دشوا ياكويتيات وساعدوني ومنو كانت مثلي جذي؟؟

[هندوناا]

قوة كوبتيات انا حامل الحين بالشهر الرابع بس حيل خايفه من زياده وززني انا قصيرة طولي 151 وزني قبل 70بس اول ماحملت زطت 15 كيلو وزني الحين 85 تخيلو انا الحين وانا بالرابع وزني جذي شلون لي وصلت التاسع بنات اناحيل خايفه انصحوني شرايكم اسوي رجيم حمل ولا لا ولا هذا شئ طبيعي تكفون ببجي ومنو فيكم جذي وبس ولدت ردت وزنها الطببعي

 

[آشوآآآق]

اب اب

 

[اخت خالتهم]

حبيبتي شلون خليتي نفسج تزيدين هالوزن ب٣ اشهر لان اساسا الاول انتي ماتدرين نه


خففي اكل
و لا تاكلين بين الوجبات


بعد لازم انتي تتحكمين باكلج

المفروض ماتزيدين اكثر من ٤ كيلو بالكثير بهالاشهر



الحين بايدج انج توقفين هالشي خلي اكلج طبيعي

 

[&هند&]

حبيبتي انصحج تروحين لدكتور تغذيه يسوي لج نظام تخفيف عشان ما يزيد وزنج حيل لان انتي الي بتعانين من السمنه

والله يتمم لج وقومج بالسلامه

 

[ملاك ^ الحب]

ماشاء الله وايد زاد وزنج

مو زين عليج لازم تشوفين دكتور تغذيه ينظم اكلج

انا اول ماحملت نزلت ١٠ كيلوات وظليت بدايه السابع قمت اصعد والحين اخر الثامن زدت ٧كيلوات مع ان الي يشوفني يقولي ضعفانه وايد بس الزياده مو بجسمي زياده البيبي والماي

 

[فـراوله]

وايد وزنج زاد بـ 4 أشهر وين الدكتوره للي تابعين معاها المفروض
اهي تنصحج وانتي خليتي نفسج انتي بتعانين بعد الولاده

حبيبتي نصيحه روحي لدكتور تغذيه لانه زيادتج مو طبيعيه



​

 

[قَلبڪْ صًخرْ]

راجعي دكتورج

 

[Tom ♥ Jerry]

,


حياتي الحين لا تفكرين بجسم ممآ جسم

التغذيه والآكل مفيد حق الياهل الحين انتي روحين بجسم وآيد
يعني تغذين نفسج و تغذين البيبي الي في بطنج

و بعد الولآده شدي حيلج بالرجيم و ضعفي

 

[orchidia]

حبيبتي انا ضد ريجيم الحمل بس حالتج غييييييييير

وزنج زايد حيل بسم الله عليج

اول شي تأكدي من غدتج يمكن فيها خلل لا سمح الله خليها تسوي لج تحاليل شاملة لأن الغدة تتلخبط وقت الحمل

غير جذي المفروض الحامل يزيد وزنها 10 كيلو 12 بالكثير وقت الحمل كله

وانتي بس بـ 4 أشهر زدتي 15 الي هي تعتبر زيادة حامل بتوأم ف شهرها التاسع .. مستوعبة ؟؟

انتي قبل الحمل بالنسبة لطول 150 ووزن 70 تعتبرين متينة حبيبتي فحاولي تضعفين قد ماتقدرين لا يترهل جسمج وباجر تتعبين بالنفاس ماتدرين تجابلين جسمج والا الياهل

موفقة حبوبة بالأول والأخير أقول مالج الا طبيبة لأن زيادتج مو طبيعية