دعواتكم................

[سارونه السالم]

مقهوره من زوجة اخوي والخروف اخوي ساكت لها تتكلم في امي وتقول انها سبب مشكالها :eh_s(14):وهي كذابه كل ماتهاوشت مع زوجها اورفض لها شي تسوي مشكله انسانه فاشله بالدراسه وكمان في ادراة بيتها وماعندها اسلوب مع زوجها الموت ليش ترفع صوتها على امى ان عاد ما سكت لها وصارت ................... هوشه بيني وبينها كنت راح اضربها بس امي وقفت بيني ووبينها :eh_s(16):ونزلت بيتها الحيوانه واخوي مسوي فيها زعلان ويطلعني بنصف عين وابوي ماله اي دور طفشت متى اتزوج علشان ارتاح من وجه القرده زوجه اخوي ومشاكلها :eh_s(16):

 

[iTaLiyA]

حبيبتي طنشيها و اسفهيها هالنوعيه من البشر ما تصير سيدا الا لما تحقرينها
و خلي امج لا تكلمها عشان تحس بغلطتها
و ان شاءالله تتزوجين و اييج ولد الحلال و يفكج من المشاكل

 

[المرتاحة]

لا عاد الله يهديج الا مدت الايد مو حلوه لا بحقج ولا بحق اهلج ولا بحق مرت اخوج

مسكيها و كلميها باسلوب حلو و شرهي عليها قولي لها انتي حسبت اخت و هذي حسبت امج ليش قلتي عنها جذي ترى محد يرضى على امه مثل ما انتي ما ترضين على امج..قولي لها و امي عادتج حسبة بنتها الخ الخ علشان تنكسر عينها و تستحي على نفسها و تطخ

والله يهديها هونيها و تهون لا تسوين بعمرج جذي و ادعي لها بالهدايه و انتي عسى الله يرزقج بالزوج الصالح

 

[الجو رايق ~]

شوفي حبيبتي نصيحة مني لك

لاتدخلين نفسك بمشـاكل مع حريم اخوانك او مع اي احد

خلاص امك اذا كلمت اخوك وردت على مرت اخوك لاتكبرين السالفة مابينهم

حتى التعدي عليها بالضرب ترى مايجوز بكرة تشكيك وانتي بعدك بنت وتشوه سمعتك ..

طولي لسانك ودافعي عن امك بس الضرب لاتوصلين له ابد ..

واخوك ومرته قولي عليهم السـلام وتعاملي معهم برسمية حتى لو يطحنون بعض ماعليك منهم ..


الله يرزقك الزوج الصــــــــــالح ويهدي اخوك ومرته ويخلي لك الوالدة​

 

[روانتي 12]

نصيحه مني مالج شغل بحريم اخوانج .. خليهم يقولون الي يقولونه عطيهم طااااف

بس اذا تكلمو عنج قوومي عليهم .. واذا امج ماتكلمت خلاص انتي انسحبي مالج شغل

و زوجة اخوج هذي شكلهاا مسيطره عليه و شكله اخوج تحت امرهاا عششان جذي مايقدر يدافع

بس غريبه اشلون اخوج يسكت عن مرته يوم تسب امج ...؟؟

 

[سارونه السالم]

اخوي مانعرف خيره من شره كان مسوي في خواتي المتزوجات الهوايل قبل الزواج والحين صارمعدوم الشخصيه اذا صار عندنا يمد لسانه وفي بيته يبلع لسانه وبعد المشكله قاعد يقول حق امي ايش تبين اسوي لها اطلق زوجتي قالت امي لا .............لا تدخل زوجتك بيتي انا صاحبة امراض صاريجي عند ابوي في الديوانيه يسلم ويطلع ولا يسلم على امي ويقول حق ابوي بنتك يقصدين قاعده تلعب براس امي انا ناويه اكلمه وجه لوجه واشوف ايش عنده بس امي تقول لا والحركه الجديد من ابوي امس قال تعالي الديوانيه تخيلوا ايش كان يبي مني ؟؟؟؟؟؟؟؟؟؟؟؟؟؟؟؟؟يقول هذا شيخ يتحدث عن عقوق الوالدين اجلسي واسمعي انا طلعت غرفتي ابكي من القهر وقلت حق امي قالت ماعليك منه انتي احسن وحده بعيالي طول الوقت وانا بالغرفه علشان مااشوف ابوي .....................................

 

[أنسأنة غير]

يعني اي وحدة مكانك تسوي زيك عششان هذي امك أمك أمك يعني لو أنـآ طرتها وطرتت اخوي معها والله قلة حيــآ
ماعليك حبيبتي راح تشووف هالافعال بعيالها انتي بتتزوجين ان شاء الله
والله قهرتني

 

[عبير العنزي]

الحمدلله والشكر

اخوج هذا شخصيته معدومه

شلون يسمح لزوجته ترفع صوتها على امه ؟؟

صراحه معاج حق تنقهرين حبيبتي..الله يعينج

خلي امج تكلمه وتقوله يسوي حد للي قاعد يصير وانتي حاولي ماتحتكين مع مرت أخوج

بس عندي تعليق على الكلمه اللي قلتيها وجه القرد..ياليت لو ماتستهزأين بخلقة الله

والله يهدي مرت اخوج يارب