درس صنع gel eyeliner حياكم يا بنات لا يفوتكم...

[{سيد العذارى }]

السلام عليكم والرحمة .....

شلونكم يا عضوووات ,, هلمــرة تأخرت عليكم بموضوع جديد

بس إن شاء الله هلمرة الموضوع مميز وينال على إعجابكم وذي اهم شي

اول شي راح نبتدي بالقصه : هههههههه

الفكرة ومافيها لما كنت بمعهد باريس للمحترفين , كان بلمعهد تحدي للتحفيز وما الى ذلك.

فكانت المسابقة حول صنع مستحضر تجميلي موثق (يعني شي تقدرين تعتمدين عليه كمستحضر تجميل , والاهم انه صالح للاستخدام)

والغرض الوحيد الى تدور حوله المسابقه اهوا ( الفـــــازلــــيـــن )

وانا >>>>> للاسف مافزلت بلمرتبه الاولة هههههه لان كان في الي افضل مني بس الحمدلله فزت بالمرتبه الثالثه عن خاطري
والشي الي انا سويته اهوا ( gel eyeliner ) والحين بأمكانا نسويه الكحل الكريمي الثابت بأنفسنا وفي بيوتنا ومضمون في نفس الوقت وبأدوات سهله وبسيطة وما راح تكلفكم شي ...

مانطول .... نبتدي :

الادوات الي راح نستخدمها :

1. ورقة
2. علب فاضيه ويفضل انه تكون زجاجيه
3. اداة للتحريك وانا استخدمت مبرد الاظافر هههههه وبصراحة انا ارتاح له اكثر من الاداة الي تنباع في ميك اب فور ايفر وغيرها من الماركات
4. Eye sealer والي ماتعرفه , وضيفته يثبت الاي شدو ويخليه مضاد للماء ويقوي اللون ومن الممكن يخليه كريمي
5. محلول عيون ,, والسبب في استخدامه ان في مادة محلوليه تتوافق مع مادة الامثن الموجودة بالشادو وتخليه يكون ثابت وضد الماء وفي نفس الوقت منقي ومايسمح بتواجد الفطريات وغيرها.
6. الفازلــيــن ولكن , الافضل انج تستخدمي ال petroleum jelly افضل من شركة الفازلين العادية , لان البيتروليم جيلي يكون متماسك اكثر واقل دهنيه وترطيب.



7. قليتر واي نوع متواجد عندج


8. شادو ,, استخدمي اي شادو عندج تبينه كان مات او بلمعه او مخملي اوكيه وانا استخدمت المخملي لاني شريته من زمان وماستخدمته ودايم يتكسر عندي وووو.. وماتخلص سالفته واخيرا طلعت له فايدة ههههههه




​

​

​

الطريقة :

اول شي نكسر الشدو بالاداة وانا اخترت لون اوف وايت


حطيت لون اخر والي اهوا سيلفر وايت


اضفت له كمية قليله من شدو بلون السلفر


نخلطهم مع بعض


نحط مقدار ملعقه صغيره الفازلين ومانكثر منا يا بنات انتبهو عدل لانه كثرته راح تخرب الخلطة والاهم انج توازنين كمية الفازلين بكمية الشادو الي عندج عرفتي شلون بس اهم شي عدم المبالغه


انا استخدمت سشوار الشعر عشان اذوب الجيلي عشان اوريكم شلون يكون لما يذوب الفازلين ,, ومن الممكن انج تستخدمين المكرويف بس بشرط ماتخلين الفازلين يغلي علشان مايخرب يعني دقيقة وحدة تكون كافيه


نحط قطرتين من محلول العين (مافي مشكلة لو حطيتيه قبل التسخين او بعد ) انا المفروض احط قبل بس نسيت بس ابد ماراح ياثر ولاتخافون يابنات راح يمتزج مع الفازلين ولايبان انه موجود


نحط من 3 الى 5 قطرات من eye sealer


اهني ذاب الفازلين


نطوي الورقه الي فيها الشادو وننثره داخل العلبة


نخلطهم مع بعض


وهذي النتيجة ,, ولكن نخليه يبرد لمدة 8 الى 10 دقايق
​

الرجاء عدم الرد حتى إكمال الموضوع​

</B></I>


​

 

[{سيد العذارى }]

وعلى مايبرد ويصير متماسك قلت خلني اسوي واحد ثاني بفكرة مختلفه شوي​

​

كسرت اللون الاخضر
​

حطيت معاه لونين من القليتر واحد اخضر فاتح والثاني اغمج
​

خلطتهم مع بعض
​

حطيت القطرات من محلول العيون مع eye sealer
​

ذوبته
​

ذي الشكل النهاااااائي لاثنييييينــهم
​

بس مب كأنه في شي ناقص والبنات حابين يعرفون
ممممممممممممممممممممممم اكيد حابين تشوفون النتاااااااايج​

لكن انا مسويه اكثر من واحد وراح اوريكم اياهم كلهم
​

وهذي نتيجته على يدي ؟ شرايكم غامج وفي نفس الوقت ثابت
​

وذي الاللواااااااان
​

منقول للامانه بس انشالله اعجبتكم الفكرة مثلي :eh_s(15):والي ابيه بس انكم تقولون لي رايكم بكل صراحة:eh_s(9):واجوف ردود
والي تجربه تقولي شنو رايها فيه بصراحة :eh_s(7):​

:eh_s(8):​

 

[حلوه ولمآحه]

مآشاءالله يهبلوووووووون ،،
يعطيج الف عآفيه،،
الوانهم حلوه وغامجه،~

 

[برازيليه سعوديه]

ماشاءالله الوان روعه وفكره روعه تسلم ايدينج حبيبتي ومشكوره عالنقل ...وتسلم ايدين صاحبة الموضوع الاصليه

 

[أم الطيب]

رووووووووووووووووووووووووووووعه
يعطيج عافيه عالنقل

 

[كنكرية البحرين]

رووعة ,, يا ريت اذا سويتة يطلع معاي مرتب و مضبوط مثلج ,, ما شاء الله ,,

تسلمين اختي

 

[أوركيدااا]

خطيييييييييييييييييييييره الطريقه والنتيجه

يسلموووووووووووووووو

 

[Sparkle]

عجيبه أنا خالطه البيجممينت والفازلين بس ولا مرا طر على بالي سالفة ال eyesealer ومحلول العيون
يسلمو على النقل

 

[noona90]

سراحة روووووووووووووووووووووووووووووووووووعه
انشالله بجربها عندي شدو كتير مااستخدمه
يسلموووووو قلبي

 

[Nono AlBahrain]

روووووووعه
يعطيج العافيه حبوبه على النقل

 

[مناته]

تسلم يد اللي كتبت ويد اللي نقلت
بس شتقصد بقطره العين ؟
محلول العدسات ينفع ؟

 

[ANGEL CAT]

تصدقين بالله توني شايفه من يومين الفكره في اليوتيوب اجنبيه كانت تسويه

بنفس الطريقه وعجبتني

مشكورة قلبي على الموضوع

 

[~MaNaR~]

حلوة الفكرة والله

لان وايد يكون ببالي لون اي لاينر واحووس وما القااه ^_^

 

[noona90]

انصحك تجربوها بنات جد جد روعه وثابت
سويتها بدون القطرة مو عندي

 

[أدعج غنج]

ابدعتي
يعطيج العافيه

 

[وافرر]

يعطيك الف عااافية
الوااانهم تهبببل

 

[شوشو العنزي]

يعطيج العافية عالنقل الحلو ​

 

[cute katkota]

واااو روعه ثنكيو حبي

دايمن ادور لاينر لونه غريب ونادر مااحصل

وياكثر علب الشدو اللي تتكسر عندي خخخ

يسلمو عل نقل

 

[nero]

حلووو تسلمين

 

[برستيج دلوعه]

امبيه يونس
حده حلو والالوان عجيبه عاد تصدقين عندي علبه شدو ما ابيها شكلي بستفيد منها
ويعطيج الف الف عااافيه