دكتورة اميرة بهبهاني وتحديد الجنس

[صابرين]

بنات شلونكم
بليييز بلييز ابي اخذ رايكم بموضوع مهم وما يتحمل التاجيل الله يخليكم اللي عندها خبرة تنورني :ada:
انا صارلي 3 شهور متبعه عند الكتورة الحمية الغذائية لانجاب الولد باذن الله وطبعا كنت وااايد اقرا بهالموضوع .. ودايما كنت اسمع انه لااازم تنزل البويضة وتتلقح عشان يكون ولد واذا قبل بنت والعلم عند الله
الحين انا امس رحت حق الدكتورة وسوتلي سونار طلع عندي بويضتين الحمدلله وحدة مقاسها 17 ووحدة 19 وعطتني ابرتين عشان تكبرهم وحددتلي جمااااع اليوم .. سؤالي : شلون تحدد الجماع والبويضة ماانزلت لانها قالتلي اليوم جماع في اوقات معينة وباجر تعطيني ابرة تفجيرية :j013:

اب اعرف انا عمري ماسمعت انه يصير جماع وعقب الابرة اللي اعرفة الابرة التفجيرية وعقب 36 ساعة جماااع :s141:
بناات الله يخليكم اللي عندها معلومات تفيدني الله يرزقكم باللي تتمنونه ياااارب :yaaaaaarb:
ايي ونسيت اقولكم امس لما طلعت منها شريت جهاز التبويض كلير بلو طلعلي الخط خفيييييف جنه وردي :nocommint::23_asmilies-com:يعني للحين البويضة مانزلت ياربيي مادري شسوي
دقيت عليها قبل شوي قلتلها عن التبويض انه الخط فااتح جان تقوللي احنا ما نعتمد هذا كلش :nocommint:
وسوي اللي قلتلج عنه ولا تعورين راسج
بنات عفية ابي رايكم لا تهملون الموضوع اليوم بالليل حددتلي :sfg:

بالنهاية احمد ربي واشكرة على رزقته بنت او ولد ان شاء الله يكونون صالحين بس انا بسعى واللي الله كاتبة بيصير ونعم بالله

 

[souhaila]

ففي "صحيح مسلم" عن حُذيفة بن أسيدٍ ، عنِ النَّبيِّ - صلى الله عليه وسلم - قال : (( إذا مرّ بالنُّطفة ثنتان وأربعونَ ليلةً ، بعثَ الله إليها مَلَكاً ، فصوَّرها وخلق سمعها وبصرَها وجِلدَها ولحمَها وعِظامَها، ثُمَّ قال : يا ربِّ أذكرٌ أم أُنثى ؟ فيَقضي ربُّك ما شاءَ ، ويكتبُ الملَكُ، ثُمَّ يقولُ: يا ربِّ ، أجله ؟ فيقول : ربك ما شاء، ويكتب الملك ، ثُمَّ يقول : يا ربِّ ، رزقُه ؟ فيقضي ربُّك ما شاء ، ويكتُبُ الملَكُ ، ثم يخرُجُ الملكُ بالصَّحيفة في يده فلا يزيد على ما أُمِرَ ولا ينقُصُ ))

 

[صابرين]

جزاج الله خير اختي سهيلة انا بتوكل على رب العباد واللي الله كاتبة اهو الاخير ان شاء الله:tek:

 

[Brounzi_girlly]

رد : دكتورة اميرة بهبهاني وتحديد الجنس

يارب مايضيع تعبج ويرزقج بالي تتمنين
مع التحية.............

 

[جـــواهر]

الله يرزقج باللي تمنينه
انتي خلج ع كلام الدكتوره وشوفي الله كريم

 

[جذابه بنت ذيابه]

رد : دكتورة اميرة بهبهاني وتحديد الجنس

الله يرزقج يارب

 

[بنت رجال طيب]

شوفي حبوبة انا مثلج قاعدة أسوي طريقة الولد واللي مشيت عليه مع الدكتور الجماع بعد الأبرة التفجيرة ب36 ساعة هذا

اللي أعرفه والله أعلم بس أهم شي تعرفين أن هذي مجرد أسباب نبذلها ولا ترى كل شي بايد الله سبحانه أذا قال كن فيكون

علييج بقيام الليل والدعاء وكثرة الأستغفار والصدقة هذا كله أهم من طريقة الأكل والغسول وغيره ولا اشكثر بنات أعرفهم

سووا طريقة الولد ومشوا عليها بحذافيرها وفي النهاية جابوا بنات حبيت بس أنصحج والله كريم ويرزقنا​

 

[احب المنتدى]

رد : دكتورة اميرة بهبهاني وتحديد الجنس

كله بيد رب العالمين
اعرف وحده سوتها 3 مرات و جابت 3 بنات

 

[صابرين]

مشكورين حق كل اللي ردوا علي
احبكم يابناات واللة :33_1185028183:

برونزية
يالله يارب امين ويرزقج باللي تتمنينة

جواهر
ان شاء الله يا جواهر الله كريم​

جذابة بنت ذيابة
يااارب ويتمم عليج والله يقومج بالسلامة

بنت رجال طيب
يااارب يرزقني ويرزقج الولد الصالح يارب ولا يضيع تعبنا​

 

[آهات الليل]

الله يرزقج ويرزقني بالولد الصالح
عندي بنتين وهالحمال ان شالله 3بنوته

 

[غلا عيوني]

عليج بدعااااااااااااا لله سبحانه

 

[السحر؛؛؛الحلال]

حبيبتي صابرين دكتورة بهبهاني أتعس دكتورة على الإطلاق وإنت بعدين بتكتشفين هذا ..... بعدين إحنا كلنا نبي الصبيان ونفرح فيهم بس لو ترجعين للحياة راح تلقين البنات نفعتهم للوالدين ماتنوزن بالذهب... بقول لج سالفة أنا حاضرتها فيه مره كل ضناها بنات وحده ثانيه عندها إعيل وبنت وحده بس وراحوا لعرس ولما رقصت أم البنات طبوا عليها بناته وإنترس البست ولما طلعت قاموا بناتها إللي جابت لها كرسي وإللي جابت لها عصير وإللي تعدلها وإللي وإللي أما الثانيه لما رقصت طبت عليها بنتها بس وصارت جنها يتيمه وطلعت بسرعة ماكملت أما إعيالها كل واحد همه مرته وإعياله وهذا شي طبيعي.

 

[منوووورة]

بعد عمري الله يرزقج بلي تتمنينه واهم شي لاتفكرين ولاتحاتين وااجد واللي يجي من الله حياااه الله

 

[..ليالي..]

حبيبتي الله يرزقج باللي تتمنين ان شاء الله

وكل شي بيد رب العالمين

وبصراحه الدكتوره اميره صايره تخورها هالايام واجد
انا قالت لي روحي مافيج جنين ولافي نبض

سوي تنظيفات

وانا مافيني الا العافيه رحت عقبها بيومين بس للدكتوره مهجه واشوف البيبي بخير والنبض موجود

والله انا قالت لي تعالي لي اسويلج برنامج غذائي واعطيج علاج

تجيبين بنت

كل شي بيد رب العالمين

لو الله كاتب لج عشر بنات بتجيبين العشر

اهم شي انج تدعين ربج انه يختار لج الخيره

لانج ماتدرين بكره تجيبين ولد عاق والعياذ بالله

الله يكتب لج اللي فيه لخير

اكثري من الاستغفار

 

[ام يارا]

حبيبتي انا سويته عندها وفشل الحمدالله على كل حال

بس قالت لي بعد الابره التفجيريه يكون الجماع مع عزل و بعدها ب36 ساعه جماعه يومين ورا بعض طبيعي

بس صدقيني هالدكتوره فاااااااااااااااااااااااااااااااااشله وماديه وربي يكتبلج الحمل باللي فيه الخير لج

 

[tmtmt]

جماع قبل الابره !!!!!!!
غرييبه

دقي على الصيدليه اكيد بقولوج مايصير ...
مادري شقولج والله

الله يرزقني ويرزقج بالطفل السليم الكامل والي نبيه يارب

 

[BARBI]

والله مادري انا دكتورتي نداء قالتلي الجماع بعد 30 ساعه من الابره وحدي محتاره ولمادقيت قلت بس مافي تبويض قالت عشان لي نزلت يكون في حيوانات منويه قلت يموت الحيوان المنوي الذكري يعيش 3 او 4 ساعات قالتلي لا يعيش 24 ساعه ..

 

[صابرين]

ياااا بعد عمري يا كويتيات والله احبكم
الله يجزاكم خير الجزاء وينولكم اللي في بالكم يارب يا كريم

انا سويت اللي قالت عنه بس الصراحه مادريي حسيت انها تخوره :bbbiu:
انا بسوي اللي علي والباجي علي رب العالمين والحمدلله علي رزقه ربي

الله يعطيكم العافيه

 

[صابرين]

ترا انا مو حامل بس التوقيع يخوووره

يالله فال خير خير :yaaaaaarb:

 

[Brounzi_girlly]

رد : دكتورة اميرة بهبهاني وتحديد الجنس

آمين يا صابرين الله يسمع منج
مع التحية.............