دقوا عليكم الشركه قالو لكم ربحتوا؟

[حجيه هيونه]

السلام عليكم بنات

ماعرفت وين احط موضوعي بس اتوقع هني افضل شي

دقوا عليكم شركه قالو لكم ربحتوا رحلة الى دبي واقامه وتذاكر ؟؟

دقوا علي ناس جذي بس زوجي مشكك بالسالفه يقول هذا اسلوب تسويق ولي رحتي يقولون لج اشتري شي وبعدين تاخذين الهديه

مع انه الى دق اكد لي مو لازم اشتري شي

مادري بنات احد عنده خبر عن الموضوع؟؟

 

[تفـاحهـ]

ما عندي خبر والله سوووري

 

[ملآمح يوسفيه]

ܔܓ

ما عندي خبر بالموضوع


ܔܓ

 

[هجير الريح]

حبيبتى ماعليج منهم دقو علينا وقالو ماعليكم اى التزامات ماديه ومن رحنا قالو انكم تدفعون مادرى جم الف عشان تاخذون خصومات لجم محل بالعالم والكويت وخصم بفنادق معينه يعنى العمليه نصب ولازم تدفعين بس يبون الناس تتعنا ومن عقب يقنعونهم يشتركون معاهم ويدفعون واتمنى غاليتى اكون فدتج وتقبلى مرورى حبوبه

 

[marwa2005]

هاديلا نصابين يالغلية لاتصدقينهم ينصبون باسماء شركات معروفة علشان الناس تصدقهم

 

[C'est La Vie]

ما اقدر افتي
بس ديري بالج
النصابين كثرو

 

[هنـــد]

امبيه هذيلا سالفتهم سالفه معانا

دقو علينا على اساس ربحنا اقامه في اسبانيا

راحو امي وابوي لهم طبعا قعدو يقرقرون على رأسهم

ملخص الحجي يبون ندفع 3000 دينار ولنا حق التملك في فندق ماريوت لمدة 25 سنه في اسبانيا

وعادي التقسيط عاد ابوي دفع لهم 500 دينار والباجي كان بيقاسطهم

ولا قال السالفه لربعه وقالو جذابين يقصون عليك

حاول ترد افلوس الـ500 منهم وماردينهم وصارت للسالفه 10 سنين

لا تروحون ديربالكم

 

[تيوليب]

هلا حبيبتي ,,,,, ايه دقوا علينا عالبيت من قبل بس هذا كلامهم بالبدايه ولما تروحون لهم لازم تدفعون مستحييييييييل ببلاش ... مراح يستفيدون شي بس سوالف دعايه .. عرفتيا ؟؟ المهم انتو مراح تخسرون شي روحوا تطمشواا واسألوا
واتمنى اني فدتج

 

[حجيه هيونه]

عاد من اليوم مناشب انا وزوجي

انا بروح اقوله اذا كلش اتطمش ههههههههه
واهو يقولي نصابين

يالله الله يجزاكم خير وفرتوا علي مشوار


بس حسافه كانت خوش هديه ههههههههههههههههههه:dddds:

 

[عاشقه القيصر]

انا اليوم واصلني مسج من بره الكويت اني رابحه مليون واميه الف دولار .
والله العظيم @@

بس ادري كله نصب بنصب

 

[حجيه هيونه]

لا هذي المسجات حدث ولاحرج
انا لو معطيني كل الى طرشولي اني ربحته كان الحين انافس الخرافي هههههههههههههههههه

<-- طرشولي ملايين وسيارات وحتى سياكل هههههههههههههه

 

[C'est La Vie]

لالالا بنات ديرو باااااااااالكم من هذيلا اللي يقولون ربحتو مليون
يقولون لكم بنحولكم مليون بس حولولنا كذا الف وما تشوفون منهم ولا فلس
واصلا هذيلا كلهم شغل غسييييييييييل اموااااااااااااااال
ديرو بالكم والله يبلشونكم
لا تردون عليهم حقروهم

 

[ولهااااانه]

مااعتقد انهم صاجين