

[اميره^_^بحلآها]

اي والله انچ صاچه انا شفت شكثر عرأإيس جذي بس صچ مثل ما قالو البنات احسن شي معاچ وحدة تسوى لچ البدله !

 

[فرفورهـ]

ههههههههههههههههههههههههههههههههههه
الله يستر بسسس

 

[احلى وسومـ]

حدده شكلههــم مصخرره والله حرام اذا كانت العروس كاشخه توب توب وتسوي هلحركــه ...

 

[الآ انا]

نورتوا

 

[بنوته ذربه]

انا مره شفت عروس ترفس صج كان شكلها فلمممممم الله لايبلانا خربت على عمرها كل الكشخه ومصخرت روحها
الناس ماطالعوا نفنوفها ولا مكياجها ولاتسريحتها شاغلتهم بالترفس بس يطالعونها شلون ترفس @@
من اول الصاله لين الكوشه رفس برفس!!!
حتى انا خذيت فكره موزينه عن العروس قلت هذي يا انها عصبيه او كلش مافيها ذرة ذرابه وانوثه واخر شي اكتشفت عشان النفنوف @@

 

[kAmMoOnH]

هالحركه اكثر حركه تنرفزني وافكر يكون فستاني قصير لأني مابي كل شوي اوقف واحد يسوي اياها

 

[Sa7rt al9looop]

اي حرام يكثر يسوونها من التوتر والفستان يكون ثقيل عليها واهي خايفه مؤ عارفه تتصرف

يماااا دخلة العروس رعب

 

[Mrs_Orchidia]

اي والله مو حلوة الحركة انا بملجتي كان نفنوفي يجلب بالجوتي لووووع جبدي و خواتي كل ساع يسحبون النفنوف صج خرب زفتي
فيمكن المصممة ماتبي شي يوقف بطريجها و اهي تمشي

مشكووورة حبيبتي عالموضوع

الله يرزقج بالزوج الصالح

 

[أجمل إنسـآنـه ~]

ههههههههههههه عاد انا بروفه ثوبي ارفسسسس ههههههههههههههه,~,>

يعطيج العافيهةة,~>

 

[white**angel]

انا بالملجه والعرس نفنوووفي يدخل من تحت ليييي داخل وييع صج ينرفز بس انا قايلتلهم مااا راح ارافس لانه وقت البروفه جربت ولا اطيييييح قلت مستحييييلين اسويها فخليت بس اختي توقف بعيد ولمن تشوف النفنوف يدخل تيي واطلعه اصلا الشكل يكووون اذرب بدون مرافس

 

[om jana90]

انا اقول اذا تمونون على اهل المعرس خل يخلون البست بلاستك بدال الفرش احسن تمشين والثوب يزلق جدامج ما يحتاج ترفس


وبالتوفيق

 

[ابيك م ابي غيرك]

امبيه صصح اشكثر جذذي ..


ودج يكون النفنووف من جدام حده ححده ههههه بس احسها صععبه !

الله يسهل علينا دخلتناااا ويتمم لي ولكل العرايس ع خيير

واشكالنا تكوون توووووب :$$

 

[لمى الهاجري]

مو عروس لووووووووول ادعولي

 

[التوق]

هههههههه مرت ولد خالتي شكلها كان فلم ترررفس وتعلج حيل انا بطيتها
مبين نسررررررة