دكتوره جلديه ؟؟؟

[nono78]

السلام عليكم

اشلونكم بنات

عفيه ابي دكتوره جلديه زينه حق علاج الثعلبه

راسي من شهر 1 / 2006

ليي يومكم هذا الثعلبه ما تروح مني

تنتقل من مكان لي مكان وكل مره انصدم بوحده يديده

بليز بنات ساعدوني ابي دكتوره زينه

رحت اول مره عند عياده دكتور سلامه جبر بس مو اهوا يقعد بل عياده دكتور ثاني

وبس مابي اطلع شعري حق دكتوووووووور مليت

بليز بنات ساعدوني

وشاكرتلكم

 

[حنون المزيون]

ماتشوفين شر يارب والله يشفيج
بصراحه مااعرف دكتوره خاصه تعرف بالثعلبه بس انا دايم اعالج عند دلال التركيت وبصراحه اهي تبتدي معاج من الصفر وانتي تبين شي بسرعه
بس ليش ماتروحين الحكومه والله يمدحون علاجهم

 

[nono78]

مشكوره مون حبيبتي

بس دلال التركيت تعالج الثعلبه ؟؟؟

وين مكانها ؟؟؟

والحكومه مالي خلق النطره وتحويلاتهم

يعني لازم ادش على طبيب عام بعدين يحولني حق جلديه وموعد ثاني

 

[لموية العسولة]

بعد قلبي الله يشفيج ان شاءالله ...شوفي مريم الجاسم ان شاءالله تفيدج

وطمنينا عليج

 

[حنون المزيون]

دلال التركيت هذا رقمها بس مواعيدها بعيده بس ان شاء الله يكون حضج حلو ويحطون لج قريب
5632365 _ 5632368 _ 5632369

ولاتنسيني بالدعاء:eh_s(6):
والله يشفيج يارب

 

[nono78]

مون بعد قلبي انتي

الله يعطيج على قد نيتج يارب


لمويه العسل مشكوره حبيبتي ما تقصرين يعطيج العافيه

 

[اعييز]

يابعد قلبي والله ماتشوفين شر .. توني بقولج شوفي دلال التركيت اتهبببل

 

[موني موني]

ما تشوفين شر يالغاليه ... والله يمدحون سحر غنام بس انه ما جربتها .. وعموما كل دكاترة الجلدية يعالجون الثعبة ..

عسى الله يشافيج يا رب و يعطيج الصحة و العافية ..

 

[((MiSS CuTe))]

ماكو على محمد رشيد واصلا مواعيدة ورا الشمس اذا عندج واسطة بسرعة تدشين او جربي حضج يمكن تلقين

 

[ناني سيكرتس]

دلال التركيت تعالج اليهال ؟

 

[مــلاك]

السلام عليكم

مون 14 واللي يعافيج بعرف التركيت تعالج تساقط الشعر وجم تاخذ بالمده تطول يعني ؟؟

واسعارها شلون

وشكرا

 

[ام رغودة]

روحى مركز الحمد ولحقى على نفسج لانة ان اهملتية ينتشر بالجسم واحتمال يطيح الشعر كلة ما اخوفج بس لا تهملين نفسج ودلال التركيت صارت مو هذاك الزود اختى عطتها الحبوب اللى مدتها ست اشهر والحمداللة اختى ما خذتهم سالت دكتور عن الحبوب انصدم لانة لازم تسوى تحليل قبل لا تاخذهم وكل شهر لان هاذى الحبوب يخافون يكون لها تاثير على الكبد ولازم توقع بالموافقة ان كانت تبى تستخدمهم والدكتورة ماقالت لها اى شى بس كتبتهم لها تخيلو

 

[((MiSS CuTe))]

صاجة ام رغودة دلال التركيت مو ذاك الزود ما ادري شلون مخلينها تسوي اشياء من غير تصريح تافخة براطم رفيجتي يضحكووووووووووووون وغلط ومعطيتها علاج حق النفر الي بالوية خلة نفر ويها يزيد

 

[اعييز]

انا صراحه خبري فيها من زمان وانها خووووش دكتوره واللي يتعاملون الحين معاها رفيجاتي ليلحين يمدحونها ..!


والحبوب اذا اخذتيهم من خاص مايحتاج لا توقيع ولا شي .. والتحليل يفضل كل شهر ماقدرتي حللي كل شهرين .. وعلاج الروكيتين لازم صراحه الوحده يكون عندها معلومات قبل لا تستخدمه