دشي شووفوا عنايتي بالصور وبالتفصيل -- اسراري في العناية من راسي لي ريووووولي .. حياكم

[miss angel]

قوووة بنات شلووونكم ​

طبعا مااكو بنت ما تحب تهتم بنفسها وبجمالها وبشعرها وببشرتها ​

وانا حبيت انزل هالموضوع علشان تستفيدون واذا استفدتوا مابي منكم غير الدعاء ​

وراح يكون جدول العناية (شعر + البشرة + الجسم )​

وراح تلاحظون انه برنامجي لا مكلف ولا شي بالعكس واايد سهل وما يملل ​

-----------------------------------​

اول شي نبلش بالشعر ​

​

راح اقولكم نبذة عن شعري ( انا شعري جاف من كثر الصبغات والسشوار والستريتنر وهالسوالف بس مو خشن وعندي تساقط )
راح ابلش بالشامبوات لووول اغلب شامبوات الجمعية مجربتهم بس الي راح اتكلم عنهم الي حسيت صج مشوااا مع شعريي​

​

1- شامبو وبلسم تريسمي عجيييييييييب حق الشعر صج يخلي الشعر ناعم وفي حيوية بس ما استعمله كل يووم​

2- شامبو ايفا بالصبار حلووو وما ينشف الشعر بس احسه ما ينظف الشعر عدل فا استخدم وراه شامبو جونسون 4​

3- شامبو صحت السدر عجيييييب يكثف الشعر حق الي شعرهم خفيف انا استعمله مرتين بالاسبوع لانه ينشف شعري وايد بس واايد استفدت منه مع الاستعمال ​

ثاني شي (السيرومات وحماية وانبولات حق الشعر)​

​

1- بخاخ الكوكونت من بوتس حلووو عقب السبوح بس ما احط منه واايد بس عالاطراف علشان ما يدهن يسهل عليج تمشيطه وريحته حلوة مو مثل الهنوود لا تخافون لووول ​

2- بخاخ جونسووون عجيييييييييب ريحته بيبي يخلي شعري حلوو وهم احطه عالاطراف ​

3 - من ويلا مكتوب عليه NEW WAVE كريم تمليس و حماية قبل الشسوار والستريتنر حلوو ​

4- سيروم سبراي يعطي Shine هذا عقب ما تخلصين شسوار او ستريتنر ترشينه على كل شعرج بس لا تحطين وااايد يعطي لمعه تينن اسم الماركة Lee Stafford ببوتس​

5 ماركة JOHN FRIEDA بمركز سلطان و 6 كريستال و7 لوريال بالجمعيات تلقونهم ( سيرومات عقب السبوح تحطينهم شعرج مبلل حلوييييييييين وااايد ) وطبعا ما احطهم كلهم مرة وحده لوول لا كل يوووم سيروم على حسب المزاج ​

8- امبولات ايفا بالصبار استعملت امبولتين ليلحين ومرتاحة عليهم وانشالله اذا كلمتهم كلهم القى تنيجة حلوة ​

ثالث شي (الزيوت وماسكات الشعر)​

انا كلش ما احب ملمس الزيوت بالشعر ولا اتحمل بس هالزيوت ارتحت عليهم ​

​

1- ماسك السدر (كلكم تعرفون السدر شكثر مفييييد حق الشعر وخصوصا اذا كان الشعر خفيف يعطي كثافة وينبت الشعر ) اخلطه مع اي زيت حق الشعر واحطه ساااعة كل اسبوع​

بس لازم عقبه حمام زيت لانه ينشف الشعر واحسن حمام زيت بالنسبة لي (نسيت اصوره) فاشكول بالثوم عجيب يخلي الشعر زبدة​

​

2- زيوت احطهم على حسب المزاج بس ترى اخلطهم مع بعض مو كل واااحد بروحه حلوييييين بس ريحتهم هندي لوووول​

3- الخلطة السحرية للشعر حلوة مرات اخلط معاها السدر وبروحها ما تنشف الشعر ​

وبس خلصنا من الشعررررررررر

بنات لا تردووون بكمل مع البشرة​

 

[miss angel]

البشرة

طبعاااا كلنا نحلم ببشرة مثل البيبي وصافية وخااالية من الشوائب والاثار وللاسف انا اشوووف المشاكل الي ببشراتنا من الحررر والشمس والمييييييييك اب علشان جذي لازم ما نهمل البشرة لانها راس المال لووول

راح ابلش معاكم بمزيل الميك اب طبعا شي مهم ووايد جربت مزيلات للاسف ما فادوني الي يحرق عيوني والي يحرق ويهي

والي ارتحتله وااااااااايد لوريال ما يحرق ولا ينشف طبعا عندي المناديل والميلك

----------------------------------------------------------------------

ثاني شي غسووول البشرة

1- غسول شجرة الشاي من بودي شووب حلوووووو حق الي بشرتهم دهنية والي فيها بثور

2- غسول abc هم مستخلص من زيت شجرة الشاي حلووو وكافي انه طبيعي ومافي مواد كيميائية

3- غسوول Amm عجييييييييييييييييب خفيف عالبشرة وما يأذيها وترى هالغسول حق الويه وكل الجسم حتى حق المنطقة الحساسة عجيب خصوصا اذا راده من جلسة الليزر اغسل فيه ويهي ما يحسسني

4- صابونه Acne Aid البيضة حق الحبوب حلوه تنشف الحبوب الي بالويه وااايد مرتاحه عليها ,, وصابونه البابايا عجيييييييييبه كلكم تعرفونها تخلي الويه منور وصافي

وهاذي صابونه اكني ايد وتلقونها بالصيدليات

--------------------------------------------------------------

ثالث شي الماسكات والمقشرات ماراح اتكلم عنهم بالتفصيل لانه كلهم حلوييييين

الماسكات

المقشرات

واي سؤال عنهم انا حاضرة

------------------------------------------------------------

طبعا لا تنسووون ماي الورد وو الكريم الي ارتحت عليه واااااااااايد وخفيف عالبشرة وينعمها وتمتصه البشرة وريحته تهبل من St Ives كولاجين ومرات احطه قبل الميك اب

-------------------------------------------------------------

اغلب البنات يعانون عقب الحف او الليزر من الحبوب والاحمرار والحساسية

انا عقب ما اسوي ليزر حق ويهي شي طبيعي احس بحرارة على طوووووول استعمل

1- هذا بخاخ من الصيدلية ماركة URIAGE يبرد على الويه خصوصا اذا كان في حكة او حساسية عجيييييييييب بارد ومنعش حق الي بشرتهم حساسة وتحمر من الشمس او غيره

2- كريم من اليزابيث آآردن عجيب حق كل شي جفااف او احمرار او حساسية يهدي واااايد وينعم بس ملمسه يضايق مثل الفازلين تقريبا بس عجيييب

3- كريم فيسودين كلنا نعرفه بعد الحف يمنع ظهووور الحبوب

4- جل الصبار من الصيدلية عقب الليزر حلووووووو وطبيعي

------------------------------------------------------------------

حق البنات الي يعانون من جفاااف بالويه خصوووصا بس تغسلووونه تحسون ويهكم مشدوووود ويعور لووول وفي قشووور

وانا صارلي الجفاف عقب ما خذيت حبوب الرواكتان كلكم تعرفووون شكثر تنشف الويه فا هذووول الكريمات الي فادووني صج من ناحية الجفااف

1- كريم ماركة اكسفوليك بالصيدلية تلقوونها عجيييب وما يدهن الويه ينعمه واستخدمه مراات قبل الميك اب

2- كريم لويس ويدمر هم حلووووو تقريبا مثل كريم اكسفوليك وهم مرات احطه قبل الميك اب وكافي انه طبي ومن ماركة معروفة

3- كريم اليزابيث آآردن عجييييييييييييييييييييب وتكلمت عنه توه حق الي يعانون من جفااااااف قوي

-------------------------------------------------------------------

وطبعا لابد من حماية حق الويه من شمسنا الحلوه الي تصللللللللخ

والي ارتحت عليهم

حماية بيوديرما 100 ومرات احط افين حلويييييين وما يدهنون الويه​

تاااابع مع العناية بالجسم​

 

[miss angel]

نيي حق العييييييييييييييييييين

وخصوصا الي يلبسوون عدسات 24 ساعة <<<< مثلي لاني البس طبيه فاا الجفاف يذبحني وهذا غير لما تصير العين حمره

1- اول شي بس افصخ العدسات بليل قبل النوم احس عيوني وايد تعبانه فا احطلهم قطرة THERA TEARS وااايد ارتحت عليها من ناحية الجفاف

2- هاذي القطرة تقدرين تحطينها بعيونج وانتي لابسة العدسات عاادي بس تحسين بجفاف حطي منها - اسمها Blink

3- هاذي القطرة احطها اذا عيوووني صاارت حمره من الغبار او ادمع تريح واايد اسمها RELESTAT EYE

---------------------------------

الرمووووش + الحواجب

انا رموشي الحمدالله من الله واااايد كثاف وطوووال بس طبعا من المسكرة صرت قرعة لووول قاموا يطيحوون وايد والحمدالله ردواااا مثل ما كانوا واحسن بعد

وبالنسبة حق حواجب هم خفاف واايد وكنت حااابة امتنهم والحمدالله صاروا حلويييييييييييييين ومتنوا وما يحتاج ارسمهم بتاتووو والسبب

خلطة دلع للرموش من حيادر والي تبيعها التاجرة مريووم تهبل هالخلطة والله بنات صج ب3 ايام حسييييييت بكثااافة وحواجبي نبتواا مكان الفراغ انصحكم فيها

ومرات بس ما يكون لي خلق خصوصا اذا كانت عيوني تعبانه ما احب احط عليها زيت او شي احط ماسكارا مافالا هم تهبل وتكثف الرموش التاجرة Al3efa الله يجزاها خير تبيعها

---------------------------------------

الشفايف + الاسنان

طبعا كلهم حق الجفاف و LIP BALM عجييييييب خصوصا اذا كانت شفايفج متقشرة

معجون ELGYDIUM مبيض واايد حلو صج بيضلي اسناني ومعجون EMAIL هم اينن حق اللثة يعطيها لوون وردي على احمر وريحته حلوه

والاثنين هذووول غسووولات حق الفم حلويييين

-------------------------------------

الايد + الريل

اهم شي عدة البديكير والمنيكير - فازلين الوردي حق الايد الاظافر ينعم الايد والحلو فيه ما يدبق - كريم نيتروجينا للايد حلووو احطه بليل

كريم همالايا للقدم عجيييييب ينعم كعب الريل -- كريم بيديغلو بزبدة الكاكاو والنيم حلوووو حق الريل بعد --- وهذا الصغير حق الاظافر يقوي من مافالا حلووو يخلي الاظافر ما تتكسر

------------------------------------

الأندر آرم + المنطقة الحساسة

عنايتي فيها بسيطة لانها مكان حساااس بنات نصيحة لا تعابلوون وتحطون اي كريماااات فيهاا وسوالف تبييض وماادري شنووو

ديودرنت نووكس حلوو وطبي وريحته حلوة --- ديودرنت سيباميد هم حلو وريحته انتعاش ---- سودو كريم بعد الحف

اول شي غسووول انتيميت أو غسوول كيرفري اينينون + بعدين امسح المنطقة بديتول الشخصي بس اخففه بماي + امسح المنطقة بسودو كريم + طبعا لاااازم مناديل كيرفري اليومية

وطبعا لا تنسوووووووون البودر

------------------------------------------​

تاااااااابع​

 

[miss angel]

السبوووووووووووووووووح

1- الصابووون المغربي لاااااااازم كلكم تعرفووونه

2- الصابون التونسي الي بالصباار حلووو وريحته حلوه

3- سنفرات سبا ميلك وبابايا

4- سنفرة بودي شوووب تييييييييينن

وطبعا لاااازم البدي شووور

واحلى شي ديتول و دوووف لشد الجسم او دووووف الي بالخيااار

وطبعا ما راح انسى صابونتي القهوة حق شد الجسم والسيلوليت والي خلت جسمي مشدووود واينن

و عقبها نيفيا (قوود باي سيلوليت)

لووشناااتي عقب السبوح

طبعا كل يوووم اتدهن بشي مو كلهم مع بعض​

------------------------------------------------

ولا تنسووون يا حلوين الاكل الصحي والماي لانه اهم من كل شي

وبس اي استفسار انا حاضرة

حياكم​

 

[Blue Tulip]

ماشاءالله عليج خوووش عناية
وبالنسبة للماي والاكل الصحي صاجه والله اهو اهم شي
وشجعتيني استخدم قطرة العين لاني ولا مرة استخدمتها وانا البس عدسات طبيه واحيانا احوشني جفاف واحمرار
يعطيج العافية عالموضوع

 

[miss angel]

ماشاءالله عليج خوووش عناية
وبالنسبة للماي والاكل الصحي صاجه والله اهو اهم شي
وشجعتيني استخدم قطرة العين لاني ولا مرة استخدمتها وانا البس عدسات طبيه واحيانا احوشني جفاف واحمرار
يعطيج العافية عالموضوع

اييي انصحج فيها عجيبة القطرة

والله يعافيج حبيبتي مشكوره :tek:

 

[مـزآج ــــية]

مـوضووعج عجييييب

ماشالله عليج

بس عندي سؤال شنو هذا الصابون المغربي و الصابون التونسي ؟ شنو فايدته و وين ينباع


يعطيج العافية

 

[miss angel]

مـوضووعج عجييييب

ماشالله عليج

بس عندي سؤال شنو هذا الصابون المغربي و الصابون التونسي ؟ شنو فايدته و وين ينباع


يعطيج العافية

حبيبتي الصابون المغربي الي يستخدمونه بالحمام المغربي ومعروف عنه يبيض ويشيل الخلايا الميته خصوصا اذا استخدمتيه مع الليفة المغربية السودة

وتلقينه بالحواي

والصابون التونسي استعملته جم مرة وبس حسيت انه ينظف عدددل وريحته حلوة

وانا شريته من جمعية القادسية

والله يعافيج حبيبتي :tek:

 

[ام عزيزان]

ماش اء الله عنايتج وايد حلوووووووه

واغراضج احلى واحلى

والله يتمم علييييج بالصحه والعافيه والنظاره

 

[miss angel]

ماش اء الله عنايتج وايد حلوووووووه

واغراضج احلى واحلى

والله يتمم علييييج بالصحه والعافيه والنظاره

مشكوره حبيبتي الله يعافيج

 

[a3andho0om]

5o0o0sh 3naya tslmeen 7beebty

 

[pure.soul]

ما شا الله تبارك الرحمن خوش عناية وايد استفدت مشكوورة ..

 

[miss t]

:33_1185028183:



فدددديتج على هيييك موووضوووع

رووعه X روووعه

لالالا حرمنا ابداااعج



:eh_s(9):

 

[baby johnson]

ماشاءالله علييييييييييج
بس انا هالجمله حيل اثرت فيني
2- بخاخ جونسووون عجيييييييييب ريحته بيبي يخلي شعري حلوو وهم احطه عالاطراف

اخييييه ياحلو جونسون والله :$ لوووول
الله يعطيج العافيه مبين موضوع باذله فيه جهد ماقصرتي

 

[&دلوعة القمر&]

ماشاءالله عليج حلو عنايتج

كريمات الترطيب ملج مثلي بس انا
خلطهم كلهم في علبه مع كريمات الشد مال دوف ونيفيا
مع فتامين اي صار عجيب ترطيب وشوي خفوا الخطوط البيضاء
توني مجربتهم

 

[بنت الاحلام]

حلوه حيل صراحه ربي يوفقج جزاج خيرر

 

[&دلوعة القمر&]

ماشاءالله عليج حلو عنايتج

كريمات الترطيب ملج مثلي بس انا
خلطهم كلهم في علبه مع كريمات الشد مال دوف ونيفيا
مع فتامين اي صار عجيب ترطيب وشوي خفوا الخطوط البيضاء
توني مجربتهم

 

[@الياسمين@]

عنايتج حلوه
عليج بالعافيه

 

[& مــشــايــخ &]

جزاج الله خير

كفيتي ووفيتي

خوووووووووش عنايه

 

[miss angel]

5o0o0sh 3naya tslmeen 7beebty

الله يسلمج حياااتي

ما شا الله تبارك الرحمن خوش عناية وايد استفدت مشكوورة ..

العفووو حبيبتي تسلميين

فدددديتج على هيييك موووضوووع

رووعه x روووعه

لالالا حرمنا ابداااعج

انا الي فديتج ومشكوره حبيبتي