دشي فيديني وفيدي غيري واكسبي اجر فينا يا الغاليه

[MzOoOn 22]

السلام عليكم ورحمه الله وبركاته ...


بليز بنات ابلات ... ممكن مساعده ..

الله يرضى عليكم ... اللي تررد علي ربي يسرلها امرها ويوفقها يارب ...

طلبتكم مساعده .!


درسي اهو .:

يميز بين الاطعمة الموجودة في السوق المركزي ( معلب - طازج ):eh_s(16):

يلتزم باعاده الاغراض الى مكانها الصحيح .

يجمع بعض محتويات السوق المروكزي:eh_s(9):



بليز بنات انا ابي بس الهدف العقلي شلون ابلش فيه والمنبه شحط وشتكلم فيه اما الباجي اللهم لك الحم اعرف ادبر روحي فيه :eh_s(15):



ناطرتكم:eh_s(17):

 

[MzOoOn 22]

شدعوا والله عيب ..

اذا ماعندج فكره ولا ادنى معلومه حبيتبي لا تعبين اناملج وادشين او ع الاقل كتبي شي ذكري ربج وخلي غيرج يذكر ربج وبجذي تكسبين اجر .!


ماهقيتكم جذي كويتيات .!!!


الله يسامحككم .!​

 

[سري الدفين]

والله ما عندي أي فكره تو ني ميداني بس ما بغيت أطلع بدون رد

 

[سري الدفين]

درسج صعب ليش ما تحطين هدف أسهل مثلا يميز بين الأطعمه الضاره والصحيه
المنبه يكون بعد السلام علي الأطفال ومدته خمس دقايق وأقل مثلا قصه وأهوا يستنتجون ويوصلون للشي

 

[3so0ola]

طولي بالج أختي وكلهم فيهم الخير والبركة ابلاتنا :***

#يميز بين الاطعمة الموجودة في السوق المركزي ( معلب - طازج )

المنبه : خليه لعبه ذهنية مثلا صورة او عالداتا او محسوسات اللي متوفر عندج
المهم ان تحطين أشياء معلبه وأشياء طازجة ودخلي شخصية تكون حزينة لان معاها سلتين فاضيين وعندها أغراض تبي تجمعهم تطلب من الاطفال ان يضعون الأغراض داخل بدون ماتحددين
راح يحطونهم عشوائي خل الشخصية تظل حزينه وتقول تبي تكون كل سله تحتوي علي عناصر مشابهه وجذي لين يتوصلون ان لازم يفرزون ويصنفون المعلبات والطازج
ناقشيهم بالأشياء شنو طازج شنو معلب شنو الفرق ؟
بعدين عرضي فيديو طرق حفظ الطعام (تعليب)
صوري قسم المعلبات بجمعيتكم خل يتعرفون علي شنو يحتوي


#يلتزم باعاده الاغراض الى مكانها الصحيح*
مشهد صوري فيديو ولدج او اخوج بالجمعية وهو يرجع الأغراض لمكانها الصحيح
يفضل يكون بقسم المعلبات او الخضار والفواكه


#يجمع بعض محتويات السوق المركزي*
سوي مسابقة بين فريقين وخطي رفين او سلتين فيهم شغلات نلقاها بالجمعية وشغلات غير موجودة والمطلوب يصنف او يعلق اللي موجود


بس احس أهدافج مؤ مترابطة يعني لو حاطه الهدف الاجتماعي يحرص على تناول الأطعمة الطازج يكون نصيحة من دكتور مثلا ان يأكل الفواكه او الخضار او الذرة او السمك الطازج افضل من المعلب
*والحسي حركي يلعب مسابقة مرتبطة بالنشاط وتكون تصنيف بين المعلب والطازج وايد افضل
وتكون كل أهدافج بمحور واحد وتخدم الهدف العقلي

تحياتي لج*

 

[MzOoOn 22]

• مشكـــــــــــووورره عسوووله ماقصرتي حبي ...

سري الدفين مشكوره شسووي وقعت المشرفه ع الاهداف يعني لا تعديل

 

[ورود كويتيه]

اب اب