دشتي 2012مع شريفه حياكم

[شريفه 39]

السلام عليكم ورحمه الله وبركاته ,,
اولا بما اني دشتيه حتى النخاع ودي نتشارك بها التجمع يعني بالبدايه ماابي اشرح النظام لان الموضوع مثبت فمايحتاج شرح لنظام دشتي وبعدين اعتقد الكل صار يعرف هالظام بصراحه انا ماودي اكرر اللي بالمنتديات لانه صار نفس الكلام مافي جديد يعني لو تكون هناك تجارب البنات مع النظام وكم المده وكذا عشان الكل يستفيد ويطبق بدون خوف ..
فياليت اللي تشارك يكون بتجربه او سمعت من الدكتور او بمراسله الدكتور ووش كانت تاكل ووش الاكل اللي خلى الوزن يثبت وكذ..انا والعياذ بالله من كلمه انا ..تجربتي بدشتي طويله واستفدت كثير من هالنظام فاللي حابه تشاركني حياها الله عشان نوصل جميعا للوزن المطلوب...واللي تبغى تستفسر عن شي مهم بهالنظام انا حاظره ...تحياتي

 

[شريفه 39]

السلام عليكم ياحلوات ..هالحين ودي اقلكم عن الغلاط اللي كنت اسويهابدون مااعرف وكانت تثبت اوتزيد بوزني
كنت اكل الجبنه السايله ملعقتين باليوم وكذاللك المايونيز هالحين بتقولون هي من المسموحات اعرف انها مسموحه بس كانت تزيد وزني اوتثبته
بعد غلطتي كنت اشرب الشاي الاخضر وماكنت اصدق اي احد يقول عن الشاي الاخضر اقسم بالله قعد وزني ثابت 4شهور واول ماتركت الشاي الاخضر نزلت 3كيلو بااسبوع
كنت اشرب قشطه خفق 4ملاعق باليوم والدكتور قال 3بس
كنت اخذ 4مغلفات سكراستيفانا والدكتور قال 3بس
كنت انام بعد الكل مباشره وهذا اكبر خطا
كنت كل يوم اعمل نفس الدقايق للرياضه والمفروض مه ربع مره نصف عشان تخدعين الجسم ومايتعود على وقت معين
الاكل من المطاعم مايبن فيه اي نشويات بس احنا مانعرف كنت اكل دجاج عالفحم وكنت احس يثبت وزني فقررت مااكل من المطعم ابد
كنت اوزن كل اسبوع واذامافي نزول اتحطم لازم ننسى الميزان لان الجسم اذامانزل على الميزان يعني ان الحرق صارمن الشحوم اللي بالجوف والعضلات وهذا ياخذ وقت
لازم تجهزين مقاس تلبسيه كل اسبوع عشان تعرفين نقص المقاس هالمرحله اموت فيها كنت اقيس الجينز والفساتين القديمه القاها صارت مناسبه
لاتفكرين تذوقين اي نشويات غيرالمسموح حتى لو كان زي الذره لانو يخرب النظام
والسكر ايضا
وحاولو الانتباه من السكر المسموح صح مسموح بس يسبب الميل للحاجات الحلوه...
ولي معكم عوده بالاشياءاللي سويتها وساعدتني عالنزول باي:eh_s(7):

 

[شريفه 39]

:rgewrg:

 

[اخر زيارة]

مشكورة اختي ووين رجيم دشتي ياليت تساعدين برابط الموضوع

 

[شريفه 39]

اهلين اختي هذا موقع الدكتور فيه كل المراحل واي سؤال اناحاضره
http://www.drdashti.com/program_stages.htm

 

[شريفه 39]

اشفيكم بنات ادخلو عشان اكمل لكم القصه وش هالتحطيم ..

 

[ashwaaq]

كملي اختي شريفه

حدي متشوقه اجرب هالريجيم بس متخوفه منه كل ماذكر انه فيه جبن ومايونيز احس يزيد الوزن

ياليت تعلميني انتي لما جربتيه كم كنتي تنزلين بالاسبوع ولو برقم تقريبي

وايش الرياضه اللي تمارسينها معه .

 

[شريفه 39]

اهلين ومرحبا اختي اشواق لاتخافين راح تنقصين باذن الله لان انا وزني عنيد ونزلت حتى انا بالبدايه ماصدقت يوم جربت نتائج مفرحه توكلي على الله وابدئي واي سؤال انا حاضره

 

[شريفه 39]

هلحين يابنات ابتعدو عن الميزان على الاقل كل 3اسابيع اوزني
لازم المويه 8اكواب على الاقل وهو المساعد الاول للنزول
اول ماتبدين النظام سوي المرحله الاولى وبعد اسبوع ادخلي نظام البروتين الصافي تنزلين بسرعه
اشربي اعشاب كنت اسوي ترمس واشرب 3كاسات باليوم والله يابنات مفعول عجيب عالكرشه مع اني عندي قيصريتين
اذاجعتي كلي حتى الشبع وهذا احلى مافي دشتي بس مو حتى التخمه اول ماتحسين بشبع لاعاد تاكلين انا عن نفسي حتى لواكل دجاجه بالوجبه وزني مايزيد
ماكنت اكل البصل والطماطم مع انها مسموحه بس سمعت انها تحبس الماء بالجسم فوقفتها
ماكنت اكل الخيار بس اكل الخس والبقدونس الكزبره الجرجير والرجله يعني الورقيه
الجبنه بنات ابتعدو عن السايله هي ماتزيد الوزن بس احسها تبطىء النزول افضل جبنه ساعدتني هي البقرات الثلاث اللي لونها احمر
لاتزيدين عن 3مغلفات سكر وان قدرتي يكون اقل هو مايخرب بس سمعت من دكتور يقول ان كثره السكر البديل تسبب رغبه قويه بالحلويات
كريمه خفق او قشطه خفق 3ملاعق فقط اعتقد كافيه انا اشربها مع الزنجبيل واااااو
النسكافيه طبعا بدون كفيين اللي غطاه احمر موجود بالهايبر
الابتعاد في رائيي عن اللحوم البارده زي المرتديلا والسلامي واللانشون تبطىء الحرق
اذاحسيتي بتوتر وقلق وعصبيه وصداع اشربي نعناع هذا بس بالبدايه بعد 3ايام يزول
يوم تشوفين النزول تحسين برغبه شديده بالاستمرار وكمان المقاسات وتخصير الجسم بيكون الجسم روعه لان شحوم البطن تروح ...ويقول النثل اسال مجرب ولاتسال طبيب <<باي حبيباتي لي عوده

 

[شريفه 39]

يومي كان
اول ماصحيت شربت كاسين مويه

وبعدها بنصف ساعه اكل 4حبات زيتون انا احب الزيتون اليوناني احسه احسن

شربت كاسه اعشاب والغدا كان كاسين مويه بعدها بنصف ساعه بيضتين مسلوقه مع ملعقه جبنه البقرات الثلاث وبعدها بساعه شربت كاسه اعشاب

والعشاء بيكون انشاء الله نصف دجاجه مع خس والحمد لله عالتعمه

طبعا الاعشاب اللي اسويها اخذتها من دكتور والله رهيبه تشيل البطن اللي تبيها احط لها الرابط ...وسلامتكم

 

[شريفه 39]

:rgewrg:الى متى حالنا كذا

:eh_s(14):

 

[LadY BuG 80]

مبروك اتجمع شروفه

يلله لمي ادشتيات المبعثرات :krkrkr:

مادري ليش الفتره الاخيره كل تجمعات ادشتي فاشله

من انه ارجيم من انجح ارجيمات

بس العيب انه الي تفتح اتجمع تنحاش ههههههههه

و القروب يتشتت
7
7
7
7
7

:rgewrg:الى متى حالنا كذا

:eh_s(14):

:eh_s(12):

يا الاهي صدرها وصل لين اطاوله مو المفروض يكون تحت ارقبه بشبر :eh_s(2):


و كرشتها تحت اطاوله و متصوره مع البرجر بكل فخر :rgewrg: و قدامها وجبات ل ميه نفر


ذكريات اصوره مثلا !!!!!!! الحمدلله الذي عافانا ​

 

[شريفه 39]

اهين كيوتن ياربي ياحبي للدشيات رفيقات الدرب والله وحشتيني انشاءالله باقي مع دشتي والله اموت به النظام ص اني كل اسبوع افلها بس الحمدلله الوزن ثابت ...مالقيت ولاتجمع نستفيد منه يعني كيوتن مافي جديد مدري وين راحورفيقات الدرب ..صبرت وسارونه وبنت الخبر وباقي البنات الله يجيبهم يارب ...وبصراحه انتي اكثر وحده استفدت منها بهالنظام فديت كيوتن انا:yaaaaaarb:

 

[فوشيهـ]

هلا حبيبتي شريفه

من جد التجمعات الي صايره حق رجيم دشتي صايره مره ممله وناااااااايمه

لو اضمن انك تدخلين كل يووم عشان نحمس بعض راح اشارك معاك لاني احتاج احد يشجعني ويصحح لي بعد

ف بصير معاك هنا بتجمعك و مع كتووون حبيبة ئلبي


بس اضمنييييييييي لي انك تدخلييييييين لاني مابي اصير الحالي طول اليوم بالموضوع زي الموضوع الأولي

ولو سالت عن شي ماحد يرد علي اخر الليل جد عصبني هذاك التجمع مع ان كان مره حلو ببدايته
​

 

[CH!C G!RL]

قوآآكم الله ,,

ماشاء الله وربي اهنيكم على العزيمه بالرجيم هذآآ حآولت اتقبله مآقدرت , اذكر اول مره قريت عنه تحمست ابي اسويه
بس مآقدرت لآن يلخبط واذكركم من التجمع الاول كنتوآ متمسكين فيه وقادرين انتي وكوتن والخخخ

بالتوفيق ي رب

 

[بسبوسة الرياض]

مووووووووووفقييييين
انا دشتيه لمدة 5ايام وخلصت:ggdw:
بس من جد حلو اول يوم وثاني يوم بعدين يمشي الحال

 

[شريفه 39]

:eh_s(7):اهلين بكم حبيباتي اصلا حبيبتي فوشيه انا ادور تجمع نشيط كل التجمعات كسل ومعاكم انشاء الله نشاط في نشاط يالله همه اصلا انا ماشيه دشتي بس كل ماالهمه والعزيمه تقل نشجع بعض حياكم الله حطو يومياتكم وانا كل يوم بعد بحط عشان نستفيد من بعض

اختي ch انتي توكلي عالله وابدا وصدقيني بتفرحين بالنتائج معانا لان هالتجمع مو بس يوميات وكمان نصائح من التجارب بها النظام حياك الله معنا وعقبال باقي البنات

 

[شريفه 39]

نشاااااااااااااااااااااااااااااااااااااااط xنشااااااااااااااااااااااااااااااااااط
انا اليوم صحيت شربت 2كاس مويه واربع زيتونات طبعا الافضل تاكلين بيض بس كسل ماابي اطبخ وبعدها شربت كاس اعشاب
والغدا يمكن ربع دجاجه مع ملعقه جبنه البقرات الثلاث
والعشاء بيكون انشاء الله بيضتين مسلوقه مع سلطه ولاننسى الاكثار من المويه
وراح ابتعد بها الفتره عن الشاي الاخضر لانه يثبت وزني ....انتظر يومياتكم

 

[شريفه 39]

:eh_s(6):وش فيكم وين اختفيتو انشاءالله جمعه خير المويهم
يومي صحيت وشربت 2كاسه مويه وبعدها بنصف ساعه اكلت 2بيضه مسلوقه الغدا مالي نفس فاكلت 4زيتونات والعشاء مدري وش بيكون طبعا ولازم الاعشاب الرائعه الفيتامينات ...
وبس

 

[بس يابحر]

السلام عليكم
انا ودي ابتدي معاكم لكن ودي ابتدي بعد نهاية العطله لان الدوام يشجع على النظام
وللعلم انا دشتيه من سنه واخربط شوي وارجع عشت معاه كنظام حياة بتوفيق من الله نزلت بالسنه
تقريبا 26 كيلو صج شويه على النظام لكن السبب اني كنت آكل حلو

حابه ارجع معاكم خاصة ان زيادتي 60 كيلو شحم يعني المشوار طويل !!!!!