دعوة للي يلبسون الماركات الأصلية واللي يلبسون سوبر تقليد .. للنقاش فقط

[حبيتكم]

هلا حبوبات

شحالكم بنات ..

اليوم عندي موضوع وابي رايكم فيه .. او بمعنى آخر سؤال ..


اللي تلبس شنطة أو جوتي (وانتوا بكرامة ) ماركة ليش ما تلجأ للتقليد -بغض النظر اذا عندج خير او لا -

قصدي الحين صار في سوبر تقليد لكل شي حتى الشي الرخيص يتقلد .. وسوبر تقليد .. فليش ما تلجئين له ؟


واللي تلبس تقليد .. ليش ما تلجئين للأصلي -لو كان عندج الخير - هل تستخسرين تفرين مبلغ وقدره وتقولين حرام محاسبين على هالخير؟



طيب ..


اللي يلبسون سوبر تقليد a+++ من الدرجة الأولى كيف توثقين انج مش مكشوفة وأغراضج تبين أصليه ؟


و قالأخير خبرووووووونا .. تقدرون تحللون من نظره اذا هالشنطة او الجوتي تقليد مثلا بدون ما تقربون من البنت مثلا فالسوق ؟






يلا نبى مشاركاتكم بنات وبدون حساسيات ونتذكر انه محد اقل من حد بس اختلاف وجهات النظر ممكن تظطرنا نتخذ قرارات معينه نختلف فيها عن الآخرين ..



يللا ووووووووووووووين التفاعل

 

[كويتية بروما]

ووووووووووووع لو شنو ما البس تقليد درجه اولى او عاشره ان كان ماعندي فلوس اخد اصليه البس الماركات العاديه مثل قس وروكو بروكو ومن دبنهامز وجردانو والمحلات هادي اسعارها معقوله والكل يقدر يلبس منها
والتقليد تبين تبين تبين تقليد اللي ماعندها لا تلبس احسن ومشكوره

 

[MiSs-HTNI]

انا من الناس البس ماركاات وماعمري لبست شي تقليييد
بس مااخذ من الماركااات الغاليه اهلي مومقصرين معاي لاني طالبه ليلحين ماعندي معاااش بس الشي التقليد يفشل ويبييين
نفس الرد اللي قبلي .. اخذ من الماركاات العاديه الرخااص يعني مو بالعلالي ..


واكيييد اول ماشوف بنت لابسه مثلا جنطه او جوتي وانتو بكرامه او حزاام يبييين ان كااان تقليد ولا اصلي ..
وانا ماايد اللي يشترون تقليد لان الاحسن البس جنطه ماعليها ماركه ولا البس تقليد ماركه ..

 

[استغفرالله^^]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

والله تقليد واصلي كلهم نفس الشي
ومايبينون انهم تقليد

 

[حبيتكم]

رد : رد: دعوة للي يلبسون الماركات الأصلية واللي يلبسون سوبر تقليد .. للنقاش فقط

ووووووووووووع لو شنو ما البس تقليد درجه اولى او عاشره ان كان ماعندي فلوس اخد اصليه البس الماركات العاديه مثل قس وروكو بروكو ومن دبنهامز وجردانو والمحلات هادي اسعارها معقوله والكل يقدر يلبس منها
والتقليد تبين تبين تبين تقليد اللي ماعندها لا تلبس احسن ومشكوره

رايج نحترمه حبيبتي وفعلا في وايد عندهم هالفكرة يا شنطة محترمة او ماركه اصليه

 

[o0سارآo0]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

والله تقليد واصلي كلهم نفس الشي
ومايبينون انهم تقليد

انا معاج في الكلام الي قلتي وبعد اهم شي اذوق يعني الحين مثلا وحده البسها كله ماركه بس الذوقxxxxxxx اشنو تتوقعين اناس بيقولون بيعجبهم البس كيد لا اناس دائم ينضرون الشي الغالي انه وااااو يعني شي مره حلو انا اهم شي عندي اشكل موكل غالي حلو ومو كل رخيص حلو يرجع الذذذذذذذذذذذوق

 

[حبيتكم]

رد : رد: دعوة للي يلبسون الماركات الأصلية واللي يلبسون سوبر تقليد .. للنقاش فقط

انا من الناس البس ماركاات وماعمري لبست شي تقليييد
بس مااخذ من الماركااات الغاليه اهلي مومقصرين معاي لاني طالبه ليلحين ماعندي معاااش بس الشي التقليد يفشل ويبييين
نفس الرد اللي قبلي .. اخذ من الماركاات العاديه الرخااص يعني مو بالعلالي ..


واكيييد اول ماشوف بنت لابسه مثلا جنطه او جوتي وانتو بكرامه او حزاام يبييين ان كااان تقليد ولا اصلي ..
وانا ماايد اللي يشترون تقليد لان الاحسن البس جنطه ماعليها ماركه ولا البس تقليد ماركه ..

هلا والله


طيب حبوبة كيف تقدرين تجيكين انه هالشنطة تقليد

الحين يقولولج نتحدى تبين انها تقليد الهارد وير بروفيشنال ونفس التفاصيل بكل دقه ..

بس السيريال تمبر وهمي ... كيف تميزينه؟

 

[حبيتكم]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

والله تقليد واصلي كلهم نفس الشي
ومايبينون انهم تقليد

كيف نفس لشي حبوبة ؟ هل جربتي شنطتين وحدة تقليد ووحدة اصلية ؟ ما لاحظتي فروقات فالتصنيع والخام ؟

 

[حبيتكم]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

انا معاج في الكلام الي قلتي وبعد اهم شي اذوق يعني الحين مثلا وحده البسها كله ماركه بس الذوقxxxxxxx اشنو تتوقعين اناس بيقولون بيعجبهم البس كيد لا اناس دائم ينضرون الشي الغالي انه وااااو يعني شي مره حلو انا اهم شي عندي اشكل موكل غالي حلو ومو كل رخيص حلو يرجع الذذذذذذذذذذذوق

انا معاج في مسألة الذوق في بنات نعومتهم وذوقهم يرد الروح ودج بس تشوفين اناقتهم

وفي بنات لو شو تلبس حتى لو اصلي يبين جيب وتقليد لانها مش عارفة كيف توظف الاغراض اللي تلبسهاوماعندها ذوق

 

[bibi]

كل من عنده وجهة نظر بهالخصوص وأغلبها لو بتحللينها بتلقين فيها جزء من الصحة سواء اللي يلبسون أصلي أو تقليد ، البعض ينظر للشي انه استهلاكي راح ألبسه فترة وبتروح موضته وثمنه موفيه مثل المجوهرات بإمكانج تبيعينها فيستخسرون أو يستحرمون دفع مبلغ كبير على الماركة .والبعض لأ يفضلون السلع الأصلية .

بالنسبة لي مستحيل ألبس تقليد ولو كان المنتج مو باستطاعتي مستحيل ألجأ للتقليد ، والبضاعة الأصلية دايما تكون جودتها وسعرها فيها ، ولأني ألبس الشي لنفسي ومايعنيني الناس عرفوا اني لابسة أصلي ولا تقليد ، ومثل ماقالوا البنات أفضل أدفع مبلغ فماركة أقل مستوى من التوب براند
ولا أني أدفعها فتقليد درجة أولى .

بس أهم شي أن الواحد يلبس عشان رغبته وحسب قدرته ومايكون تقييمنا واحترامنا للناس حسب مانشوفه عليهم لأنه للأسف هذا اللي صاير عندنا وصار التقييم والاحترام مقرون بالسيارة وماركة الجنطة وو الخ .

 

[caramil]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

انا من رايي.. قبل فتره كنت اشتري جناط اصليه بس مو من الكويت..وجربت كل المااركات...وانترست عيوني
وللعلم عن خبررررررره ..كل الماركات فعلا تكون فرنسيه او امريكيه او اوا او..بسبب ارتفاع اجور الايدي العامله عندهم
نقلوا مصانعهم للصين..وهونكغ كونغ وهالاماكن..وفي عقود بين الصينين والفرنسيين انهم ياخذون اجور ضعيفه
مقابل انهم يصنعون من كل موديل كميه للصين..

يعني انا رايحه الصين 4 مرات و ابوي مشالله فوق ال8 مرات..وبحكم الخبره قمت اميز بين الدرجه الاولى والاصليه والتعبانه

يعني اذا كانت الجنطه درجه اوووولى حيل...ماتتميز..لأن ياما بنات شافوا علي جناط تحلف تقولي والله والله نفسها اهي..

ماتت قهر تقولي انا جنطتي بـ500 دينار..وانا شاريتها بـ120 ..بس اللي عندي طبعا اصليه بس ماخذتها من هناك..

لكن لاعت جبدييي من الماركات خصوصا بعد ماداومت بالكليه كل االبنات تقليييييييد طيحوا الماركات من عيوني

الحين دايما البس جناط من دبنهامز وماركات عاديه يعني الجنطه ماتصعد عن ال100 دينار بإختصار شديد..

لا وما اتحسف اذا لبستها لبسه وحده ..عكس الماركه يعورج قلبج عليها..

وبالنهايه اللي عندها ذوق لو تلبس شنوو يبين عليها كلاس..والهيليقيه لو تلبس اغلى جنطه تطيح حظ الجنطه

هاذي وجهة نظري

 

[مناير ...!]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

السالفه اذواق سوا ماركه او عاديه
بس الي يبط جبدي الي تلبس جنطه فيها الف رقعه قوتشي ال في بيربيري واتيي زامره بعمرها
يعني حتى ماتدري وين الله قاطه

وبعد برايي احله تشتري جنطه ذربه من ريفير ايلاند او قس او زارا
ولاتشتري جنطه ب 50 او 60 وتقليد ومبينه تقليد .. غميضه


عني يالبسها اصليه يالبس جنطه من ماركه عاديه
ولاالبس تقليد لانه خساره عليها الفلوس لاهي الاصليه ولاهي العاديه

 

[عجميه ولي الفخر]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

شوفي حبيبتي

بالنسبه لي عادي عندي اشتري ماركه وهم عادي اشتري تقليد ..

بس شوفي في تقليد درجه اولى ما تفرق الاصليه عن التقليد

مثل اختي شرت لها جنطه برادا الاصليه من لندن سعرها يمكن 500 دينار ردت الكويت لقتها اختها من امها وابوها تقليد ما تعدا ال 40 دينار ! بس شنو الفرق من الداخل بس ..

وهني بصمت على العشره .. ان المساله مومساله البس ماركه او لا .. المساله مساله ذووووووووووق ..

وياما شفنا ناس لابسين من فوق لي تحت ماركه بس وعووو ماكو ذووق

 

[ام سعود ديكسون]

البس اللي ارتاح له مو اللي يريح الناس

واذا لقيت شي حلو يشابه الاصلي اشتريه عشان اونس روحي حتي لو يتقطع ما اكون خسرت وايد بس كنت لابسة شي متفنتكة فيه

والأصلي اشتريه لجودته لانه يكد سنين وبنين وما يتقطع و ذرب

ياما دشينا تنزيلات فيلامودا وشفنا استوكات الماركات كلش ما تنلبس تفشل من كثر ما أهي خلاجين

 

[$حبيبة عبودي$]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

على حسب الميزانيه والله اذا عندي فلوس اكييييد ما البس تقليد بس اذا ماعندي شسوي ماكو الا البس تقليد ..
وصراحه انا الشوز عاتي لو اخذ تقليه اهم شي عندي الجنطه والساعه ..

 

[$حبيبة عبودي$]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

على حسب الميزانيه والله اذا عندي فلوس اكييييد ما البس تقليد بس اذا ماعندي شسوي ماكو الا البس تقليد ..
وصراحه انا الشوز عاتي لو اخذ تقليه اهم شي عندي الجنطه والساعه ..

 

[Coco.chanel.moi]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

مممممممممممممممم
المسألة مسألة ذوق بالاول وانا البس الاصلي بس هم عادي البس التقليد بس شرط انه يكون تقليد درجة اولى وهم البس من زارا ومانغوو عادي يعني يمكن وحدة تلبس من راسهااا لي ريلهااا ماركة اصلية وكشخة بس ماكو ذوق ومو عدل لابسته ويمكن وحدة لابسه تقليد ويكون شكلها احلى ولالا بعد يمكن وحدة لابسسسة ملابس عادية اكشششخ من الاثنين
وشكرااا

 

[nandeny]

والله اللي بقوله تقريبا مثل البنات بس شي يحر البس ماركه والقى اللي معاي نفسي بالضبط بس الفرق تقليد درجه اولى !!!!

وماكو فرررررررررررررررررررررررق الا شي بسيط بسيط بسيط جدا جدا جدا والماركه تضرب بالعلالي والتقليد بالواطي ليش هالاستخفاف !!!!

بس اقولكم شي سوري والله بس اللي اشوفه واللي اسمعه اغلب البنات من العوايل الهاي الهاي واللي خبركم والله لبسهم تقليد ولا تشكين اصلا

فيهم لان استحاله تحطين ابالج وحده من هالعوايل تلبس تقليد واهم كله تقليد بتقليد بس احنا ما نحط اباالنا هالشي

والله اعرف تجار يحلوفون اغلب زباينهم من هالنوع بل بل بل بنت فلووووووووووووووووووووس وتلبس تقليد درجه اولى واحنا نحط

ابالنا ان اصلي !!!

حتى ذاك اليوم كنت رايحه معرض الخريف بارض المعارض والله في وحده من الكويتيات حاطه بلاوي وسوالف يعني كله جناط وعزكم الله جواتي واكسسوارات والخ والخ والله والله شفت بنات زقرررررررررررررررررررت ويخرعون قاعدين يلبسون والله لو اشوفهم بره ما دري ان اللي يلبسونه تقليد !!!

ومشكوره حبي عالموضوع

 

[عطر المدينه]

رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

انا اشوف اللي تقيس الناس بلبسها وشنطها الماركات انسانه سطحيه

يالله المهم انا كارهه هالماركات من كثر ماهبوا فيها العالم ..

ونقدر نتميز بدون تقليد وبالذووووق الرااااقي والمتميز فقط ومو لازم يكون غالي

عن نفسي انا احب الاناقه وماابخل على نفسي بس بالمعقول
أعرف بنات من الطبقه الغنيه جداً لكن لبسهم مو مثل لبس بنات الطبقه المتوسطه او اقل منهم
مو مهتمين بالماركات لنهم مو ناقصين مو بخارجهم , بدااخلهم
وهذا اهم شي الداااخل مو الخااارج


وتذكرت سالفة الملكه اليزبيث اللي خلوها رساله لكل حواء في هذا العصر
لما التقطت لها صوره ترحب بأحد الرؤوسااء ومعها شنطة ايد وبالصدفه وجدت لها صوره
بعد 40 عام ترحب بالرئيس الامريكي السابق ومعها نفس الشنطه !!

حلو الثقه بالنفس والاناقه بالعقل

 

[caramil]

اي صج نسيت اقول شغله لووول تذكرتها وانا اقرا الردود


انا اعرف سوق بالصين كللللله جنااط وفيه كل الماركااات اللي تخطر على بالج..

واحنا نتسوق شفنا كذا شخصيه معروفه يعني طلعوا كلهم تقليد ومحد يلبس الماركه الا اللي ميزانيته على قده
تقعد تيييمع تييمع عشان جنطه
واحنا ياغاافلييين لكم الله..

من يومها حلفت والله ما اشتري شي ماركه ماركه الا لجودته والا حق جهازي لما اتزوج لوووووووووول

الله يعافي ريفر آيلاند والتوب شوب وزارا و هالماركات

وثانكس