دعواتكم لي بالزواج دششو تكفففون

[oshi_q88]

السسلام عليكم
بنات ب اختصار انا تتتعببت مدري ششفيه حضضي والله مدري شفيه
ااابي اتزوج :eh_s(2): لححد يقولي نصيب ومدري شنو عارفه انه نصيب
وعارفه انه الحياه ماتوقف اذا ماتزوجت بس انا محتتتتاجه اففرح حالي حال البنات الي حوولي
الي كبري والي اصغر مني والي اكببر مني والي مطلقه كككل الي حولي زوججن
والله واقولها من ققققلبي الله يوفقهن وفرررحت لهن ويشهد علي رربي فررحت
ببس اننا ابي احد يفررح لي ابي اجرب ادخل حيياه ثثانيه ابي ليله اعييش فيها ملككه
ابي الكل يمششي ويباركلي حالي حاللهم ياعلم والله والله مماني شيينه :eh_s(2):
مب انا الي اقووله بس ممااادري لييه محد يخططبني :eh_s(2):
اختي الي اكبر مني عمرها 28 خاطبها واحد عمره 26 ورفضته تقول اصغر مني
ليييش ماقالو نبي اختها الصغيره ووش العيب فيني عششاني جالسه بالببيت بدون وضيفه
ولا وش المشششكله :eh_s(2):
كل عرس اجلس مع البنات ككلهن قدامي ينخطبن وانا مزهريه بينهم مااكآني موجوده :eh_s(2):
مع اني انسسانه بششوشه وكله مبتسمه واعرف اتكلم هم عككككسي :eh_s(2):
ابي ادور وش الي ناااقص فييني ماني عاارفه
ااااخ بس تدرون اني الحين اتششفق ع الاطفال لدرجه ادخل قسسم الحوامل !!!
عارفه عمري 23 وتو الناس بس انا احبب يكون لي حياه حالي حال غيييري
كان معي وحده من رفيجاتي كله نجللس ندعي ونسوي حتى قانون الجذب هذا
وكنا نتشارك الهم نفسسه سسبحان الله قبل خمس ايام دشيت عليها ب الواتس الظهر
قلت لها راح تتزوجين دشت علي بعد صلاة المغرب قالت انا انخطبت
مااششاء الله كنت حاااسه يشهد الله فررحت لها حيييييل
والحين صار الهم ياكلني انا وحدي
لا ابو يعطيني حناان ولازوج احسس تعععبت وربي
غييير بنات من العايله نغزات يقطونها ب الانستقرام والواتس اب
وسوالف وووش كثثر بس متحمله وسساكته وانتظر نصيبي
ااااخ بس فينني هم وربي صاايره ككله معصصصبه وابي البيت هدؤ
بنات ببببس ابيكم تدعون لي
بس المطلوب كل من تدش هني تدعيييييلي تدعيلي اتزوج واففرح
محد حاس بالي فيني بس ابي تدعون لي
يارب يزوجني عآجلآ غيير آجلآ بآلرجل الطيب

الله يفرررح قققلب كككل من تدعيلي بالزواج :eh_s(2):

 

[Hand]

حبيبتي حاسه فيك لاني مثلك
بالضبط بس مالنا غير الصبر والدعاء
واكيد تاخر الزواج خيره لنا
الله يرزقك بالزوج الصالح

 

[ايمان7]

أنا عكس عمرج 32
وكنت مثلج بالضبط بس الحين احس قلبي مات ماعدت احس ولافي مشاعر مثل قبل
احساسي بارد وقلة رغبتي بالزواج
عسى الله يرزقج الزوج الصالح اللي يسعدج وتشوفين معاه كل الفرح والسعادة
ويرزق كل بنات المسلمين اللي تبي الستر والعفاف

 

[البابانه توته]

امبيه مواليد ٨٨ وتقولين متاخره بالزواج !!!
عيل اختج الي تكلمتي عنها عمرها ٢٨ شتقول !!

حبيبتي عيشي حياتج ولاااحقه عالزواج
وهم مافيها شي تستمرين بالدعاء

ياارب يرزقج ويرزق بنات المسلمين الزوج الصالح اميييين

 

[oshi_q88]

حبيبتي حاسه فيك لاني مثلك
بالضبط بس مالنا غير الصبر والدعاء
واكيد تاخر الزواج خيره لنا
الله يرزقك بالزوج الصالح

الحمدلله على كل حال
والله يرحم بحالنا ويرزقنا بالزوج الطيب الصالح يآآآرب

أنا عكس عمرج 32
وكنت مثلج بالضبط بس الحين احس قلبي مات ماعدت احس ولافي مشاعر مثل قبل
احساسي بارد وقلة رغبتي بالزواج
عسى الله يرزقج الزوج الصالح اللي يسعدج وتشوفين معاه كل الفرح والسعادة
ويرزق كل بنات المسلمين اللي تبي الستر والعفاف

حبيبتي ايمان كنت معاج بحملة الزواج :eh_s(2):
الله يرزقج بالمثثل عاجلآ غيير آجلآ :eh_s(17):

 

[oshi_q88]

امبيه مواليد 88 وتقولين متاخره بالزواج !!!
عيل اختج الي تكلمتي عنها عمرها 28 شتقول !!

حبيبتي عيشي حياتج ولاااحقه عالزواج
وهم مافيها شي تستمرين بالدعاء

ياارب يرزقج ويرزق بنات المسلمين الزوج الصالح اميييين

آختي غيير وآنآ غيير وهي عندها وضيفتها واصلن هي ترفض ماتفكر بالزواج
وكل واحد ورغبته
وانا مواليد 1990
وحياتي عآيشتهآ بس آنآ آنسآنه آبي حيآه ثثآنيه
مراح تحسسين فيني دامج متزوجه وصدقيني لوتآخر نصيبج رآح تحسين فيني
الله يسسخر لج ريللج ويخليه لج :eh_s(7):
مشكوره ع الدعوه الطيييبه

 

[MRS.coupe]

امبي الحياة مو واقفة على زواج وريل وعيال
قبل لا تفكرين شلون تبنين اسرة وتكونين افراد يعبدون ربهم
فكري شلون تطورين نفسج وتنتجين بهالعالم
الله ما خلقج بس عشان تتزوجين وتييبين عيال وبس

حفظي قران وحفظيه لغيرج
تعلمي كملي دراستج
توظفي
للعلم الرجال ما يحب البنت السطحية الي مالها اهتمامات
انا ادعي انه الله يوفقج وييسر امرج ويرزقج الزوج الصالح

 

[qoot]

الله يرزقكم بالزوج الصالح ويفرح قلوبكممم

 

[glby7sas]

انا حاسه فيج لاني كنت مثلج
بس بقولج اشسويت كنت كل يوم اقرى سوره البقره بنيه الاجر والزواج وكنت واثقه انه الله بيستجيب غير هذا كنت اصلي كل الصلوات بوقتها
ولمه اصلي الفجر اقعد بمكاني استغفر واقرى قران وكان عندي كتيب فيه ايات الرقيه مع ادعيه اقعد اقراهم وبعدين ادعي ربي من قلبي ساعات من كثر ماكنت ادعي كنت ابطل مواقع ادعي ادعيه الزواج
ودشيت مع مجموعه بنات بالنت نحفظ سوره البقره مااخبي عليج كنت احلم باحلام مزعجه وفجأه قمت اخاف عاد يوم شفت نفسي جذي قمت زياده على هالاشياء اشرب ماي مقري وادهن نفسي بزيت زيتون مقري وقبل النوم احط مسحه من مسك ابيض فوق حلجي عشان اشمه طول ما انا نايمه واهم شي قطعت الاغاني والتزمت لي درجه كنت اقول انا الحين مو خايفه من الموت وبعدها رحت العمره وكنت اشرب ماي زمزم وادعي بزواج وكنت اجابل الكعبه بروحي انحاش من اهلي ماابي احد يشوفني واقعد ابجي وادعي اطلع اللي بقلبي وختمت القران بنيه الاجر والزواج واول الختمه قبل دعاء الختمه دعيت بالزواج بعدين قريت دعاء ختك القران وكنت اقعد اتحرى ساعات الاجابه الحمد الله ربي ماخيب ضني بعد سنه الناس قامت تخطبني ورفضت جم واحد لانه مايناسبني والحمدالله يا نصيبي



سوي مثلي والله يفرجها عليج

اي صح نسيت اقولج كنت بين فتره وفتره اتسبح بماي مقري مع سدر وخل ابيض لمده سبع ايام متواصله

 

[رمادية الهوى]

اسال الله ان يرزقك الزوج الصالح ويوفقك ويفتح لك كل باب مسكر يارب

مالنا الا الصبر والدعاء وربي يرزقنا ويفرح قلوبنا ويبشرنا بالخير يارب امين

 

[مزيونة الخبر]

أجل انا شقول عمري 28 وماتزوجت صابرة ومحتسبه أن شاء الله الله مايضيع صبري ولا حيل أتألم من داخل حيل

 

[dalo0oa121]

حتى انا مثلكم ..
لدرجة افكر بالانتحار لاني محتاجة اهتمام.
محد مهتم ولا مقدرني بهالحياة.

 

[Kocheko]

عيل اللى عمرها 33 شتقولو !!
والله ياليتني بعمرج .. كلشي نصيب ومالج الا الدعاء ..

 

[oshi_q88]

الله يرزقنا يآآرب ويفرحننآ

 

[زوجة حياتي]

توووووووو الناس. اهتمي بنفسج واشغليها واستغفري نصيبج بيصيبج

الله يرزق كل بنات المسلمين بأزواج صالحين

 

[مياوي ديسمبر]

كل شي يصير لج في هالدنيا خيرة

و الواحد منا يقول ربي لك الحمد اغلبنا ما تزوجنا و لا تقولين مو حاسين فيج حاسين فيج و الله انا عمري 27 و ما تزوجت لكن اقول ما تاخر عني الا لان في خير لي قوليها من كل قلبج ربي سبحانه اعلم بما فيه الخير لنا هذا اولا

ثانيا لازم تشغلين نفسج و انتي الحين بدون وظيفة عشان جذي بس تفكرين ليش ما تقدمين على وظيفة و اذا انتي ناطرة الديوان او القطاع الخاص يدقون عليج اشغلي وقتج حفظي ايات قصيرة و شوي شوي لما تحفظين القران كله باذن الله اقري قصص شوفي انتي شنو ميولج بالضبط تعلمي شغلات جديدة عليج تفيدج بعدين مثلا مثال يعني الاكل الصحي شلون تحطين مكياج ( اقصد بين الحريم لان ما يجوز تتزينين برا البيت) تعلمي شلون تسوين عطور يعني امثله وايد سوي رياضه في البيت المهم اشغلي نفسج و لا تفكرين

و الله يرزقج و يرزق جميع بنات المسلمين الازواج الصالحين

 

[nour el denya]

عد قلبي انتي اهم شي الدعاء و موشرط ان الي تنخطب وايد تتزوج
إن شاءلله الله يرزقج الزوج الصالح و الذريه الصالحه إلي تقر عينج فيهم
حبيبتي حاولي تشغلين وقتج بوظيفه و دراسه و هوايات
حفظي قران و روحي دروس دينية وجبي الناس
و إن شاءلله نصيبج بجيج و متى ما جا حياه الله
بس خليج مستعده اعتني بنفسج من حيث الشكل و الفكر و نمي مواهبج
و ترى توج عنونه عيشي حياتج ولا تشيلين هم الزواج

 

[باتشي99]

ان شاءالله ماتعدي هالسنة الا ونتي ببيت زوجك وكل من تتمنى ياربي ♡

 

[Japanese]

السموحه منج اول شي على كل شي بقوله بس هاللي اجوفه وهذا رآيي وان شاء الله تتقبلينه

انتي وين عايشه اول شي؟؟ الدنيا تغيرت عن قبل ،، احين البنات مايفكرون بالعرس الا لما يعيشون هالدنيا طول بعرض

والقصد من انج تعيشيين حياتج انج تطورين بنفسج تجربين هالدنيا تعيشينها بمعنى الكلمه

تدرسين تشتغلين تكتشفين نفسج بالهوايات والآشياء هاذي

تسوين اشيا لنفسج وتغير منج

يكون لحياتج هدف سامي ومعني ،،، تعيشين هالحياه بشكل يخليج لا كبرتي تقولين آححح صج اني سويت وفعلت وحطيت وشلت

يعني تخيلي معاي لو انه حياتج تتلخص ب 30 ثانيه ،، شلون تبينها تكون وتمر؟؟

الشي اللي راح تحنين عليه وتبينه ماراح اييج ،، راح اييج بالوقت المناسب ولازم تقتنعين بهالشي

" انا عن نفسي هاللي اجوفه صاير بحياتي وحياه ناس وايد " ،، في مثل يقولج You lose what you cling on

والمعنى من هالمثل انه الشي اللي تتعلقين فيه راح تخسرينه وفوضعج انتي وبنات وايد ماراح تحصلونه

خلي نفسج وحياتج اسمى من انج تقزرين عمرج على امل بس انج تحصلين ع شي معين سواء زواج يهال ولا اللي هو

عندي سؤال بعد ،، تحسين صج انه تبين حياتج بس زواج ويهال؟ هاي اهم شي عندج؟؟

الدنيا بس زواج ويهال؟ انا فاهمه سالفه الامومه والاستقرار وكل هذا بس يتروالي تقدرين تحسسين نفسج بكل هذا

بدون ماتشغلين نفسج بهاجس الزواج والعيال ،،

تبين الصج ،، انا كبرت وانا سالفه الزواج نادر نادر ماتجي على بالي مادري ليش صراحه

بس عمري ماحسيت اني صج ابي استقر او اني مستعده لمشاركه حياتي من شخص ثاني

وصج اني احب اليهال وقلبي يتنتف لما اجوفهم بس ماجوف نفسي مع ياهل ،، احس اني كلش مب مستعده نفسيا

احس ان في وايد اشياء ابي اسويها وابي اعرفها قبل لا اصير زوجه وآم

والهاجس الاكبر اللي امر فيه احين " الوقت " وقتي صرت احب يكون معظمه لي انا مب لآي حد ف ماجوف نفسي

اقدر اشاركه مع حد ببساطه جذي ،،، ويمكن للسبب اللي قتلج عليه اني احس اني ماعشت حياتي وليحين في اشيا وايد ابي اسويها

لنفسي

شغله بعد ودي اسآلج ياها ،، حطيتي نفسج بالعالم الخارجي ودائره الزواج ؟

مثلا ،، تروحين وين الحريم الكبار ممكن يشوفونج؟ وشكثر؟ هل صج حاولتي بما فيه الكفايه انج تبرزين نفسج لهالفئه

اللي تدور عروسات ؟؟ اي وصج ليش ماتشتغلين ؟؟ وايد بنات اعرفهم خذو زملائهم بالدوام!!

القصد من هذا كله انه لازم تسوين كل شي تقدرين عليه

تقبلي مروري واتمنى صج ان كلامي يساعدج ​

 

[الجادل الخشف]

الله يرزق كل محرومه بالزوج الصالح ويرزق اللي مانجبت بالعيال ويصلح عيال الامهات يارب يارب ياربواختي لي نصيحه لج بما انج مو موظفه اكيد ماكملتي دراستجكملي دراستج وانشغلي وخلي عندج طموح غير الزواج