دكتورتي زينات دار الشفا وانا الحين بالتاسع تعاااالو بليز

[صفحه بيضه]

قوة بنات انا بالشهر التاسع ويلاتي تاريخ 26/6باذن الله اوكي
رحت عند دكتورتي تاريخ 6/8 جان تقوليلي دكتورتي زينات تحسين بشي قلتلها مااحس بولا شي بس حركه البيبي
جان تقولي مايصير شلون مو حاسه بشي انتي بالتاسع تقول اشربي خروع علشان يساعدج علي الولاده جان اقولها بس انا ويلاتي اخرئ الشهر قالت بس موزين انج مو حاسه بعور او اي اعراض من اعراض الولاده تقول جذي ماراح تولدين في موعدج ونطر انه انسويلج قيصير جان اقولها شنووووووووووو مستحيل انا بجريه وجايه عندج خصيصا علشان انج تصبيرين علي الوحده ماتسويلها قيصير شرايكم بنات في كلامها وعلي اي اساسا اسوي قيصيري بس علشان مو حاسه بعوار بس انا ولاتي اخرئ الشهر بنات شرايكم في كلامها انا سمعت انها زينه الدكتورة زينات وانها قليل اتسوي قيصير معروفه انها تصبر وتولاد طبيعي انا الحين مو حاسه بولاشي بس بحركه البيبي

 

[روح الأحزان]

حبيبتي والله مادري شقولج بس على اي اساس تقولج قيصري؟؟
ليش ماتروحين عند دكتورة مي واايد يمدحونها ؟؟
بالنسبة حقي انه اراجع عند معصومة ووايد شاطرة بس مشكلتها مواعيد اذا حابة تروحين لها تقدرين تكلمين السستر مالتها يمكن في مجال تدخلج عليها

 

[الخيال المتلاعب]

مرحبا انا براي اتغير المستشفي كله وشوفي شيقولون احس دكاترت الشفا تجاريين ومايعرفون وكله يبون قيصري والدكتوره مي ماجت رفيجتي وهي في الولاده خلتها لين صار معاها نزيف وانفجرت المشيمه وتالي جا دكتور وسوالها قيصريه ولاجتها ولاشافتها نحشوها وهي رافعه عليهم قضيه

 

[صفحه بيضه]

الله يستر والله خايفه

 

[اجوان]

والله ياختي سمعي قصة اختي واستخييري ربج

اختي راحت لها وفيها الم بسيط

دخلتها ولادة واهي مو فاتحة ولا فيها طلق ولا انبط الماي

على اساس اختي بجر وماتدري شالسالفه


ويت قالتلي إبط الماي !!!!!

وانا أقولها انتي الدكتورة أنا شعرفني


المهم بطت الماي على امل ان يحمي الطلق وتولد


اختي قعدت يووووووومين بغرفة الولادة تتألم

وطبعا إبرة الظهر كانت جزء تحس وجزء مخدر


مسكييييييينة تعذبت

والماي بدا يقل ويشكل خطر للياهل



انهارت من الألم وآخر شي يابوا لها استشارية وسوتلها قيصيرية




انتي اذا قدرتي غيروها والسهالة من الله

 

[ام اغلى الناس]

الله يهون عليج
شوفي راي دكاترة الحكومي واي دكاتره غيرها

 

[ام الحلوااات]

اللـــه يــســهــل عــلــيـــج

 

[Eng.Kokoro]

دام البيبي بخير حمدلله ماراح يطلع عالدنيا الا بيومه

عاادي في وايد مايحسون بالتجاديم باول شهرهم !! وبعدها يالهم الطلق

واذا واااايد مخترعه سألي دكتوره غيرها

والله يسهل عليج وتولدين بالسلامه

 

[مسك وطيب]

معروف البجر تطول بالولاده ليش جذي دكتورتج الله يهداها تجهز الدوا قبل الفلعه
انا عيالي ثلاثه طول التاسع ما احس بولاشي لامغص لا عوار ولاشي ينزل علي وادخل المستشفى اولد بطلق صناعي والحمدلله ربي يسهلها

 

[the note book]

امبي هاذي اشكرا يا عبيطه يا تبي فلوس

 

[the note book]

من صجج انا بحمالي الاول لي الاسبوع ٣٩ ما احس بشي مثلج و انا لقافه رحت قلت ابي طلق صناعي و ولدت طبيعي

يعني مادري على اي اساس تقولج قيصري هاذي خبله او تجاريه

ثاني شي شنو تقولج شربي خروع ديري بالج انتي بجر و توج نص التاسع خل تولي غيريها

و باذن الله اذا ما عندج مشاكل بتولدين طبيعي

الله يقومج بالسلامه و يهون عليج

 

[No0oT]

نطططططري لين تحسسسين بطلوق شلون حريم اول كانو يولدون

ماكو الا كل خير بس نطري الطلوق وروحي لها دايم جذي الدكاتره

يبون يولدون ويخلصون بس انتي نطري

الصبر مفتاح الفرج

 

[ضحاوي الديره]

تو النااااااس عليج انتي بجر
مالج شغل فيها البجر تطول وعادة تاكل شهرها
لاتروحين لها الا اذا حسيتي بشي عشان لايتعبثون فيج
وكثري مششششي وجمااااع وربج بيسهلها انشالله

 

[ام فوااز]

شفيها هذه ختولي
انتي بجر وعادي تاخذين شهرج كله
شيء طبيعي تخلصين شهرج مالج شعل فيها وماله شغل الاعراض.
الاعراض اتيي حتى لو بيومين بس وتولدين وتخلصين
تو الناس عليج والله يسهل عليج يارب ويقومج بالسلامة

 

[عسل مرت قيمر]

سألي دكتوره غيرها احسن


لا تلعبين بنفسج عشان اهيا قالت جذي


لان هلايام لازم تتأكدين من ورا اادكاتره الف مره

 

[أم معاذ الكندري]

انا اقول اختي صبري ع نفسج
لان امي وخالتي يقولون ان البجر اطول وحتي اهني البنات يقولون نفس الكلام
وكل شي بوقته حلو الله كاتب متي راح يطلع ع الدنيا
ولاتشربين خروع الي عرفته من البنات اهني ولمه سئلت امي قالت الخروع ع الاقل تكونين مفتوحه
سانتي او سانتيين
كثري جماع ومشي ع رمل البحر

 

[بيت التوت]

سألي دكتوره غيرها احسن


لا تلعبين بنفسج عشان اهيا قالت جذي


لان هلايام لازم تتأكدين من ورا اادكاتره الف مره

عسل والله انج صاجه وكلامج سليم :eh_s(15):
هالايام الدكاتره يخورونه وااااااااااايد
ورايي ..

شوفي اللي مقتنعه فيه انتي واستخيري
واهي ماقالت انها بتولدج الحين تقصد اذا خلصتي شهرج
وبين طرفت عين وانتباهتاً يغير الله من حال إلي حال

 

[عالمي المجنون]

روحي عند الدكتور زكريا بدار الشفا

عجيب و يخاف عليج

أنا قالي شربي خروع لأني كنت مفتوحة ٢ سانتي و معاي طلق

و ماي البيبي قل شربت الخروع بالليل الصبح شبك معاي الطلق وولدت العصر

 

[أبكاني ذنبي]

شووفي انا بجريه وبالاسبوع الثالث من التاسع

وامس دكتورتي اول مرة تفحصني وكان الرحم مسكر ووصفت لي خروع

على امل اتييلي طلووق واولد لان معاي سكر الحمل وماتقدر تأخرني

والله مافاااااااااااادني بولاشي مع انها وسعتني فتحت الرحم بس اسهال وانتي بكرامه عالفاضي

وقالت الاسبوع الياي ادخلج طلق صناعي بس مايابت طاري العمليه

والله يستر انا خايفه مثلج

بس ماتعطيج الخروع الا الرحم يكون مفتووح اذا مسكر مامنه فايده

انا مفتوح ولا فادني لاني بجريه

 

[صفحه بيضه]

حبايبي مشكورين وماقصرتو كلامكم مثل كلام امي بالضبط