دشتي 2012مع شريفه حياكم

[Niceya]

صصبآح الخير

اليوم ريوقي نفس عشاي امس
بيض شكشوكة مع سوسج وبغيت اتهور احط جبن لانه يطلع لذيييذ بس ماحطيت

بنات افكر اكسر الرجيم ثلاث ايام برجيم العنب منها اضعف ومنها اغير شوي واحرك الميزان
جربته قبل هالمره نزلني باليوم 700 جرام وفي بنات انزلو كيلو فاليوم طبعا على حسب الجسم
بس اخاف ازييد ما انزل !!

وبغيت أسأل عن الفيمتو الدايت بدون سكر مسمووح والا لا؟

 

[Niceya]

فووشيه طردي هالافكار من راسج وتذكري ان كل اللي انحرمتي منه بهالفتره بتاكليينه بعدين مثل ماتبين وانتي رشيييقه تهبلين
وحطي فبالج قطعة هالحلوو والا اي اكلة خارج الرجيم بتاكلينها خمس دقايق بيروح طعمها يزيد وزنج وتتحسفين وماتنفعج تضرج

اهم شي خلي بداخلج اراده وتوكلي على الللله احنا وياج نشجع بعض :*

كريم الفلفل جاري تجربته واقوولكم اذا شفت منه نتيجه

 

[واحة الايمان]

بنات انا أموت على الخبز والجبن والكرك ....ماسكة عمري .....مابي اتهور ..أحاول اسد جوعي بخيار او كوسا مسلوقة

 

[فوشيهـ]

فيني دووووووووووووووووخه مو قادره اسوي رياااضه

<< ياكثر ماتشتكي هههههههههه

لا جد احس بدوخه كل ما اوقف مع اني مو اول مره اسوي دشتي .. بس ماخذيت فيتاميناتي هالمره لاكالسيوم ولا حديد ..

بقوم اخذهم .. الله يعين ..


ابشري حبووبه نايسي << كذا نكك ولا ؟؟! هع


مايمديني اساسا اخرب بهالفتره ابخنق نفسي اذا خربطت .. الييييييييين يوم الملكه بفتح ابوه هذاك اليوم ههههههه

ع الاقل الحين انزل 4 كيلو ع دشتي او 5 والباقي اكملهم ع رجيم ثاني مثل النقااط .. حده متعه آكل الي ابي بس بحدود ..


انا اساسا يبغا لي انززززززل 9 كيلوووووو يااارب انقص كثيييييير بهالكم اسبوع الي بسوي فيهم دشتي ياارب :*_*:

<< بزر خخخخ
​

 

[واحة الايمان]

بنات انتوا تسوون رياضة مشي او ايروبيكس ولا بس رجيم دشتي ؟

 

[Niceya]

العصر مشيت نص ساعه وربع ساعه عالقاري
خلصت وكنت يوووووعانه حدي
شربت بطل ونص ماي + 3 همبرجر دياي واخيييرا خلصنا من ايام البروتين الصافي

فووشيه بهالثلاث اسابيع اقل شي بتنزلين 3 كيلوو ومع الإلتزام بتنزلين اكثر انشالله
إيييه نايسيه واذا تبين ناديني بإسمي حناان اسهل لج خخخخ

واحة الإيمان لا كل شي ولا الخبز محد دمرنا غيره
والرياضه يستحب تسوينها تزيد معدل النزول ... انا كنت اتكيسل بس من اسبوع اللي طاف بديت اتحرك

 

[واحة الايمان]

بسمع كلامج حبيبتي حنان لا للخبز لمدة أسبوعين ( الله بيصبرني )

الحمد لله انتي مثلي مشي يوميا مع تمارين البطن والزنود

ابي يكون جسمي منحوت نحت

 

[فوشيهـ]

الله يسمع منك يارب انقص 3 ع الاقل يااااااارب


يومي

الفطور : بيضتين مخبوصتين + نص كوب شاي
الغدا : 5 قطع شيش طاووق + نص علبة سفن اب دايت
العشا : 4 قطع شيش طاووق + نص علبة سفن اب


ملاحظه اني ما آكل شي بوسط الوجبات غير عن الدايتات الثانيه ماقدر اقفل فمي ساعه
​

 

[Niceya]

واحة قلبي انشاالله يارب توصلين للي تبيينه واكثر وكل البنات مايضييع تعبنا انشالله ..

فووشية يومج حلوو كملي وماراح تحسين بالايام .. انا اكثر وحده ملوووله كنت اجرب بالاسبوع رجيمين ثلاث من كثر ما اني مستعيييله لووول بس عقلت خلاص لما طحت على دشتي صج انه بالميزان يبيله صبر شوي بس يبرد الجبد ينحت الجسم نحت
وفعلا يسد النفس انا اغصب رووحي عالاكل صايرة اكره الاكل

 

[Niceya]

العشآ 2 بيض مفيوح
بطني زرررع من البيض لوووول
بنقلب دياايه

 

[فوشيهـ]

لاااااااا مو شيش طاااووق كتبته بالغلط

اقصد رييش لحم

بكل الحالات حلو يومي ادري خخخخخخخ

بس انسى دايم اسم الرييش
​

 

[شريفه 39]

اهلين بنات متابعتكم ومتابعه سواليفكم يازينكم ياحبي لكم الله يوفقكم جميعا ويفرحكم بالوزن الزين ...
اختي واحه الايمان مع دشتي مافي جوع حتى لو اخر الليل انا سمعت واحد سال الدكتور قال انا اجوع بالليل قال كل بيض او دجاج او لحم عادي باي وقت تجوعين كلي بشرط يكون بين الوجبه والثانيه اقل شي ساعتين والفيمتو دايت مسموح يابنات شريت كرتون بس بصراحه اشرب نصف العلبه

 

[شريفه 39]

فطوري بيضتين مسلوقه والغدا سمكه عالبخار والعشاء سلطه وربع دجاجه و8كاسات ماء واعشاب والحمدلله عالنعمه
اليوم حطيت كريم الزنجبيل على امل تختفي هالكرشه وحطيت بشعري الكثيرا نقعتها امس والليوم حطيتها من دون اضافات وبعدين حطيت البخاخ للشعر من الدكتوره وسويت رقصه الزومبا اللي قليل فيها انها رائعه ومشيت ساعه انصحكم بنات اتفرجو برنامج دكتور اوز ozهذا دكتور رائع يتكلم كل يوم عن موضوع وكل موضوع احلى من الثاني اموت اموت بهاالبرنامج لو يوفوتني احس يومي ناقص من ضمن مواضيعه الشعر والبشره والاهم الوزن وشفت بحلقه امس يقول ان كل كريمات الشفايف تحتوي على السكر وان مامنها الاالخساير فاافضل شي زيت زيتون وفرشاه اسنان تفركين بها الشفايف يجي بقناه ام بي سي 4

 

[فوشيهـ]

ايييييييييه شفتها الحلقه ياحبي له يوم مد بووزه عشان تقشر له الحرمه شفايفه هههههههههه

وانا اتابعه مره مفيد بس ياختي نص اغراضهم مو موجوده عندنا انقهررر


بنات تعالو بفرحكم شوي معاي .. توني قايسه وزني لاني كان فيني احباط بس الحمدالله النزول حلووووووو


طبعا قسته اليوم وانا اليوم الثالث من دشتي و اخر يوم بروتين هههههه بفتك

والدوره وانتو بكرامه اتحراها اليوم او بكره .. المهم لقيتني ناقصهـ "كيلو وميتين جرام"حلوه بثلاث ايام بسم الله علي خخخخ

عطتني دااااااااااافع حلوو عشان استمر يااارب من غير خربطه ..


واخيرا بفطر خيار وجببن هههههه ماصدقت اخلص البروتين الصافي




شرووفه شرايك بجبنة البقرات الثلاث الحمرا بس مو المثلثات .. النوع الثاني حقه عرفتيه ؟؟ عادي اكل منه صح؟؟


اذا ماعرفتيها اكتبي بقوقل الصور جبنة البقرات الثلاث الحمرا .. بتطلع لك ع طوول ..


اختي تو شاريتها وعاجببببببببتني مره تهبل
​

 

[فوشيهـ]

حسابي طلع غلط


نقصت "كيلو و 400 جرام" ب 3 ايام .. يارب لك الحمد والشكر ..



​

 

[شريفه 39]

ههههههههههههههههههههههاااااي فوشيه موتيني ضحك يوم قلتي مد بوزه اصلا هالانسان روعه مدري بس احس ان لو غيره يقدم البرنامج مايضبط هالانسان محبوب ...فوشيه حبيبتي الف مبروك النزول الله يسعدك نزول رائع ...بالنسبه للاغراض ببرنامج اوز تعجبني المكملات عندهم يمكن تكون عندنا بس حنا ماندري وعجبني زيت العصفر لو انك تابعتي الحلقه بس مدري وين القاه ..
فوشيه انا تكلمت ببدايه التجمع عن جبنه البقرات الثلاث وحطيت صورتها بس يمكن ماقريتي الموضوع وكنت اعتقد انها احسن من الجبنه السايله اصلا انا مااكل غيرها اخذ ملعقتين باليوم والخضراء بعد بس السماويه استخدمها لولدي لان رجيمه سعرات خخخخخ شافني نحفت قال ماما ابي زيك قلت يالله وهالحين يصارع الرجيم خفت اسويله دشتي ياثرعليه المويهم فوشيه شفتي برنامج اوز بعده بساعه برنامج ذاداكترز حتى هو برنامج رائع فيه كل شي احب هانوعيه من البرامج وبعد تابعي برنامج دانتيل على قناه النيل الاسره والطفل يجي الساعه 1ظهرا يجيبون فيه دكتور يتكلم عن الدايت وتمارين وكذا ...بنات ياليت اللي تعرف برامج بالدش مثل كذا تقول لنا نستفيد لاني طبعا مالي بالمسلسلات ولاالاغاني ولاعمري شفتها ولله الحمد انتظركم بنات خلو التجمع يولع ...الل اعلم وين اختفت كيوتن لاتكون كثرت عسل الله يستر ...تصبحون على خير

 

[فوشيهـ]

الله يبارك فيكي حبيبتي شرووفه

طيب وكيف نزوولك شرووفه؟؟ اخاف اكل ملعقتين من الجبنه ويصير بطيئ نزولي ؟؟

ياحليله ولدك الله يخليه لك .. كوويس يفكر يهتم بنفسه ماشاءالله تبارك الله ..


برنامج ذا دوكتورز كننننننت اشوفه ب استمرار بس حسيت بدوو يصيرون بايخين ..

حتى دوكتور اووز خفت مشاهدتي له شوي ..
​

 

[فوشيهـ]

فطرررررررت


ملعقه اكل وحده من جبنة البقرات الثلاث الحمرا قطعت معاها نعناع طلعت سوووبر يمممي
+
ثلاثة ارباع خياره
+
ربع كوب شاي احمر فيه ظرف ونص سويت اند لو

كل شي آكل منه شوي من الخوف مابي اكثر كاربز ههههههه .. الخياره بس ثلاثة ارباع والشاي اشرب بس ربع عن خاطري ..


مابي اي شي يبطئ النزوول ابدا ..



تعالو بقول لكم سرر :$



اليوم الصبح من الشفاحه نطيت ع طول قست وزني ههههههه


لقيتني ناقصه "كيلو و 800 جرام" طبعا في 3 ايام ..


بس امس قسته بالليل واليوم قسته الصووبح ..انا دايم اقيس الصباح عشان كذا قست اليوم مره ثانيه ..



على قد ما انا تحووم كبدي من البروتينات الا ان نتايجه الحمدالله حلووه


يارب مايجي تاريخ 11 الا انا ناقصه 3ونص او 4 يارب يارب ياااااااارب


اليوم ان شااءلله برقص زومبا ...
​

 

[واحة الايمان]

هلا يارشيقات شخباركم ....بنات عندي سؤال عادي أحط طماطم بالسلطة ولا ممنوع في رجيم دشتي اول اسبوع ؟

 

[فوشيهـ]

عادي حبيبتي واحة الايمان .. بس لكي طماطه وحده بس باليوم ..

والافضل ماتحطينها كامله لانها مليانه كاربوهيدرات ..


تغديت توني

امي كانت مسويه عصاج لحم مفروم حق مكرونه بالبشميل .. ف شلت لي 3 ملاعق اكل تقريبا او 4 من اللحم ..

بس امي حاطه فيه صلصة الطماطم .. ممنوعه ؟! محتاره انا فيها ناس يقولون مسموح بملعقتين بس وناس يقولون ممنوع

المهم اخذت العصاج وحطيته بصينيه صغيرونه +خفقت بيضه وحده +كم رشة من جبن الموزيريلا ودخلته الفرن

والحمدالله ع النعمهـ ..

بنات قولولي خربت الدنيا او تمام ؟! ماراح ادخل اي خضروات بالعشا كفايه الي خذيته الين الحين ..
​