دفاعي عن الزوجه الثانيه ..ونصيحتي للزوجه الاولى

[اشتياق]

ماكو وحده ترضا احد يشاركها بزوجها انتي قلتيها

 

[blue diamond]

موضوع متشعب وعميق

وكل انسان يحلل ويفسر من منظوره الشخصي
ما يصير نؤيد أو نصير ضد الزواج الثاني...
إلا بمعرفة جميع الاسباب اللي أدت للزواج الثاني
ممكن يكون الزوج ظالم أو مظلوم
ممكن يكون له أسباب منطقية
ومو كل زوجه أولى دفعت زوجها للزواج عليها
ومو كل زوجة ثانية ظالمة
وختاما ... الله يجعلكم جميعا قرة عين أزواجكم
ويرزقكم بالابناء الصالحين
وحياة زوجية سعيدة
وتقبلوا مروري​

:eh_s(15):

وبالنهايه كله نصيب وارزاق من الله سبحانه وتعالى مانصير نعترض على حكمته​

 

[الكويت حياتي]

ان يبي يتزوج عادي افري كويت بس قول ازهب اغراضي وافكر بنفسي ةاتزوج ليس اتعطل يموت حره

 

[Rinoa]

ماراح ارضى لا في زوج خائن ولافي زوجة ثانية،​

من حقي ارفض ومن حقه يختار ان عافني وراح لها مايشوف شر وحقي ماخذته ماخذته
وان رجع لي ماراح انسى انه فكر يبيعني لين امووووت،
والزوجة الثانية راح اكرهها واعاديها واسكر كل البيبان في وجهها سواء هي سرقته او هو راح لها،
وحتى لو تركها عشاني بظل اكرهها لانها كانت بتكون سبب في تخريب حياتي،​

وهذا الصدق بدون لف ودوران،​

معاها بكل كلمه قالتها.. الحين زمنا غير عن زمن الرسول
النساء بزمن الرسول كانوا يخافون الله.. وعندهم الرجال قبل إذا تزوج
فيتزوج عشان رغبته بتعدد الزوجات,, عكس هالوقت اللي يتزوج يعني زوجته مقصره بحقه !! ​

 

[نجلاء العالم]

مرحباااا نجلاء
أبا أقولج ..........انتي تغاارين من الاولى....
ثااانيا...انا بخبرج عن تجربتي اولا انا بعد فالعشريينات وانا الزوجه الاولى وضرتي اكبر عني ب15 سنه واكبر عن زوجي ب10 سنوااات
برأيج ليش خذهااااا
لما خذهااا قلتله شو السبب قاااااال يحب يغير وعادي ياخذ 4 زوجات ما فارقه معاااه يعني التقصير مب من الاولى.............
أنتي شووو رايج يالغاليه..........
أنا حااسه فيج...............
اتربا الرد

شوفي يقلبي انا ما اتكلم عن الزوج الي يتزوج على مرته لمجرد الزواج فقط ...هذا امر ثاني وانا ضده

 

[** باربي **]

حدج قويه

تدرين لو الزوجه الثانيه لما خطبها رفضت والثانيه والعاشره رفضوا محد تزوج على شريجه

حسبي الله على المره اللي تدخل بين المرهوزوجها وعياله

اذا انتي رضيتي تشاركين المرا في زوجه وبيتها وتحرمنها وعيالها غيرج ما يرضى

عنج ماتزوجتي يختي ارمله والا مطلقه شتبين بالزوج الثتني ربي عيالج ابركلج وحرام تظلمينهم مع رجال ثاني
وبعدين اذا كلام ربي قال ولن تعدلوا
يعني اكيد مافي عدل ولا مساواة

مالت عليهم من حريم وييييييييييييع شلون ترضى تاخذ رجال وتشاركه مع مره ثانيه

استغفر الله الله لا يبلانا يارب
بس احترم نفسي احسن من اسمع الدعاوي من المره الاولى

معااج

خطافات الرقاله

عسى كل زوجه باقت ريال من مرته وبيته ما تعدى حوبه الاولى

الوصخات ما حلى لهم الا الريال المتزوج
لو تاخذين مصري بس انتي مرته بروحه وريال كامل لج
ولا احساسج انج عايشه مع نص رجل تشاركج فيه غيرج

وما تاخذ المتزوج الا البايرة الخايسة الي طايحه بجد نفسها من الخياس
ولا شلي يحدها متزوج

ومافي زوجة ثانيه مسكينة

الي خذت شي مو لها هاذي احقر انسانه لانها بنت سعادتها على تعاسه وبيت غيرها

وين بتلفى التوفيق ولا الله بهنيها
وخل تعرف انه الي باع الاولى وباع العشره عشانج طبعن مو عشان ويهج عشان راحته وتغيير

يشوتج باجر ويقطج بأكبر حاوية خمام
لا تقصين على نفسج وويقولج زوجتي جذي وجذي ووبتسوين فيها المرة السنعه
وانا العكس وشوف الفرق ومنافسه جنج خدامه ما ترد المكتب

ترى دايمن الريال يطلع زوجته الاولى عند الثانيه انها وحش واهيا تلقينها عسل ورقه وجماال واغراء

بس يقص عليج لانه يدري انج غبيه وتالي مثل ما تكلم فيها يخيس فيج عند الي بعدوو>>

 

[ام خلوودي حبيبي]

حبيبتي ليش تبررين وتشرحيين وضعج وحالتج بالعكس الف الف مبرووووووووووك وعقبال الثالثه ياخذها عليج يارب وحده نفسج ضروفها صعبة مطلقة ارمله حرااام راح عليها العمر انت على ما اعتقد من المأيدين بعد مافيها شي خل ياخذ عليييج حقه هذا الحمدالله انا الأولى وبإذنه االاخيره يااااااااااااااااااااااااااااااااااااارب

 

[M!Ss Un!VerSe]

حبيبتي ليش تبررين وتشرحيين وضعج وحالتج بالعكس الف الف مبرووووووووووك وعقبال الثالثه ياخذها عليج يارب وحده نفسج ضروفها صعبة مطلقة ارمله حرااام راح عليها العمر انت على ما اعتقد من المأيدين بعد مافيها شي خل ياخذ عليييج حقه هذا ههههههههههههههه انا من مؤيدين الثالثة الحمدالله انا الأولى وبإذنه الاظخيره يااااااااااااااااااااااااااااااااااااارب

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[حنين احمد]

موضوع معقد شويه
اكيد التعدد حلال و لكن بشروط
و كل واحد يخاف الله في كل تصرفاته سواء في زوجة و احدة أو في زوجتين
و كمان الحريم كل واحده تخاف ربها سواء كانت زوجة أولى أو ثانيه
و اللي تقول ان الارمله او المطلقة أو حتى المتأخرة بالزواج تظل بدون زواج أبرك لها و لا تاخذ زوج واحدة أخرى
كوني عقلانيه و ضعي نفسك مكانها لو زوجك عمل حادث و مات أو تطلقتي لسبب من الاسباب
فهل تظلي طول عمرك معاقبه و تحرمي نفسك الحلال عشان ترضي أفراد
ام تتجهي للحرام و كل يوم مع واحد شكل و تجيب لك علل و أمراض و مش لك بس و لكن كمان للازواج و الشباب اللي ممكن ينجروا لمثل هذه المصائب
طبعا لا
النساء عندها ان زوجها يخونها كل يوم مع واحدة شكل و لا أنه يتزوج عليها و اغلبها بسبب الشكل العام قدام الناس عشان ماحد يعايرها او بسبب انها خايفة على اموال الزوج من انه تتقاسمها مع وحدة ثانيه

انا لا اشجع على التعدد و لكن اذا اقتضت الامور فهذا شرع الله و هو حلال و لا يصح ان نحرم ما أحل الله لمجرد انه لا يناسبنا و يناسب توجهاتنا
نسال الله العلي العظيم ان يحفظ بيوت المسلمين و يسخر لكم ازواجكم و يرضينا بقضاءة و يلطف بنا انه على كل شي قدير

اللهم اغفر لي و لوالدي و للمؤمنين و المؤمنات و المسلمين و المسلمات الاحياء منهم و الاموات
و صلى الله و سلم و بارك على سيدنا محمد و على آله و صحبه أجمعين

 

[Um Turki]

شكلج زوجه ثانيه ولا ليه ادافعين عن الزوجه الثانيه
مشاركه الاخرين حياتهم واخذ الزوج من بين اولادة وزوجته سهل على الوحدة الزوجه الثانيه انانيه فضلت مصلحتها على حساب
الاخرين والعدل عند الرجال معدوم والله قال ولن تعدلوا .

 

[جلكسيه اس 3]

خل يتزوج دامه بايعني وبتم معاه عشان اعيالي
بس وقتها لا يفكر يلمسني او يضحك معاي
او اطلع معاه ,, عنده الثانيه واتوقع انها بتكون فاضيه
حق كل هذا معاه

 

[جلكسيه اس 3]

واقول حق كل زوجه ثانيه
تبي تهدم البيت الاول الله لا يبارك لها
و لا يوفقها يارب

 

[نبض حبيبها]

خطافات الرقاله

عسى كل زوجه باقت ريال من مرته وبيته ما تعدى حوبه الاولى

الوصخات ما حلى لهم الا الريال المتزوج
لو تاخذين مصري بس انتي مرته بروحه وريال كامل لج
ولا احساسج انج عايشه مع نص رجل تشاركج فيه غيرج

وما تاخذ المتزوج الا البايرة الخايسة الي طايحه بجد نفسها من الخياس
ولا شلي يحدها متزوج

ليش يا أختي هذي الألفاظ؟؟؟؟؟
ما يجوز هالكلام


ترى دايمن الريال يطلع زوجته الاولى عند الثانيه انها وحش واهيا تلقينها عسل ورقه وجماال واغراء

عيل ليش تزوج عليها؟؟؟؟؟ مادام عسل ورقة وجمال وأغراء!!!!!!!!!

ولصاحبة الموضوع ليش تدافعين؟؟؟؟
خلاص زوجج تزوجج وانت ما سويتي شي حرام
هذا نصيبج بالدنيا ونصيبها اهي بعد


ترى كل شي في الدنيا مقدر ومكتوب من رب العالمين
وحده زوجها ما راح يتزوج عليها
ووحده يتزوج عليها ثانية وبعضهم ثالثة ورابعة
ووحده كانت الوحيدة لزوجها ومات وتركها
ووحده تتطلق وغيره من الحالات
يكفي إن التعدد حلال مع العدل طبعا والحمدلله على كل حال​

 

[Laidy n3ooma]

خلاااص حبيبتي .. ان شاء الله ريلج يتزوج عليج وياخذ ثلاث ..

بعدين بنجوووف هل انتي حسيتي صح بالاولى ولا لا ..

تقبلي مروري

 

[Om Ghanem 75]

سلام عليكم

أنا ما راح اتكلم بالمطلق أقولكم الزواج الثاني كله غلط و الزوجة الأولى دايما على حق أو الريال من حقة يتزوج و ما تزوج الا من شين الزوجة الأولى

لا حبايبي الزواج الثاني له ظروفه و أسبابه فما يصير أوافق بالمطلق أو أرفض بالمطلق

واحد من أهلنا القراب ما شاء الله الله مرهي عليه وعند خير من الله متزوج صار له 8 سنوات و مو مخلي على زوجته قاصر بيت شكبره و اللي بسنهم قاعدين ايجار ينطرون بيت الحكومة خدامتين و صبي و سايق و زوجته قايلها من يوم ما خطبها أنا مابيج تشتغلين و لا تحطين ايدج بولا شي بس ابيج تهتمين بنفسج و تجابليني .. شوف عيني هي اللي تورينا كل مرة يسافر يبلها جنطة بس حقها هي بروحها هدوم للطلعة هدوم للبيت مكياج جناط ماركات .. ما تلبس منهم ولا شي .. كله بالكبت.. و يعطيها مصروف 300 دينار و فوق كل هذا معلقة على عباية وحدة و اذا كشخت تنورة سودة و قميص أبيض غير هذا ما نشوف عليها قلنا ما يخالف يمكن متدينة ما تحب تلبس برة البيت مرة زرناهم و الا شلابسة دراعة بيت من بو دينار و نص و لا مكياج و لا عطر و لا شي و كل ما بغاها الريال يا زايرة أمها او اختها أو خالتها الخ و اذا جابلته جابلته بالخلاجين.. 8 سنين و الريال يقولها تسنعى تعدلي لبسي و حتى احنا كنا نقولها و هي مو راضية الهدوم كانت توصلها لي غرفتها و كانت تقول ذوقه مو عاجبني أستحي ألبس جذي شدعوة 8 سنين تستحين.. لييين حط على راسها شريجة .. يوم واجهته جان يقولها انا مليت منج و من خلاجينج خلاص خلج حق عيالج و خليني أنا أستانس هذي تملي عيني انت لا حزتها وعت لنفسها بس عقب شنو

يعني ريال بهالموقف له حق يتزوج و الا لأ ؟؟

سالفة ثانية هم حق واحد يصير لنا
هم وضعهم عادي مثل اي زوجين عاديين صارلهم متزوجين 25 سنة زوجته ما شاء الله عمرنا ما شفنا منها و الا سمعنا عنها شي شين سنعة و مرتبة و صاينته و صاينة بيته و عياله و وقفت معاه بالحلوة و المرة .. المهم اشترك مع واحد بمشروع و ربح له جم فلس اول شي راح سواه تزوج على مرته وحدة كبر بنته !! يوم واجهته جان يقولها أنا مليت ابي أغير و اجدد شبابي

هالموقف نفس الموقف اللي فوق ؟؟

شفتوا يعني المواقف تختلف و الناس تختلف فما يصير تحكمون بالمطلق

 

[ام - وهابي]

يصح لسانك هذا هو الكلام الصحيح

الرجال يروح للثانيه او غيرها بمحض ارادته ويروح لبابها ويطلبها ويدفع فيها

وبالاخير ينقال الثانيه اهى اللى سرقته

لا طبعا الرجال ماينسرق الرجال يروح بكيفه وبكامل ارادته علاوه ان اللى حلله الله مايجى انسان ويحرمه

ولو الزوجه الاولى مو عاجبتها الثانيه او الثانيه مو عجبتها الثالثه من حقهم الطلاق

والزواج حتى من 1000 رجل وكله بحلال الله ومافى شى يغصبها على الاستمرار معاه

ولا فى شى يغصبه على تقبلها بدون مايحب او يرغب فى زوجه ثانيه او ثالثه

علاوه ان هالزمان الحرمه تقبل ان زوجها يزنى مع 1000 ولا انه يتزوج عليها

وبالاخير هو اللى بيتحاسب عند الله عن الزنى والله بيقوله ليش ماتزوجت وانا سامحلك

وساعتها ولا هى ولا احد راح ينفعه او يشفعله من عذاب القبر ووالنار

ويغضبها افضل ما يغضب الله ولا ايش رايكم (=

\



عين العقل

 

[وردة عشاق]

بالنسبة لي مستحيييييييييييييييييييل ارضى بالثانية مع انة شرع الله بس اذا سواها بالطقاق

وكل الاساليب اللي تقهرة وتطلع مصرانة بسويها اخلي قرونة تطلع غصب طيب ,, لووووووول