دشتي 2012مع شريفه حياكم

[Niceya]

اي والله حلوة الحركه
شدوو حييلكم يا رشيقات بسنا خرابيط وبللللعه ودتنا بداهية
فاقده شروفه وكاندي اين انتن يا صباياا

اليوم راحت علي نوومه وقمت حده قده ومحاضراتي ورا بعض ما مداني اتريق بس شربت ماي وايد

رديت متأخر حزة غدا
كليت شيش طاووق وقلاصين ماي

 

[Niceya]

تصدقوون بنات صج اني نزلت عالرجيم وضعفت بس للحين اخاف ومو داشة مزاجي فكرة الرجيم لووول

كل ما كلييت اكل وانا خايفه اضحك على عمري

 

[شريفه 39]

نايسي موفقه وانشاء الله ماتجي الاجازه الاوانتي بالوزن اللي تبينه
<<<<<<<<<<<<<<<<<<<<<<<<<<<<<<<<<<<<<<<<<<<<<
حبيبتي توت اذا ماتحبين البيض مسلوق كليه شكشوكه او اي طريقه بس من تجربه حسيت المسلوق اقوى بالحرق بس نوعي الفطور بيض بس اشكال والنسكافيه بدون كافيين هو المطلوب بها النظام وبالنسبه للوجبه المفتوحه اذاكنتي بعيده عن الوزن المطلوب اتركيها لاكن لو قريبه مثلاب3ك سويها وبعدها 3ايام بروتين صافي بس احسلك من هالحوسه كلها اطلبي مشاوي وكلي حتى الشبع بس انتبهي يكون فيها دقيق اونشاء وبالعافيه
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
اهلين فوشيه من طول الغيبات جاب الغنايم يومك جميل بس لازم 3وجبات وماتجلسين بدون اكل اكثر من 4ساعات
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
واحه الايمان مرحبا الف وانشاءالله تفيدين وتستفيدين شدي حيلك نستنى يومياتك
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
ونصيحتي للجميع انتبهو من الجبن لاتكثرون

 

[شريفه 39]

نحنو هنا <<<<<<<نايسي يومك حلو موفقه استمري والله خايفه من الميزان الجمعه الله يستر بس

 

[شريفه 39]

بنات ليت تحطون العنايه اليوميه يعني وش تسوون عنايه للجسم والشعر وكذ يعني انا احاول القى وقت بس بصعوبه امس اخترعت كريم الزنجبيل طلع وااااااو اخذت جذر زنجبيل طازج وحطيته بالخلاط واضفت فنجان قهوه صغير مويه وحطيت لوشن جلوسليد نصف العلبه تقريبا وحطيتها بعلبه زجاج وبالثلاجه ودهنك البطن ولفيته ب اكياس تغليف الساندوتش ومشيت الرياضه ساعه حسيت المنطقه فتحت وخفت الخطوط بس انا حطيت الخلطه عشان تذوب الدهون بالبطن وبااستمر ..الله يعين الشعر حطيت حنا ب عشبه الاس وكليل الجبل ومسمار وميراميه وشويه دم غزال وعصره ليمون وحاسه بموت من البرد وشويه بقوم اشوف الاضافر باافركها بالثوم وبعدين احطها بالليمون عشان تصير بيضا وشفافه وبعدين زيت الزيتون عشان ماتتكسر انا اصلا اخليها 40 يوم واقصها وارجع اهتم فيها انتبهو بنات لاتخلون الاضافر اكثر من 40يوم يالله انتظر عنايتكم اليوميه ونسيت الشفايف احط بعد الحمام احط فازلين وبودره دم الغزال ...هذرت كثير باي

 

[واحة الايمان]

فديت اللي ردوا علي .......


تغديت لحم مع خضار وسلطة بالجبن

والحين العصر احس بجوع خفيف بشرب لي كاسين ماي علشان يسد الجوع


ايه نسيت اقولكم اني مشيت نص ساعة علي الجهاز + تمارين رياضية لمدة نص ساعة

والعشا بيكون بيض انشاالله

وبس

 

[شريفه 39]

بالعافيه واحه الايمان موفقه ذكرتيني بجهازي السير خربان ياخسارته ذبحني اللف بالحوش دخت بس يالله فدى دشتي

 

[واحة الايمان]

هههههههههه شريفة ....حاطة جهاز المشي بالصالة ومجابله التلفزيون علشان اذا تمللت من الجهاز أطالع التلفزيون وأضيع النص ساعة اللي امشي فيها

 

[tot!]

بنوتات اليوم ثاني يوم لي في البروتين الصافي

صحيت من النوم وانا ارتجف :eh_s(2):

علما انو عندي فقر دم واكل الفيتامينات وملتزمه فيها :eh_s(2):

بليز بنات افيدوني مابي اخبص واخرب التعب اللي تعبته :eh_s(11):

واللي تعرف فيتامينات افضل من سنتروم وماتسمن تعطيني اسمها بليز :eh_s(11):


لكم :eh_s(17):​

 

[tot!]

بنات ليت تحطون العنايه اليوميه يعني وش تسوون عنايه للجسم والشعر وكذ يعني انا احاول القى وقت بس بصعوبه امس اخترعت كريم الزنجبيل طلع وااااااو اخذت جذر زنجبيل طازج وحطيته بالخلاط واضفت فنجان قهوه صغير مويه وحطيت لوشن جلوسليد نصف العلبه تقريبا وحطيتها بعلبه زجاج وبالثلاجه ودهنك البطن ولفيته ب اكياس تغليف الساندوتش ومشيت الرياضه ساعه حسيت المنطقه فتحت وخفت الخطوط بس انا حطيت الخلطه عشان تذوب الدهون بالبطن وبااستمر ..الله يعين الشعر حطيت حنا ب عشبه الاس وكليل الجبل ومسمار وميراميه وشويه دم غزال وعصره ليمون وحاسه بموت من البرد وشويه بقوم اشوف الاضافر باافركها بالثوم وبعدين احطها بالليمون عشان تصير بيضا وشفافه وبعدين زيت الزيتون عشان ماتتكسر انا اصلا اخليها 40 يوم واقصها وارجع اهتم فيها انتبهو بنات لاتخلون الاضافر اكثر من 40يوم يالله انتظر عنايتكم اليوميه ونسيت الشفايف احط بعد الحمام احط فازلين وبودره دم الغزال ...هذرت كثير باي

فكره حلوه شروفه :eh_s(22):

حلوه حركه كريم الزنجبيل شكلي بجربها

انا بالنسبه لي عنايتي بسيطه مره لانو انا كسووووووووووووله :eh_s(4):

الصباح اغسل وجهي بصابون البابايا مره بطله تصفي وتفتح وتصلح اكثر شي للبشره الدهنيه :eh_s(15):
مع انو انا بشرتي جافه بس مره حبيتها ف صرت بعد ما اغسل فيها احط كريم مرطب :eh_s(22):

استخدم لشفايفي مرطب بيزلين بالعسل :eh_s(15):
جربت لابيلو وسيبا ميد واغلب مرطبات الشفايف ماشفت مثله :eh_s(15):

شعري احيان ازيته على حسب المزاج
الزيوت اللي استخدمها :
خلطه زيوت مسويتها بنفسي من سنه بطله مررره بس ريحتها خايسه
وزيت اللوز المر
والسمن النباتي <<لايفوتكم اللي شعرها تعبان وجاف مره ينعمه ويطريه :eh_s(15):

وايش بعد :eh_s(10):

ايوه بنات زيت السمك اتعب وانا اتكلم عنه فيه اوميغا 3 , وفيتامين a,وفيتامين d, وفيتامين e,
طبعا كل فيتامين منهم افيد من الثاني فيتامين a,e مفيدات للشعر والاظافر والبشره
وفيتامين d مايحتاج اتكلم عنه
بس بجد بجد انصحكم فيه .:eh_s(15):
بس ملاحظه بسيطه عشان ماتسمنين معه لاتاكلينه بعد الاكل او قبله ،، انا اكله اذا صحيت من النوم وقبل النوم برضو

وبس :eh_s(22):​

 

[Niceya]

امييين قلبي شرووفه الله يسمع منج
يا اهليين وسهلين فقدنا حسج ويانا
لا تخافين بالعكس حماااس الميزان
ودايما حطي فبالج اقل نتيجه عشان ما يضييق خلقج وانشالله تعبج مايروح النتيجه اذا ما بينت بالميزان بتبين على جسمج وهذا اللي نبييه

آآخخخ احب الجبن يا شرووف لا استطيييع هههههه نقطة ضعفي الجبن
تهقين الكريمة اهون من الجبن؟

واذا عالمشي بالحوش بالعكس وناسسه فرصه تستمتعين بالجو الحلوو بره

 

[فوشيهـ]

ايه شروفه عارفه لازم آكل 3 وجبات بس امس كنت بنام بدري ومابي اكل وانام

يومي

الفطور : بيضه مخبوصه
الغدا : دجاج مشوي + نص علبة السفن اب
العشا : تونه + الباقي من السفن اب


اف بنات ظايق خلقي ابي حلا مع ان توني ثاني يووم بس احس اني ضعيفه جدااا ممكن اخربها اي وقت ..

انا بقيس وزني بتاريخ 11 م الصبح ان شاءالله ..بيكون لي 8 ايام بدشتي ..

ف يمكن افتح هذاك اليوم بتمر ولبن بس يوم ع الاقل او يومين ..

منها اغيير عن البروتينات ومنها آكل شي حالي من غير ما اخرب الدنيا ..


انا طبعا رجيم التمر واللبن ماينزل وزني .. ومايهمني النزول فيه المهم بطني يرتاااح لان دشتي يجيب لي امسااك وانا اساسا فيني امساك دايم ..


بنات شتسوون بوقت الدوره ؟! انا متعوده آكل تمر ومن هالسوالف بس ماراح اخرب الدايت اكيد ..
​

 

[Niceya]

توووت سلامات يا عمري
ياتني هالحاله اول اسبوع بديت بالرجيم بس بعدين رديت عاادي الحمدلله مافيني شي
يمكن لانج قطعتي السكر نهائي ؟ ماعندي فكره انشالله يفيدونج البنات

 

[فوشيهـ]

الاهتمااام يعتبر ولا شي شرووفه

هاليومين رجعت على كريم حق الهالات السوده لان عندي هالات فظيعه .. احطه اول ما اصحى وقبل ما انام ..

اسمه " كوريكشن .. مره حلو ..

والشفايف احط مرطب من بودي شوب الي بفيتامين "إي" مررره حلوو يشيل التشققات ويرطب الشفايف مره .. بس مايفتح هذا عيبه ..

وللبشره من فتره خالطة كريميات افالون بس ماحطيته الا مره وحده .. متكييييييييسله اتدهن كل يوم ..

ووجهي ابدا ما اغسله ب صاابون .. اغسله ب اي مقشر من الصيدليه .. عشان كذا بشتري حلوه بسم الله علي ههههه

لا صج بس كل ما اروح حق احد يقول لي بشرة وجهك زي ال بيبي .. لان الصابون يعدم الدنيا من جد ..

والشعر شاريه زيت من تاجره .. خواتي مجربينه يقولون حلو ف قلت اجربه ولسى مابديت فيه بعد ..

وفي بخاخ حق تكثيف الشعر معطتني اياه دكتوره جلديه "نيوكسدل" ومابديت فيه


ههههههههه عارفه ماستفدتو شي بس يعني قلت ادلو بدلوي معاكم هع هع
​

 

[Niceya]

حلووة فكرتج شروف منها نفييد ونستفيد من ناحية العنايه

عنايتي اكثر شي بالليل لأن الصبح مايكون عندي وقت الا اني ارطب ويهي

احب اعتني بويهي وايد وماحب اشوفه ناشف لازم يلق ويلمع لووول
استخدم مجموعة هيمالايا مقشر بالجوز والتفاح حلو وخفيف عالويه ينظفه ويخلييه صافي وبعده اغسله بغسول تبييض نسيت على شنو هم حبييته خلى بشرتي وردية مثل البيبي ولما اخلص انشفها وبهي بفوطه وامسح ويهي بزيت بابايا بقطنه ينشف من روحه
شفايفي احط عليهم فازلين بماي الورد وفوقه لابيلو الكرز وتحت عيوني كريم حق الهالات هم من هيمالايا وقبله كنت استخدم مال قارنييه الأصفر
والصبح صابونة طبيه لان ويهي حساس مايتحمل الصابون العادي و احط مرطب

بنات بنصحكم نصيييحه دمرت ويهي بيووومين .. تعب سنين على هالبشرة ضاع بهاليومين
سويت خلطة تبييض بإيدي كل مكوناتها كريم وزيوت وغلطت غلطة حياتي اني حطيت كبسولات فيتامين سي وخروو عنها احرقتلي ويهي واطلعتلي حبوب اول مره بحياتي تطلعلي وجسمي طلع فييه بقع صفرة.. طبعا انا ما كنت ادري لما رحت حق الدكتورة قالتلي مصييبه ما يتحمله الجسم لانه مركز

وخالتي صار فيها نفس السالفه عطتها الدكتورة مجموعة نضاره وواحد من الكريمات طلع فيه فيتامين سي مركز سوالها اكزيما بويهاا
من بعدها حرمت استخدم شي مني والطريج خربلي ويهي بس الحمدلله خف وايد

السموووحه قرقت وووايد بس حبيت افيدكم :$

 

[Niceya]

فووشية وقت الدورة خلي اكلج نفس ما اهوه وابتعدي عن السفن والغازات بهالفترة شربي اعشاب وايد طوول اليوم واذا اشتهيتي حلو شربيلج نسكافيه بس حرام تخربينه
ماعليه شدي على نفسج ثلاث اسابيع يطيييرون وبعدها ملجة اختج اكيد بتاخذين اووف
وعاااشت فووووووشيييه يالله شدي حيلج انتي اخت العروووس لازم تكونين رشيقه واحلى وحده
والرجيم مرييح ومايتعب بس يبيله التزام

 

[Niceya]

بنات منوو جربت كريم الفلفل للتنحيف واضعفت عليه؟
ودي اجربه بس اخاف يطلع ما منه فايده .. ياليت اللي استخدمه تقولي

واللي جربت تسوي دشتي برمضان جم نزلت بالشهر؟ وشنو كانت تاكل؟

تعشيت بيضتين مفيوح وسوسج وحده
وقلاصين ماي وسفن صغير

 

[فوشيهـ]

بعد قلبي والله Niceya على هالتشجيع

لا ان شااءلله مابخرب بس جد احس ظعيفه قدام اي شي اشوفه .. بس ماتهورت لسى خخخخخ

ايه قايله انا بلتزم بهالثلاث اسابيع .. وبووقت الملكه باكل الي بخاطري ان شاءالله ..

الله يعيييين بس الدوره مابقا عليها الا كم يوم والشهيه مفتوحه والاخلاق لك عليها
​

 

[فوشيهـ]

كريم الفلفل جربته مره وحده وتكيسلت طبعا اكمل

بس جد حااااار ع الجسم

صديقتي تمدح لي فيه بصرااحه .. بس اهم شي تسوين حركه اذا دهنتيه على جسمك .. مايشتغل مفعوله الا اذا تحركتي..
​

 

[واحة الايمان]

صباح الخير صبايا .....شخباركم وشخبار رجيم دشتي معاكم

انا امس بالليل مشيت نص ساعة ....وتعشيت على ال ٧ في الليل ....الساعة ١١ في الليل حسيت بجوع فظيع ..بس قلت اروح انام علشان ما احس بالجوع

وقمت الصبح كلت بيض وطماط مع شاي احمر