دشوا فديتكم بسألكم صج هالكلام؟

[granted]

قوه خواتي
بخصوص الممنوعات وقت الدوره السبايسي والرقي والاكل اللزج والرياضه ومادري شنووووو:eh_s(14):

بنات أنا دشيت موقع اجنبي وسألت الطبيبه عن هالشي انه هل يضر اذا كليناه وقت الدوره؟
وعن الرياضه وقت الدوره صج اتضر الرحم وتسبب له توسع وترخي وووو!!

وردت علي من باجر كلامها كان:
بالنسبه للأكل الممنوع هذي خرافات قديمه تتداول في شرق أسيا (والله يابنات هالكلام):eh_s(1):
وانها غير صحيحه بس تجنب المشروبات البارده
وبالنسبه للسبايسي بالعكس انصح فيه لان ينشط الدوره الدمويه بس مايكون فيج قرحه وووووو....
والرياضه وايد مهمه وتحسن النفسيه لمن تنعفس الهرمونات
ـــــــــــــــــــــــــــــــــــــــــ

المهم انا سألتها قبل رمضان ولليلحيني خايفه أطبق كلامها وماشيه على كلام الوالده فديتها ممنوع كل شي
لووول

بس قلت يمكن البنات ايفيدوننا بخصوص هالموضوعين ##
اول شي الرياضه نسوي رياضه بنات؟ يعني ركوب دراجه مشي سريع ركض ولا مايصير؟
يعني انا اقطع الرياضه خمس ايام وعقب ارد واتعب لان جسمي تعود على الراحه والرباده

والثاني بنات بخصوص التنظيف وقت الدوره
انا طموشه
وقت الدوره يوميا استخدم غسول كير فري وصابونة ديتول ومناديل معقم وماي وملح (يعني كل مره ادش الحمام تكرمون استخدم شي منهم طول اليوم)
بس بنات امي خرعتني اتقول مايصير تكثرين الماي بيدشج بلل وترتخين
وانا طبعي موسوسه بالريحه

بس امي بنات تقول انتي توج بنت ووقت الدوره الرحم مفتوح وتدخل فيه المواد الكيميائيه ويتخزن الماي وتضرج على المدى البعيد ولي تزوجتي بتعرفين:080402ask_prv:

و كلش كلش اتقول استخدمي بس ماي وملح
انا استخدم السفوف الي ينظف الرحم والتمر ومادري شنو .........
واهي اتقول انتي جذي جنج ماسويتي شي قاعدة تعدلين من هني وتخربين من هناك

بس انا مااستغني عن الغسولات والصابون بنات وبفترة الدوره أكره عمري والله
وبصراحه احس ان هالكلام مو علمي

#والعلج بنااااااااااااااات
رفيجتي شافتني اتعلج قالت مايصير وقت الدوره يدشج هوا
امبي عقدوووووووني:eh_s(16):

ياليت بنات الي عندها خبره تنصحنا بطريقة تنظيف الدورة والرياضه للبنت والمتزوجه بحيث ينفعها مايضرها و نستفيد كلنا :eh_s(17):
الله يرزقم فديتكم
ومشكوورين وااايد مقدماً

 

[زوجة عزيز]

ما ادري والله انا عادي اشرب بارد واسوي كلشي ان شاء الله البنات يفيدونج

 

[ماحب اتدلع]

انا عن نفسي كل شي عاادي بس لم اشرب بارد احس الدم يتجمد وماينزل وهم لما امشي حافية على السيراميك واذا بردت يعورني ظهري وتوقف الدورة جم يوم وبعدين ترد يعني اهم شي الدفااا

 

[يازمان العجايب]

أنا والله عادي بس لمن اشرب بارد احس بطني يعورني بس اتسبح عادي واستعمل غسول مرة وحدة باليوم وكل كل شي​

 

[رانا ***]

كلام الطبيبه صح
ملوش دعوةة

لكن البرد بعرف يأثر حاولى تدفى نفسك

كمان انتى بنت متستعمليش كل دا
لان كثرة الكيماويات تقتل البكتريا النافعه كمان
حاولى تستخدمى ال مامتك قالت لك عليه + المناديل الطبيه المعطرة

 

[غارقة بأحزانها]

لا بالدورة امتنع عن المشروبات الغازية
والبس بنطلون وساعات دلاغات انسى وامشي عالسيراميك
وأكل لهوم وحسو
وبما أني متزوجة اخر الايام احط تحاميل بيتادين تطهر وتنشف
بس سالفه العلج اول مرة اسمع فيها
والغسول ما استخدمه الا اخر يوم ماله داعي ايام الدورة واتوقع صح كلام امج
والاكل اللزج وجذي امتنع عنه بس مادري اذا الكلام صحيح اولا
بس والله اشوف أني اكون وايد أوكي بعد الدورة لأني متزوجة واعرف
انا اقول سمعي الكلام احسن كلها اسبوع ويمر
اذا ما نفعج مايضرج

 

[يارب احفظ عيالي]

مادري والله انا بالنسبه لي كلشي عادي وانشالله البنات يفيدونج

 

[Gifts&Occaions]

انا بالنسبة لي كلشي عادي

 

[bto0olah]

انا عادي تقريبا بس ما اشرب قهوه عربيه لان تسويلي بلاوي وتخربط الدورة وما انظف بسرعه
وما اقدر امشي على ارض بارده عشان ظهري وريولي

 

[اللؤلؤ المتناثر]

لا حبيبتي لاتشربين شي بارد وصح الشغلات الحامضه واللزجه موزينه أما الرياضه عادي المشي بس تنطين وتركضين لا موزين خليج على المشي
أما اغسول خليج على كيرفري وصابونة ديتول هم حلوه بس موكل مادخلتي للحمام وأنتي بكرامه يعني مرتين باليوم ولا تخافين ماراح تطلع فيج ريحه إذا إنتي تغيرين الكوتكس بإستمرار ودفي نفسج بوقت الدوره وبس ماحس إنه شي يتعبج أتمنى إني جاوبت على كل أسألتج

​

وموفقه ياقلبي

 

[رقـة الاحسـآس]

بالنسبه للبارد صح و بتلاحظين انها توقف
لكن الاشيا الثانيه الله اعلم
تحملي كلها اسبوع و سويها لووووول
بس الرياضه عادي بس يخف العوار منج و مب شرط تكون رياضه قويه
وصدق الرياضه زينه و تساعد انها تنزل لان تنشط الدوره الدمويه
والاكل الحار عاااادي
بالعكس ترا الفلفل الاسود و الزنجبيل هاي اشيا حاره و لكن تستخدم ومن الاشيا اللي ينصحون فيها

 

[محتارة وبصيح]

حتى انا ابي اعرف يقولون لازم نهتم قبل الزواج بالدورة شنو الاشياء الي تاثر عقب الولادة وجي فيدوني

 

[ســتارز]

ليش كل مرة تدشين الحمام تغسلين بكل المنظفات ...احسها مبالغة الافضل خليها مرة باليوم

اهم شي بالدورة الدفا وشرب السوائل الدافية والنظافة وتغيير الفوطة كل مرة والتجفيف بعد الحمام مهم جدا

 

[al-musk]

اي اوكي الملوخيه وخلافه ممنوعه مع الخضرة اللزجه بس ضروري تكثرين شرب ماي لان ينظم الهرمونات ويمنع تتكون اكياس حول المبيض وطبعا الرياضه ممتازة وتخفف العوار والالم

 

[miss_whitemocha]

والله حبيبتي انا لما كنت بنت كل شي أسوي وقت الدورة رياضة و أكل و سباحة و وغسول,,عادي..
و تزوجت و ما فيني إلا العافية لا ارتخاء و لا هوا ولا توسعات ولاهم يحزنون..
بس لاحظت لما أشرب غازات وقت الدورة بطني يتلوى زيادة و يعورني..​

 

[راعية الطويلة]

الرياضة مو زينة للحائض
إلا الخفيفة مثل المشي
و معروف الهرمونات و الجسم يتغير بالدورة
و كلنا نلاحظ هالشي
و لا تغسلين بالمواد الكيماوية بالدورة
الماي الدافي كافي
و السباحة لازم بس طبعا المكان يكون دافي و الدش سريع
و تلبسين بسرعه
العلج و الموالح و المنبهات
كلها مو زينة وقت الدورة
و هالكلام علمي
و دشي ع المواقع العلمية
و شوفي التغذية الخاصة بالمرأة وقت الدورة الشهرية



بالتوفيق

 

[لولو كـاتي]

انا طريقتي

امتنع عن البارد لا ارادي لان احس يعورني بطني اذا شربتهم

ومرات اسوي حليب بالقرفه او قرفه بروحها كمشروب ساخن

ومن ناحيه الاكل عادي بصراحه مادقق ع اللزج وكذا

ومن ناحيه الريحه

باستمرار احاول اغير الحفاظ واغسل المكان بصابون برضو مو كل مره يعني مره باليوم او مرتين

واخر شي عندي العطر من بودي شوب حق الجسم اللي لونه بنفسجي معروف

ريحته قويه وتطوول ارش من بعيد جهه الفخوذ
فهمتي يعني اكون لابسه الملابس الداخليه

دايم ارشرش

في شي ثاني عندج صابونه اسمها صابونه المسك تلاقينها عن الحواجين تجنن ريحتها بمعنى الكلمه

حطيها في زي الكيس تشبه الخيشه تكون مخرمه وحاولي تكسرينها قليل يعني وهي داخل الكيسه

وخلي الكيسسه بالدولاب يم ملابسك الداخليه تجنن ريتحها تصير تلصق فيها

الرياضه اذكر المدربه قالت لي اول 4 ايام وقفي لان الرحم يكون متحرك وبعدها تقدرين تستخدمين المشي

 

[حــور العيـون]

امبيييه انتي مو متزوجه و جذي تعابلين بعمرج ,, وخري عنج سوالف الغسول و الصابون كلش موزينه

قوه خواتي
بخصوص الممنوعات وقت الدوره السبايسي والرقي والاكل اللزج والرياضه ومادري شنووووو:eh_s(14):

بنات أنا دشيت موقع اجنبي وسألت الطبيبه عن هالشي انه هل يضر اذا كليناه وقت الدوره؟
وعن الرياضه وقت الدوره صج اتضر الرحم وتسبب له توسع وترخي وووو!!

وردت علي من باجر كلامها كان:
بالنسبه للأكل الممنوع هذي خرافات قديمه تتداول في شرق أسيا (والله يابنات هالكلام):eh_s(1):

ما لقيتي غير الاجانب تسألينهم ,, اللي ما يفهمون بهالامور و شي طبيعي بتقولج خرافات ,, يقولج اسال مجرب و لا تسأل طبيب ,, و هالشي هذا متدارج عندنا من اول و مافي احد نكر هالشي بالعكس اللي تهتم بهالامور تشوفينها مرتاحه بالزواج

بالنسبه للرياضه ,, اللي اعرفه ان الرياضه باول ثلاث ايام خصوصا الجري و الركوب الدراجه ,, تسبب نزول اكثر للدم ,, فالبنت لازم تتدفى و ترتاح باول ثلاث ايام ,, و بالايام الاخيره ,, لعبي رياضه بس مو بكثره

والثاني بنات بخصوص التنظيف وقت الدوره
انا طموشه
وقت الدوره يوميا استخدم غسول كير فري وصابونة ديتول ومناديل معقم وماي وملح (يعني كل مره ادش الحمام تكرمون استخدم شي منهم طول اليوم)

ابتعدي نهااائيا عن هالشي ,, و صح مثل ما تقول امج الماي مضر بايام الدوره ,, لان يا حبيبتي يسبب بروده بمنطقة الرحم ,, و الحين ما راح تحسين بعدين بعد الزواج ,,
عيل و اللي يقولج ان حتى الصغيره لا تغسلينها بالماي ,, يختي اذا اهو كله دم بدم
و نياسه , شفرقت على الماي ,,
تدرين ان اعرف وحده صار عندها تليف بالرحم و ما تقدر تحمل ,, بس مو بدايه زواجها ,, بعد سنين , فالدكتوره قالتلها , انتي تتسبحين اول ايام الدوره ؟؟؟ قالتلها اي ,, فردت عليها الدكتوره من هالسبب ,, من جذي اقولج .,, التسبح و الماي مضر ,, الدوره تبي دفا ,
انا من كنت بنت بيت اهلي , وقت الدوره اتلفلف و البس شورت تحت البجامه و ما امشي عالسيراميك , و اتغطى بالبطانيه , و هذا الصح

وانا طبعي موسوسه بالريحه

خلي عنج الوسوسه و تحملي ,, هذا رحم ,, مو لعبه

و كلش كلش اتقول استخدمي بس ماي وملح

ماي و ملح بس باخير يومين

#والعلج بنااااااااااااااات
رفيجتي شافتني اتعلج قالت مايصير وقت الدوره يدشج هوا
امبي عقدوووووووني:eh_s(16):

بالنسبه لهالشي ,, اول مره اسمع فيه ,, فمادري اذا صج او لا

ابتعدي عن المشروبات الغازيه و البارد ,, و الـلــــــبن ( وااايد مو زين ) و التفاح الحامض ,, و اي شي حامض

و موفقه يااااا رب ,, طولت عليج بس لان ابي مصلحتج و هالشي مهم

 

[•Brown•Sugar•]

من بنت لي بنت يفرق لان كل جسم غير عن الثاني
عندج اختي يحوشها عوار قوي وماتشرب بيبسي
ولا تاكل حامض ولا سبايسي وتلبس طويل وتتغطى
وتاخذ بروفين والحاله حاله .. اما انا تييني الدوره
وتخلص ولا احس بنغزه واكل واشرب اللي اشتهيه
والبس اللي ابيه على حسب المزاج


واذا على الغسيل ما انصحج بالصابون والغسول
تشطفي بماي وملح .. واللي احسن منه (الــمـــرّه)

 

[tt2tt]

؟؟؟؟؟؟؟؟؟؟؟؟؟؟؟؟؟؟