درس نموذجي,,,,واللا ورشه للمعلمات؟؟؟!! عهود الحب حياج

[miamy]

مرحبا ابلااات

شلونكم مع العطله..واااي بسرعه خلصت

المهم..

مطلوب منا ان نسوي درس نموذجي

وانا مو مشتهيه اسوي درس نموذجي وايد لويه ومالي خلق الصراحه

ففكرت اسوي ورشه للمعلمات

بس ماعندي افكار، شنو ممكن اسوي للأبلات؟

يلا حبايبي شدو حيلكم معاي_03ba: وادري فيكم ماتقصرون

عهوده انا خصيتج لأني ادري شكثر انتي ممتازه وشاطره وتساعدين الابلات

 

[nero]

عهود ما تقصر وكل معلماتنا ما يقصرون

موضوعج ياي بوقته ياريت نسمع الافكار حتى انا افكر بنفس الموضوع بس مو عارفه شسوي

 

[miamy]

يا هلا ومسهلا

نيرو موضوعي

يلا ابلات شدو حيلكم حتى مشرفتنا محتاره ...

 

[شيري]

سوي ورشه عمل عن عمل الألعاب للحلقه من المستهلكات واستضيفي الأستاده عزيزه اللهو عجيييبه في ادخال الألعاب المستهلكه في موضوع الدرس

 

[عهود الحب]

احرجتيني يابعد عيني عينج
ياقلبي الدرس النموذجي حلو حسب صفج وعيالج اذا شطار
واذا الدرس فيه افكار جديدة بيطلع جهدج واضح وينحسب لج بالتقرير
ورشة العمل هم حلوة وتنحسب لج بعد
بس اهم شي الموضوع يكون مميز ومختلف ومو مكرر
احنا شكثر بنات معانا بالدوام سووا ورشة عمل عن الالعاب الجديدة الي تو حطوها لنا التوجيه
وحطولنا بعد ورشة عمل عن الحلقة الدراسية وشلون تكون متكاملة وبوسائل اقل قدر المستطاع
شلون التنويع بالطرح
في افكار كثيرة للدروس النموذجية و لورشة العمل



لو انا مكانج اقدم لاصفي مبتكر وحلو
أو ورشة عمل فيها حركة وتلعبين الابلات لعبة وتقسمينهم لمجموعات عمل وهيك بتكون ورشتج حلوة
بس اختاري اول شي شنو موضوع النقاش بالورشة !


تصدقين عندي طموح اسوي ورشة عمل
احنا ورش العمل مو للكل
لناس وناس



اذا تبين شرح اكثر
مستعدة اوضح لج اكثر
هني أو بالخاص
امري بس ياميامي
وشاكرتلج هالطلب وعسى ربي يقدرني واساعدج اكثر

 

[حبـــاري]

انا توني سويت ورشه عن تعديل انماط السلوك الخاطئ للطفل بس كانت على مستوى رياض الموجهه الفنيه في مباركك الكبير اعجبتهم حيل و كان موضوعها هادف و حلو - تقدرين اتسوين ورشه عن القصص التربوية تعريفها و انواعها و الهدف منها و اتسوين كذا قصه مبتكره و تعرضينها على الابلات - بعد ورشه عن الألعاب التربويه - ورشه عن الالعاب اليديده داخل الفصل و اسم كل لعبه و الهدف منها و طريقة اللعب فيها - الألعاب اليديده في صالة الألعاب الحركية - المشاكل النفسية و السلوكية لدى الالطفال

 

[منورة]

لاتسوين شي الا متمكنة منة ومن صميم شغلج اقصد يخص الحلقة اللاصفي وهالاشياء لاتطلعين براا وتتوهقين لان وقتها مثلا تحتاجين لاشخاص يختصون بالشي اللي تبين تناقشينة نصيحة

 

[روحي رياضية]

والله حلووو .. الله يوفقج .. ورشه عمل اسهل من الدرس النموذجي ..

بس فكري بشيء مبتكر ..

 

[سلسبيل 2008]

ورشة عمل اسهل ممكن عن تجارب علمية بدون ما تحددين اسم الخبرة تسوين كذا تجربة وبعدين تطلبين من المعلمات يطبقون تجارب وممكن تسوين عن الالعاب الي ممكن يستخدمونها للحلقة لتعزير الكلمة مثلا

 

[miamy]

حباااااااااااااايبي والله

كشكووورين كللكم ماقصرتوا


انا ابي افتك من اني اقعد على اعصابي

ومادري عن اليهال مرات اشحلوهم ومرات يعروووون بكيفهم لوول

انطر المزيد من الافكار

 

[miamy]

كشكورين =مشكورين

:23_asmilies-com:

هههههههه

 

[عهود الحب]

لا بالعكس الدرس النموذجي حيل اسهل من الورشة
الورشة لازم تكون مبتكرة وحلوة وجديدة
وهم الدرس النموذجي هم شي حلو
بس اهم شي يكون قابل للتطبيق مو صعب او خيالي و أوفر حيل

 

[معلمة متقاعدة]

ممكن اساعدج

بورشة كامله متكامله
اذا ودج راسلينى عالخاص
في مركزنا اعدينا ورش حلوة للمعلمات واللى يميزنا ان شغلنا غير مكرر

وبسعر يتحدى المراكز الاخري

ويا هلا وبالتوفيق

 

[moody-q8]

ورشة العمل تحسب لج تنميه ذاتيه وهذا ينحسب لج بالتقرير
لكن الدرس النموذجي من صميم عملج

يعني استغلي الورش او المحاضرات عشان بند التنميه الذاتيه بالتقرير واللي تسوي ورشة عمل مو مثل المعلمه اللي تسوي درس نموذجي مبتكر هناك فرق ياقلبي

ولما تسوين ورشه اومحاضره لاتنسين تعزمين موجهتج لاااا بعد واتصرييييين على حضورها عشان يعطونج امتياز معتبر

 

[saroona-84]

والله انا انصحج بالورشه احس احلا وواونس .. بس لاااازم شي مبتكر وجديد.. حتى لو موضوع قديم بس تتناولينه من جوانب ثانيه مثلا. او تضيفين شي جديد علية..
مواضيع البنات حلوة.. تجارب علمية- العاب تربويه- عرض القصه بطرق مبتكره- تتناولين كل لاصفي وطريقه تقديمه- الاركان واهميتها ودرو المعلمه فيها- دور المعلمه بالروضه بشكل عام- مثلا موضوع نفسي وطرق علاجه دوري اي مشكله وااضحه بالروضه وبحثي عنها بالانترنت او الكتب..
والله المجال مفتوح لكل شي..
اتمنى لج التوفيق ولاتنسينا بدعوه حلوة

 

[miamy]

انشالله راح افكر بشي يديد

واوافيكم بالاخبار

ومشكوورين ماقصرتوا

 

[lona_kl]

في واحد عنده شهادات تقدير ودروع وميداليات بسعر الجملة يوصل لما البيت رقمه 66946069

 

[عهود الحب]

الله يرزقه يارب


ميامي شصار عالورشة :/
بشري ورشة و لا درس




بوراشد ورشة ولا درس

 

[انفاسي]

الاتجاه صار اكثر للورش لانه يبين مجهود الابله بس لا مشرفه ولا بطيخ

 

[miamy]

عهود

درس مو ورشه

ماكو وقت ما يمديني