دشتي 2012مع شريفه حياكم

[شريفه 39]

اهلين اشواق حبيبتي الله يحيكي ...البروتين الصافي صح لحوم وبيض وتونه ودجاج سمك بس الخضار مو في البروتين الصافي لان فيها نسبه نشويات بس تبغين الصراحه احلى مافي دشتي الثلاث ايام هاذي لانيانزل فيها 3كيلو ..ولو انتهيتي من البروتين الصافي تاكلين 3اكواب خضار خضره باليوم زي السبانخ والخس الفجل الاحمر والابيض والرجله البقدونس الكزبره ...موفقه انتظريومياتك اعذروني ماحطيت يومياتي لان عندي موعد اسنان بشيل عصب واحس بموت رعب اخاف يكون فيه الم الله يعين

 

[شريفه 39]

اختي ليالي رومنسيه اهلين فيكي ..الشيكولاته والله مدري وين بس تلقينها اذاانتي بمدينه كبيره اكيد انا بخميس مشيط مالقيتها جاري البحث والتنقيب ...موفقين

 

[شريفه 39]

:yaaaaaarb:بنات مين جربت سحب عصب السن احس برعب طمنوني فيني خوف كأن فيه حرب يارب سترك

 

[فوشيهـ]

لاتخافين شريفه ان شاءالله مابيألمك

اذا عطتك ابرة التخدير خلالالالاص بعدها ماتحسين بشي ابد .. اهم شي انتي غمضي عيونك واستسلمي ..


طيب اسمعي

انا كنت مسويه 4 ايام دشتي .. 3 برووتين .. ويوم عادي الكاربز فيها ماتتعدى 20 ..

بس بايام البروتين الصافي .. كنت آكل مثلا ربع خيااره .. رشة بقدوونس .. كم ورقة خس .. يعني ماكنت اتعدى 5 جرام كاربز..

بس لما وزنت بعد هالأربع ايام لقيت نفسي ناقصه بس .. نص كيلو .. كيف تشوفينها حلوه او لا ؟؟!!

انا توقعت ع الأقل كيلو


​

 

[شريفه 39]

اهلين فوشيه حبيبتي الله يطمنك ...البروتين الصافي مافيه اي شي غير لحوم بيض زيوت وتونه يعني مافي اي خضار ولا سفن ولاحتى شاي اخضر وكثري مويه انا وقت البروتين الصافي مااشرب حتى اعشاب بس لزم تعرفين انو مو كل مره لازم تنزلين نفس اللي نزلتيه يعني مره نصف مره كيلو مره ثلاثه بس لاتخافين تاكدي ان اذا مانزل الوزن فهاذا يعني ان المقاس قاعد ينقص بالعكس انا اذا التزمت بالدايت ولقيت نفسي مانزلت بالميزان اعرف ان الحرق صار من داخل العضلات وان المقاسات قاعده تنزل يعني انتي التزمي وبس وتشوفين خير :eh_s(15):

 

[فوشيهـ]

انا بكره اخر يوم تمر ولبن واول يوم مانقصت فيه الا ميتين جرام تخيلي؟؟ بقيس الصبح بشوف كم نقصت اليوم بعد ..

وكنت مفكره اغير عن دشتي بصراحه بعد التمر واللبن ولسى محتاره

حاسه ان المشكله من جسمي مو من الدايتات .. انا باقي لي بس 7 كيلو يعني مو مره قريب من المثالي عشان يصير كذا عنيد ..

يمكن بس اخلص التمر واللبن بكره ان شاءالله .. اسوي يوم تخفيف وبعده ارجع لدشتي اسبوعين ..

محتاره اقترحي علي
​

 

[شريفه 39]

شوفي حبيبتي فوشيه اول شي وش فصيله دمك اذاكانت oعلى طول سوي دشتي انا هذي فصيلتي من اسوي رجيم تمرولبن ازيدباليوم كيلو وبعدين انا صارلي اكثرمن سنه على دشتي بس كل شوي اغير يعني اسوي لي كل اسبوعين يوم مفتوح او وجبه مفتو حه بالذات لمااحس وزني ثبت مع ان الوزن اذاثبت مو يعني ان الرجيم مومناسب اناسمعت الدكتور يقول لان الحرق صار من الجوف فهذا يبطى الوزن لاتخافين من الثبات ...بس بصراحه حنامستعجلين عالنزول ...بس نصيحه من مجربه سوي دشتي واذاحسيتي بملل وتبغين فاصل ادخلي المرحله الرابعه تدرين ليه لان الرابعه تتقريبا مافيها حرمان من شي يعني تدخلين زبادي او كوب لبن وتقدرين تسوين حلامن المسموح وتضفين توست او شوفان مااظن فيه حرمان ..وبعد ماتكتفين وتروح الرغبه ارجعي بروتين صافي واستمري وكل ماجاك ملل روحي للرابعه فهمتيني وصدقيني ماتحسين انك بدشتي اواي رجيم ..وبعدين دشتي الوحيد اللي تاكلين حتى الشبع ...شكلي كثرت كلام بس انتظر يومياتكم باي :ch12:

 

[هـدوء]

الله يوفقج يارب ...من احسن انظمه الدايت:eh_s(15):

 

[شريفه 39]

شكرا لمرورك اختي هدوء

 

[فوشيهـ]

فصيلة دمي a+

وبصراحه انا ما اثق بسالفة الفصاائل

اول يوم بالتمر واللبن نقصت 200 جرام زي ماقلت لك
وثاني يوم بعد 200 جرام
وبكره بس اقيس متأكده اني ناقصه يا 200 يا 100 جرام بس ..


انا برجع لدشتي ان شاءالله بس ملييييييت من البروتينااات ياختي حامت كبدي احس ماعدت اتحمله زي اول مره سويته ..

عشان كذا بكره بسوي تخفيف ان شاءالله ..

مشتهييييييييه افطر ساندوتش حلومي .. واتغدى سباجيتي بصلصة الطماط واتعشى بطاطس مهروسه ..

<< تشهيها هههههههه

لا جد بسويهم ان شاءالله بس بطريقة دايت من غير دهون او شي .. يعني يعتبر تخفيف ..

وبعدين شفت رجيم عبدالله المطوع 2012 كثير حلو .. بمشي عليه اسبوع او اسبوعين .. واخر شي برجع لدشتي
​

 

[ashwaaq]

مراحب صبايا

انا بديت اليوم دشتي

قمت وماشتهيت افطر شربت قهوه ورحت الدوام ورجعت بدري ونمت قمت الساعه 5 وع المغرب سويت لي سمك مشوي غدى

والعشا اخذت مرتديلا دجاج وحشيته بجبنه بيضا

والحين اشرب سفن اب دايت حسيت اني مشتهيه شي حلو ولقيته قدامي .

 

[شريفه 39]

اشواق برافو:rerrerek:بس وين الخضار وحبوب الفيتمينات يالله شدي حيلك لازم تنزلين انشاءالله 6ك على الاقل عشان تسوين وجبه فري ..موفقه

 

[Niceya]

قووه بنات
انا صارلي فترة اسوي هالرجيم ثلاث اسابيع تقريبا بس كنت ابدع بالحلوو وايد ما اقاوم الكاكاو
ونزلت 3 كيلو .. من يوم السبت بديت مضبووطه اليوم لي ثالث والله يصبرني واوصل للمثالي
شرييفه تهقين اقدر انزل 15-20 كيلوو خلال ثلاث شهوور؟ لي شهر 5 !!

انشالله كل ما قدرت بدش اقولكم يومياتي وشيصير وياي
ماراح اوزن الا 1/3 وراضيه لو 4 كيلوو نعمه

وعلى فكره لما سويته خلال هالثلاث اسابيع نزلت 3 حيل شوية لاني كنت اكل حلوو بس ملابسي اوسعت علي لاحظت هالشي عقب 8 ايام خقيت بالشكل ولاحظوو علي

 

[شريفه 39]

اهلين اختي تقدرين تنزلين مع الالتزام لازم همه الاجازه قربت الدكتور قال النزول يكون من 3الى6ك باسبوعين ودام الملابس وسعت هذا احسن شي اهم من الميزان عشان نكشخ ...:eh_s(9):

 

[Niceya]

انا بهالرجيم نزولي بطيء جدا بس راضيه دام جسمي قاعد يتغير
عشاي كان خس وجبن ابيض وزيتون وطماطه صغيره والحمدلله

امييين ما تدش علينا العطله الا واحنا رشيقآآت ؛$

 

[ashwaaq]

مراحب ي قميلات

شريفه حبيبتي انا اكل خس وطماط بس متفرقه اذا حسيت بالجوع

والفتمينات اخذ ملتي فتامين

اليوم سويت غدى دجاج محشي بالجبنه والعشا سويت اومليت

والحين اشرب خلطه فيها قرفه ومرميه وزنجبيل طبعا بدون سكر

بنات نبي نتوحد ناخذ الوزن بيوم معين وش رايكم . ؟

 

[شريفه 39]

اهلين بنات الله يديم عليكم نزول الوزن وانتم بصحه وعافيه طبعا بنظام دشتي مسموح طماطم حبه صغيره بس انا مااحطها لان معروف الطماطم يحبس السوائل بالجسم فاستبعده يعني مايصير شي لو مااكلنا طماطم او نقلل منها اختي اشواق جوعتيني بااكلتك صحتين عاالبك وبالنسبه للاعشاب روعه بس لو تضيفين معها كمون تصير اروع لان لوعرفتي الكمون وش يسوي بالكرش مع ااستمرار رائع طبعا انا موقادره احط يومياتي لاني عندي مواعيد اسناني هالشهرمقدر الاسوائل وبعدها احط يومياتي موفقين

 

[شريفه 39]

بالنسبه للوزن انا رايي وعن تجربه مايحبط المعنويات لاالميزان لاني امشي عالدايت لاكن بعد مااوزن والقى ان الوزن ماجا زي ماابي ارجع اكل صدقوني ان دشتي مقاسات اكثر من انه ميزان انا هالحين وزني 67واحس كاني 60كل ملابسي القديمه صرت بفضل الله ثم فضل نزول قياساتي اقدر البسهم والحمدلله قيسي كل اسبوع وراح تشوفين

 

[Niceya]

نصيحه لا توزنين إلا كل اسبوعين او ثلاث اسابيع ويكون افضل عشان يكون النزول اكثر وتستانسين وايد

انا ناوية اوزن 3/1 انشالله راح يكون لي ثالث اسبووع واقولكم شيصير وياي

 

[Niceya]

اليوم قعدت متأخر عالساعه 2 فا ما تريقت
تغديت اومليت بيض مع جبن
عشاي بيكون مع الاهل فيليه دياي مع سلطة

اممم وبغيت أسألج عن شغله !
الماما منقعه الدياي بروب قفشتين بس وليمون وبهارات .. الروب راح يأثر عالرجيم؟