دشتي 2012مع شريفه حياكم

[Pretty Amoola]

سلام دشتيات وش اخباركم انا اليوم بديت ودي اكمل على الاقل اسبوعين
الفطور كان 2بيضه مسلوق الغدا دجاجه ونصف بصله والعشا مدري شدو الهمه وانامعكم رمضان قرب الله يبلغنا ياه وحنا رشيقات مع اني يابنات لقيت ان اقل من 65ماناسبني حسيت اني هيكل عظمي بالذات يوم وزني 60هالحين وزنت وزني 66و9يمكن افضل شي 63وهالحين بااشن الحرب عالكرشه لين تروح

ما شاء الله عليك يا شريفة ،،، هذي الإرادة ولا بلاش ...:eh_s(15):

يللا شدي حيلك ونزلي ال3 كيلو عشان توصلين لل63 ...


أما بالنسبة لي : توني تعشيت سلطة سيزر بالدجاج يممممممم
​

 

[Niceya]

عفيااا عليج شروووفة خليج جذي علطوول
ووصلي لين 60 عشان لا تركتي الرجيم ماتحاتين الزياادة
نزليهم وارتاااحي


من باجر بصووم ومحتارة شنو اتفطر !

 

[شريفه 39]

شكرا لكم حبيباتي بس والله الاراده زفت الله يستر بس

 

[قمر2]

كيفك شريفه والحمدلله بعد غيبه شفنى ردورك
عندي لك ولللبنات خطه بعد نهاية الرجيم قالتلي عليها واحده
تقول
بعد ما نزلت وزنها ووصلت للوزن المطلوب وكانت تتابع حلتها في نادي وكان رجيم متكامل نظام غدائي ورياضه ومساج وكانت النتيجه رائعه
تقول بديت افكر كيف احافظ على النتيجه
وضعتلي برنامج معين لمدة اسبوع اكل كل شيء بس بكميات قليله واخر الاسبوع اوزن واشوف كم زاد وزني الاسبوع الي بعده نقصت الكميات واخر الاسبوع وزنت واقيت وزني ما زاد وعرفت ان هذا الي بس اكله وستمريت وثبت وزني والحمد لله الان حسب كلامها لها سنتين وبتدخل في الثالثه وما زاد وزنها
سألتها عن الرياضه
قالت هذي صديقتي يوم رياضه ويوم راحه وتعمل كل شهر مساج بعد الوره الشهريه
تقول نصحتها واحده معاها في النادي انه تعمله كل شهر
بس بسراحه جسمها روعه وعندها 6عيال وعمرها 40 بس ما تصدقين تقولين عمرها 30 ولا قد جابت عيال

 

[Pretty Amoola]

كيفك شريفه والحمدلله بعد غيبه شفنى ردورك
عندي لك ولللبنات خطه بعد نهاية الرجيم قالتلي عليها واحده
تقول
بعد ما نزلت وزنها ووصلت للوزن المطلوب وكانت تتابع حلتها في نادي وكان رجيم متكامل نظام غدائي ورياضه ومساج وكانت النتيجه رائعه
تقول بديت افكر كيف احافظ على النتيجه
وضعتلي برنامج معين لمدة اسبوع اكل كل شيء بس بكميات قليله واخر الاسبوع اوزن واشوف كم زاد وزني الاسبوع الي بعده نقصت الكميات واخر الاسبوع وزنت واقيت وزني ما زاد وعرفت ان هذا الي بس اكله وستمريت وثبت وزني والحمد لله الان حسب كلامها لها سنتين وبتدخل في الثالثه وما زاد وزنها
سألتها عن الرياضه
قالت هذي صديقتي يوم رياضه ويوم راحه وتعمل كل شهر مساج بعد الوره الشهريه
تقول نصحتها واحده معاها في النادي انه تعمله كل شهر
بس بسراحه جسمها روعه وعندها 6عيال وعمرها 40 بس ما تصدقين تقولين عمرها 30 ولا قد جابت عيال

مشكورة على نقل التجربة وإن شاء الله قريب نحقق أهدافنا

ومن بعدها نثبت الوزن وحزتها نكون غيرنا اسلوب حياتنا للأحسن .

​

 

[Niceya]

اليوم صايمة .. فطوري كان شاورما بالجبن وخس + سفن دايت
العشا بالليل بيض مسلوق
الثلاث ايام اليايه صياام


الثلاث ايام اليايه كلها صياام

 

[Pretty Amoola]

اليوم صايمة .. فطوري كان شاورما بالجبن وخس + سفن دايت
العشا بالليل بيض مسلوق
الثلاث ايام اليايه صياام


الثلاث ايام اليايه كلها صياام

تقبل الله منكم صيامكم ،،،

بس ما قلتي كم صار وزنج ؟ وكم كنتي قبل الدايت ؟​

 

[Niceya]

حبيبتي منا ومنج ..
كان 81 والحين 71
باقيلي 13 كيلوو هدفي 58

 

[Deam]

هلا بالرشيقات ^^
ردّيت لكم بعد سحبه أسبوع ، اختبارات و ضغط و الحمد لله
الأسب،ع الي فات خرّبتها يوم ،احد و مو مرّه و الحمممد لله حتى لو خربتها ما أخربها بقووه يأنبني ضميري :")

الأسب،ع الي فات كان وزني ١١٨ و اليوم وزني ١١٥ الحمممد لله
باقيلي ٣ كيلو و أكون نزّلت ١٠ كيلو بشهر
باقيلي أسبوع على الشهر يمديني أنزلهم بإذن الله


طيب بنات أنا في ورطه :"(
صايره ما أشتهي الأكل كلّش أتغصصصب فيه بس عشان أحرق
و صايره آكل وجبه وحده باليوم :"(

الي عندها الحل تسعفني و أكون لها شاكره :*

 

[Pretty Amoola]

Niceya​

حبيبتي منا ومنج ..
كان 81 والحين 71
باقيلي 13 كيلوو هدفي 58​

ما شاء الله ,, واصلي حبيبتي ​

وان شاء الله تضعفين بالصحة والعافية​

هلا بالرشيقات ^^

ردّيت لكم بعد سحبه أسبوع ، اختبارات و ضغط و الحمد لله

الأسب،ع الي فات خرّبتها يوم ،احد و مو مرّه و الحمممد لله حتى لو خربتها ما أخربها بقووه يأنبني ضميري :")​

الأسب،ع الي فات كان وزني ١١٨ و اليوم وزني ١١٥ الحمممد لله
باقيلي ٣ كيلو و أكون نزّلت ١٠ كيلو بشهر
باقيلي أسبوع على الشهر يمديني أنزلهم بإذن الله​

طيب بنات أنا في ورطه :"(
صايره ما أشتهي الأكل كلّش أتغصصصب فيه بس عشان أحرق
و صايره آكل وجبه وحده باليوم :"(​

الي عندها الحل تسعفني و أكون لها شاكره :*​

ما شاء الله برافو عليج نزول حلو:eh_s(15):

وبالنسبة للشهية عادي أنا كان يصير معاي جذيه بس حاولي ​

تخففين من بعض الأكلات مثل البيض واكلي سلطة حطي فيها​

فلفل ملون عشان تنفتح شهيتج لأن الدكتور ذكر في الكتاب ان ما​

نخلي فجة بين الوجبة والثانية أكثر من 5 ساعات !​

​

 

[كلي رقة]

مرحبا بنات
انا قاعدة اخربط خربطه مو طبيعية امس ماكله دونات يمكن6 حباااات
بس لما وزنت الصبح لقيت نازلهاخيرا شفت الستينات مع ان 69.8 بس نعمة

اليوم تريقت بيضتين مسلوقين وشربت عصير برتقال فرش

الغدا للحين مافكرت
وان شاااء الله انزل اكثر خلال هالاسبوعين

 

[يمامة]

السلام بنات انا دشتيه قديمه ولله الحمد نزل وزني وصلت المثالي بس ما عرفت احافظ والحين رجعت من جديد لدشتي بس الاهم اني لازم احافظ النزول سهل بس المحافظه اهي الصعبه يا بنات

 

[قمر2]

كيفكم بنات
ماشيه على دشتي تمام من اول شهر 7 الي اليوم الان 21 في الشهر باقي 9 ايام وينتهي شهر 7 حابه اسألكم افتح يوم او استمر الي رمضان شورو عليه على
على فكره انعزمت 2 في هذا الشهر بس الحمد لله ما خربطت اخرتها البارح كنت معزومه قهوه وعشاء شربت قشر فقط وعند العشاء اكلت لحم وسلطه مطحونه وفرحانه علشان كذه سالتكم استمر او افتح يوم
ردو عليه

 

[شريفه 39]

هاي صبايا الله يحفظكم ويتمم لكم يااحلى رشيقات ...اخباركم زينه الحمدلله استمرو بنات وخلونا نواصل حتى برمضان الله اني كانت ارادتي معدومه ويوم اقرى كلامكم اتشجع
شكرا قمر على كلامك وطبعا كلامك صحيح ميه بالميه بس مشكلتي مااعرف اتقيد باي كميه يعني مثلاتلقيني طول اليوم اكل برتقال وثاني يوم اكل شوكلاته جلكسي واحيانا اجلس طول اليوم بدون اكل واكل بالليل بس واللي خلاني التزم بدشتي من دون الرجيمات هو ان ناكلين باي كميه ماعرفت اسوي تخفيف بس فكرت اني اكل كل شي ماعد النشويات العاديه يعني اللي بالخبز والرز والمكرونه والدقيق والذره اما الخضار اكل باي كميه والعصيرات الخاليه من السكر مثل السيزر اناناس انا هالحين اشربه مالحظت انه زاد وزني وباابتعد عن السكرالعادي حتى صرت اسوي مشروب شيكولاته بسكراستيفانا واشرب نسكافيه مع حليب لونا وسكراستيفيانا والحمد لله بااستمركذا لين رمضان وان شفت نفسي نزولي بدا يقل سويت 3ايام بروتين ص ويارب اشوف الستين مره ثانيه يارب :eh_s(2):

 

[Niceya]

اليوم تريقت بيضة مسلوقة ونسكافيه
الغدا همبرجر ومايونيز وخس + دايت
العشا بيض مع نقانق وفطر


بنااات فييدووني شوربة الشوفان مسموحة والا لا؟

شرووفه مووو صعبه والله
كل اسبوع سويلج يوم مفتوح وبجذي تقدرين تواصلين

 

[كلي رقة]

صبااااح الخييير
امس يابنات من بعد عيني ماشافت الستينااات
اليوم وزنت رجعت للسبعين

استاهل امس بالليل كليت معكرونه بالباشميل وورق عنب
وزنت الصبح لقيت نفسي زايدة

 

[قمر2]

صدقوني لو اصل الى وزني المثالي وبعدها يرجع وزني يمكن انجن بعد هذا التعب ترجع السمنه ياويلي شي فضيع
شريفه مافيه شي مستحيل وتحديد الكميات والالتزام بها مو مستحيل برمجي عقلك على كذه وبتقدرين ما بتجلسين طول عمرك في رجيم زي ما قدرتي تنزلين وزنك بتقدرين تحافظين عليه
بس لا تجلسين تقولين ما اقدر ومن هذا الكلام ضعيلك خطه مناسبه ومريحه ومشي عليها
مثال اكل كل 3ساعات شي معين
افطري حبه بيضه مع اي مشروب تحبينه بس يكون في فنجان شاي مو كوب
بعد ساعه ابدئي بشرب المويه
بعد 3ساعلت من الفطور كلي شي مثال نصف برتقاله وخليك كذه طول اليوم كل 3ساعات كلي شيء بسيط واخر الاسبوع اوزني وشوفي كم زاد وزنك اذا زاد لو نصف كيلو نزليه ورجعي على النظام وزقصي كميت الاكل وستمري وبكذه ما بتنحرمين من شيء ولا بيزيد وزنك
على فكره الاكل بليل يزود الوزن خاصه في الصيف نوم طول النهار وسهر واكل بليل انصحكم من الاكل بعد الساعه 12 بليل نصيحه الاتاكلون شي ولا تشربون شيء فيه سكر
والمفروض بعد الساعه 9بليل ما عد نالك ولا نشرب شيء فيه سكر بس اخصائية التغذيه تعاطفت معنى وقالت في الايام العاديه كلو لحد الساعه 10 بليل بعدين سكرو فمكم
وفي الصيف الى الساعه 12 بعدين سكرو فمكم عن الاكل وشرب

 

[Niceya]

اليوم ماتريقت لان كنت سهراانه امس وقعدت متاخر
تغديت مشويات ودايت
العشا بيضتين مسلوقتين وخيارة

 

[طـير7]

بنات ودي ابلش معاكم من اليوم رجيم دشتي

والله يعيننا

 

[Niceya]

حيااج ويانا ماراح تندمين

اليوم ريوقي نسكافيه
الغدا شيش طاووق
عشاي ماقررت بعد